From Wikipedia, the free encyclopedia
Cola Declaración Schuman, títulu col que se conoz el discursu pronunciáu pol Ministru d'Asuntos Esteriores francés Robert Schuman, el 9 de mayu de 1950 dase'l primer pasu pa la formación de la Xunión Europea, al proponer que'l carbón y l'aceru d'Alemaña y Francia se sometieran a una alministración conxunta.
| Tipu |
plan (es)  y discurso (es) |
|---|---|
| Epónimu | Robert Schuman |
| Creación | 9 mayu 1950 |
 | |
Nel so discursu, Schuman proponía la creación d'una comunidá franco-alemana p'aprovechar conxuntamente'l carbón y l'aceru de los dos países. Una vez funcionando, ampliaríase la comunidá a otros países europeos pa formar un espaciu de llibre circulación de persones, mercancíes y capital. Esti sistema cruzáu d'intereses evitaría la posibilidá d'una nueva guerra.
Lo oxetivu principal yera algamar daqué que xuniera alemanes y franceses, yá que nos últimos 70 años los dos estaos foren protagonistes de tres guerres, les dos últimes mundiales.
Asina que, cinco años depués de la Segunda Guerra Mundial, decídese la creación de la primera de les comunidaes europees. La Comunidá Europea del Carbón y del Aceru (CECA), formada por Francia, Alemaña, Italia, Bélxica, Holanda y Luxemburgu. Países que punxeron en común la producción y distribución de carbón y aceru ente ellos. Anguaño, el 9 de mayu, día de la declaración, celébrase'l Día d'Europa pa conmemorar l'aniciu del procesu d'integración européu.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
