Centru d'Interpretación del Campusantu de La Carriona
From Wikipedia, the free encyclopedia
From Wikipedia, the free encyclopedia
El CICLAC (Centru d'Interpretación del Campusantu de La Carriona) ye un espaciu museográficu dedicáu a la conocencia y espardimientu del Campusantu Municipal de La Carriona, n'Avilés, Asturies.
CICLAC (Centru d'Interpretación del Campusantu de La Carriona) | |
---|---|
centro de interpretación (es) | |
CICLAC, esterior | |
Llocalización | |
País | España |
Autonomía | Principáu d'Asturies |
Provincia | provincia d'Asturies |
Conceyu | Avilés |
Coordenaes | 43°32′30″N 5°56′15″W |
Historia y usu | |
Apertura | 2012 |
Dueñu | Ayuntamiento de Avilés (es) |
El Centru d'Interpretación de La Carriona asítiase nes antigües viviendes del capellán y el conserxe del campusantu. Estes fueron proyeutaes dientro del conxuntu de la cortil por Ricardo Marcos Bausá, con una planta rectangular y dos patios adosaos a unu de les sos bandes (antigües güertes de les viviendes). El so estilu sigue les carauterístiques de la capiya central del campusantu, racionalista y con un calter austeru, ensin grandes elementos ornamentales.
Nel proyeutu de rehabilitación, proyeutáu pol arquiteutu municipal Germán Blanco Colunga, créase un espaciu espositivu diáfano de 153,45 m² dotáu d'almacén, oficina y aseos. Recupérase l'esterior según el diseñu orixinal de Ricardo Marcos Bausá. Trátase del primer equipamientu museísticu de la ciudá d'Avilés.
El proyeutu museográficu tien l'autoría de personal municipal, en concretu de Ricardo Fernández López y Manuel Ángel Hidalgo Menéndez. Dambos son trabayadores adscritos al Área de Cultura del Conceyu d'Avilés.
El discursu dientro del área d'interpretación xenerar a partir de paneles espositivos asitiaos a lo llargo del perímetru. Tienen abondosa documentación gráfica y nellos recueyen dellos aspeutos:
Amás d'esto, tamién consta de zona de reproducción d'audiovisuales, folletos informativos y vitrines, onde podemos atopar documentos y maquetes rellacionaes col campusantu.
L'oxetivu de la instalación museográfica ye dar a conocer y espublizar el valor históricu- artísticu y social de los campusantos, que puede llevase a cabu gracies a la Ruta Europea de Campusantos, de la que forma parte'l Campusantu Municipal de La Carriona. Otros de los oxetivos fundamentales son la visibilización, espardimientu, caltenimientu y profundización de la conocencia del patrimoniu funerariu.
Tolos espacios y accesos, son accesibles pa persones con movilidá amenorgada. Dispón d'un ampliu horariu d'apertura: de 10.00h a 13.00h y de 16.00h a 18.00h (llunes a vienres, llaborables); y de 11.00h a 13.00h (sábados, domingos y festivos). La entrada ye gratuita.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.