From Wikipedia, the free encyclopedia
Delta Persei (δ Per / 39 Persei / HD 22928)[9] ye una estrella na constelación de Perséu de magnitú aparente +2,99. Alcuéntrase a 528 años lluz del Sistema Solar y probablemente ye miembru del Cúmulu d'Alfa Persei, que'l so astru más brillosu ye Mirfak (α Persei).
Delta Persei ye una xigante azul de tipu espectral B5III. Con una temperatura superficial de 13.800 K, tien una lluminosidá 3400 vegaes mayor que la del Sol y un diámetru 10 vegaes más grande que'l d'ésti. Al igual qu'otres estrelles calientes, rota a gran velocidá —igual o superior a 255 km/s—, completando una vuelta en menos de dos díes. La so masa averada ye de 6,5 mases solares y la so edá envalórase en 50 millones d'años; terminando la fusión del so hidróxenu, ta en fase d'evolución escontra una xigante colorada de tamañu enforma mayor.[10] Catalogada como estrella variable Gamma Cassiopeiae, el so rellumu fluctúa apenes 0,05 magnitúes;[11] estes variables, tipificaes por Tsih (γ Cassipoeiae), son variables eruptives que, por cuenta de la rápida rotación, pierden masa estelar de la so zona ecuatorial.
A 102 segundos d'arcu de Delta Persei puede reparase una tenue estrella de magnitú +10,4, siendo cuestionable si ta físicamente rellacionada con ella. Si fuera asina, la distancia ente dambes sería de siquier 16.000 UA.[10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.