Catálisis
From Wikipedia, the free encyclopedia
La catálisis ye'l procesu pol que s'aumenta la velocidá d'una reaición química, por cuenta de la participación d'una sustancia llamada catalizador y aquelles que desactiven la catálisis son denominaes inhibidores. Una carauterística importante ye que la masa de catalizador nun se modifica mientres la reaición química, lo que lo diferencia d'un reactivu, que la so masa va menguando a lo llargo de la reaición.
Na síntesis de munchos de los productos químicos industriales más importantes esiste una catálisis, una y bones esta puede menguar el tiempu que requier. L'envelenamientu de los catalizadores, que xeneralmente ye un procesu ensin desear, tamién ye utilizáu na industria química. Por casu, nel amenorgamientu del etinu a etenu, el catalizador paladiu (Pd) ye "envelenáu" parcialmente con acetatu de plomu (II), Pb(CH3COO)2. Ensin la desactivación del catalizador, l'etenu producíu amenorgaríase darréu a etanu.[1][2]