From Wikipedia, the free encyclopedia
La Comunidá Económica d'Estaos del África Occidental o CEDEAO (n'inglés: Economic Community of West African States, ECOWAS; en francés Communauté économique des États de l'Afrique de l'Ouest, CEDEAO; y en portugués Comunidade Económica dos Estados da África Ocidental, CEDEAO) ye una xunión económica de quince países d'África occidental. Estos estaos tienen una estensión conxunta de 5.114.162 km² y una población estimada, en 2015, de más de 349 millones d'habitantes.
Comunidá Económica d'Estaos del África Occidental | |
---|---|
Economic Community of West African States (en) Communauté économique des États de l’Afrique de l’Ouest (fr) Comunidade Económica dos Estados da África Ocidental (pt) | |
Regional Economic Communities (en) ![]() | |
![]() | |
![]() | |
Llocalización | |
Rexón xeográfica | [[África Occidental|{{{2}}} |
Sede | Abuya |
Historia | |
Fundación | 28 mayu 1975 |
Organigrama | |
Presidente |
Bola Tinubu (es) ![]() |
Participación empresarial | |
Formáu por |
ECOWAS Parliament (en) ![]() ECOWAS Court (en) ![]() West African Health Organisation (en) ![]() Benín Burkina Fasu Cabu Verde Gambia Ghana Guinea Guinea-Bisáu Costa de Marfil Liberia Malí Níxer Nixeria Senegal Sierra Lleona Togu |
Web oficial | |
![]() |
La comunidá establecióse'l 28 de mayu de 1975, fecha de la robla del tratáu de Lagos, que tenía l'oxetivu esplícitu de promover la integración económica na rexón. Una versión revisada del tratáu firmose'l 24 de xunetu de 1993 en Cotonou (Benin). Considerada uno de los bloques rexonales de la Comunidá Económica Africana (African European Community, AEC), l'oxetivu de los sos miembros ye algamar un estáu d'autosuficiencia coleutiva al traviés de la creación d'un únicu bloque comercial completamente integráu dende'l puntu de vista económicu. La CEDEAO tamién funciona como una fuercia de paz na rexón, y únvia ocasionalmente fuercies militares conxuntes de varios de los sos miembros pa intervenir notros de los países de la comunidá nos que hai inestabilidá política o revueltes. Nesi contestu, fuercies de la CEDEAO intervinieron en Costa del Marfil (2003), Liberia (2003), Guinea-Bisáu (2012), Malí (2013) y Gambia (2017)[1][2].
La CEDEAO inclúi dos bloques subrexonales:
La CEDEAO, que trabaya con tres llingües oficiales (inglés, francés y portugués), tiene dos instituciones al traviés de les que desarrolla les sos polítiques: la Comisión y el Bancu pa la Inversión y el Desarrollu, nome que recibe dende'l 2001 l'antiguu Fondu de Cooperación. En 2011 adoptó la so nueva política pa la siguiente década, espresada nel documentu Vision 2020, y una Política de Ciencia y Teunoloxía (ECOPOST) complementaria a elli.
En febreru de 2017 la CEDEAO tien 15 estaos miembros: 8 que la so llingua oficial ye'l francés, cinco de fala inglesa y dos de fala portuguesa. Tóos ellos son miembros dende la fundación, en mayu de 1975, sacante Cabu Verde, qu'ingresó en 1977[3]. L'únicu miembru orixinal qu'abandonó la Comunidá foi Mauritania, que lo fizo n'avientu de 2000[3]. En febreru de 2017 Marruecos solicitó oficialmente la integración na CEDEAO[4].
País | Estensión[5] (km²) |
Población[6] (miles) |
PIB nominal[7] en millones de dólares |
PIB (con paridá de poder adquisitivu)[8] en millones de dólares |
Moneda | Llingua oficial |
---|---|---|---|---|---|---|
Benín | 114.763 | 10.880 | 8.291 | 22.377 | Francu CFA | Francés |
Burkina Fasu | 272.967 | 18.106 | 10.678 | 30.708 | Francu CFA | Francés |
Cabu Verde | 4.033 | 521 | 1.603 | 3.413 | Escudu | Portugués |
Gambia | 11.295 | 1.991 | 939 | 3.344 | Dalasi | Inglés |
Ghana | 238.533 | 27.410 | 37.543 | 115.409 | Cedi | Inglés |
Guinea | 245.857 | 12.609 | 6.699 | 15.244 | Francu | Francés |
Guinea-Bisáu | 36.125 | 1.844 | 1.057 | 2.685 | Francu CFA | Portugués |
Costa de Marfil | 322.463 | 22.702 | 31.759 | 79.766 | Francu CFA | Francés |
Liberia | 111.369 | 4.503 | 2.053 | 3.762 | Dólar | Inglés |
Malí | 1.240.192 | 17.600 | 12.747 | 35.695 | Francu CFA | Francés |
Níxer | 1.267.000 | 19.899 | 7.143 | 19.013 | Francu CFA | Francés |
Nixeria | 923.768 | 182.202 | 481.066 | 1.093.921 | Naira | Inglés |
Senegal | 196.712 | 15.129 | 13.610 | 36.625 | Francu CFA | Francés |
Sierra Lleona | 72.300 | 6.453 | 4.215 | 10.127 | Leone | Inglés |
Togu | 56.785 | 7.305 | 4.088 | 10.667 | Francu CFA | Francés |
Total CEDEAO | 5.114.162 | 349.154 | 623.491 | 1.482.756 | ||
La presidencia de la CEDEAO exércela, por un periodu añal, ún de los xefes d'estáu de los países miembros escoyido por conceyu ente toos ellos. El ministru que tien competencies sobre la CEDEAO nel so país conviértese, al tiempu, nel presidente del conseyu de los ministros que tienen esa competencia en tolos países miembros de la Comunidá, y tamién-y correspuende a esi país la presidencia de les distintes comisiones de rangu menor (ministerial o téunicu) demientres esi añu.
Presidente | País | Periodu de mandatu |
---|---|---|
Yakubu Gowon | ![]() |
28 de mayu de1975 – 29 de xunetu de 1975 |
Gnassingbé Eyadéma | ![]() |
29 de xunetu de 1975 – 13 de setiembre de 1977 |
Olusegun Obasanjo | ![]() |
13 de setiembre de 1977 – 30 de setiembre de 1979 |
Léopold Sédar Senghor | ![]() |
30 de setiembre de 1979 – 31 d'avientu de 1980 |
Gnassingbé Eyadéma | ![]() |
1980–1981 |
Siaka Stevens | ![]() |
1981–1982 |
Mathieu Kérékou | ![]() |
1982–1983 |
Ahmed Sékou Touré | ![]() |
1983–1984 |
Lansana Conté | ![]() |
1984–1985 |
Muhammadu Buhari | ![]() |
1985 – 27 d'agostu de 1985 |
Ibrahim Babangida | ![]() |
27 d'agostu de 1985 – 1989 |
Dawda Jawara | ![]() |
1989–1990 |
Blaise Compaoré | ![]() |
1990–1991 |
Dawda Jawara | ![]() |
1991–1992 |
Abdou Diouf | ![]() |
1992–1993 |
Nicéphore Soglo | ![]() |
1993–1994 |
Jerry Rawlings | ![]() |
1994 – 27 July 1996 |
Sani Abacha | ![]() |
27 de xunetu de 1996 – 8 de xunu de 1998 |
Abdulsalami Abubakar | ![]() |
9 de xunu de 1998 – 1999 |
Gnassingbé Eyadéma | ![]() |
1999 – 1999 |
Alpha Oumar Konaré | ![]() |
1999 – 21 d'avientu de 2001 |
Abdoulaye Wade | ![]() |
21 d'avientu de 2001 – 31 de xineru de 2003 |
John Kufuor | ![]() |
31 de xineru de 2003 – 19 de xineru de 2005 |
Mamadou Tandja | ![]() |
19 de xineru de 2005 – 19 de xineru de 2007 |
Blaise Compaoré | ![]() |
19 de xineru de 2007 – 19 d'avientu de 2008 |
Umaru Musa Yar'Adua | ![]() |
19 d'avientu de 2008 – 18 de febreru de 2010 |
Goodluck Jonathan | ![]() |
18 de febreru de 2010 – 17 de febreru de 2012 |
Alassane Ouattara | ![]() |
17 de febreru de 2012 – 17 de febreru de 2013 |
John Dramani Mahama | ![]() |
17 de febreru de 2013 – 19 de mayu de 2015 |
Macky Sall | ![]() |
19 de mayu de 2015 – 4 de xunu de 2016 |
Ellen Johnson Sirleaf | ![]() |
4 de xunu de 2016 – (actualizáu en marzu de 2017) |
La Comisión ye l'órganu alministrativu permanente del CEDEAO, encargáu del desarrollu de los programas, proyeutos y actividaes de la Comunidá. Fórmenlu 13 miembros, dirixíos por un presidente y un vicepresidente. L'asamblea d'estaos miembros ye la que decide a qué país-y va corresponder exercer la presidencia. El cargu exércese por un periodu de cuatro años non renovables. Los programes y proyeutos de la Comunidá organícense en trece departamentos que coordinen les polítiques respeutives de los estaos miembros:
Presidente de la Comisión |
País | Periodu de mandatu |
---|---|---|
Aboubakar Diaby Ouattara | ![]() |
Xineru 1977 – 1985 |
Momodu Munu | ![]() |
1985–1989 |
Abass Bundu | ![]() |
1989–1993 |
Édouard Benjamin | ![]() |
1993–1997 |
Lansana Kouyaté | ![]() |
Setiembre 1997 – 31 de xineru de 2002 |
Mohammed Ibn Chambas | ![]() |
1 de febreru de 2002 – 31 d'avientu de 2007 |
Mohamed Ibn Chambas | ![]() |
1 de xineru de 2007 – 18 de febreru de 2010 |
Victor Gbeho | ![]() |
18 de febreru de 2010 – 1 de marzu de 2012 |
Kadré Désiré Ouedraogo | ![]() |
1 de marzu de 2012 – 4 de xunu de 2016 |
Marcel Alain de Souza | ![]() |
5 de xunu de 2016 – (actualizáu en marzu de 2017) |
El brazu llexislativu de la CEDEAO ye'l Parllamentu de la Comunidá, encabezáu por un portavoz y embaxu de la direición d'un secretariu xeneral, que coordina les funciones alministratives de la institución. Magar que ta proyectada la so eleición direuta por sufraxu universal, anguaño los 115 parllamentarios que lu componen son designaos polos parllamentos nacionales de los sos estaos miembros por un periodu de cuatro años.
La Corte de Xusticia de la Comunidá ye'l muérganu xudicial de la CEDEAO. Diríxela un presidente, acompañáu de xueces escoyíos polos tribunales supremos de los estaos miembros. La so función ye la de asegurar la interpretación y aplicación correuta de les lleis, protocolos y convenciones de la Comunidá. Les funciones alministratives de la corte desarróllalas un equipu de persones dirixíes pol rexistrador del tribunal.
La Xunión Económica y Monetaria del África Occidental, conocida como UEMOA poles sigles del so nome en francés, Union économique et monétaire ouest-africaine, ye una organización formada por ocho estaos de la CEDEAO, principalmente francófonos, que decidieron axuntase pa contrapesar el gran predominiu de los grandes estaos anglófonos, Nixeria y Ghana, de la Comunidá[10]. Establecióse col oxetivu de promover la integración económica ente los países que comparten como moneda común el francu CFA. La UEMOA creóse por mediu d'un tratáu robláu en Dakar (Senegal), el 10 de xineru de 1994, polos xefes d'estau y gobiernu de Benín, Burkina Fasu, Costa de Marfil, Malí, Níxer, Senegal y Togu. El 2 de mayu de 1997 Guinea-Bisáu, una antigua colonia portuguesa, convirtióse nel octavu -y únicu non francófonu- de los miembros de la UEMOA.
La UEMOA ye una unión aduanera y monetaria que los sos oxetivos son[11]:
Ente los sos llogros cuéntase l'establecimientu de criterios de converxencia macroeconómica, y de un control efectivu del so cumplimientu. Tamién consiguió la xunión aduanera y l'establecimientu d'una tarifa externa común, va harmonizando les regulaciones nacionales sobre los impuestos indireutos y ta entamando a poner en marcha polítiques estructurales y sectorales rexonales. Un estudiu del Fondu Monetariu Internacional de 2002 consideró la UEMOA como'l grupu rexonal africanu d'integración económica que más tenía progresao[12].
La CEDEAO y la UEMOA desarrollaron un plan d'aición común de converxencia en polítiques macroeconómiques y lliberalización comercial. Dambes organizaciones alcordaron tamién coordinar les sos normes d'orixe pa facilitar el comerciu, y la CEDEAO acordó aceptar los formularios aduaneros de la UEMOA y los sos mecanismos de compensación[13].
La Zona Monetaria del África Occidental, conocida como WAMZ poles sigles del so nome n'inglés, West African Monetary Zone, ye una organización formada por seis países de la CEDEAO que planeen introducir una moneda común nomada eco[14]. El grupu fórmenlu Gambia, Ghana, Guinea, Nixeria y Sierra Leone, que fundaron la organización nel añu 2000, y Liberia, qu'ingresó nelli el 16 de febreru de 2010. Sacante Guinea, que ye francófona, toos son países de llingua inglesa. Guinea, como Mauritania, pertenecíen al grupu de ex-colonies franceses qu'usaben el francu CFA hasta que decidieron abandonalu.
La intención de la WAMZ ye establecer una moneda fuerte y estable que pueda rivalizar col francu CFA, que tien una tasa de cambiu venceyada al euru y ta garantizáu pol Tesoru francés. L'oxetivu a más llargu plazu pasaría pola fusión del eco y el francu CFA, dando una moneda común, fuerte y estable, a tolos miembros de la CEDEAO. El procesu de preparación pal llanzamientu de la nueva moneda ta al cargu del West African Monetary Institute, que tien la so sé n'Accra (Ghana).