BP Bootis (BP Boo / HD 140728 / HR 5857)[8] ye una estrella variable na constelación de Boötes, asitiada mui cerca de la llende con Draco. Catalogada como variable Alfa2 Canum Venaticorum —que la so representante más brillosu ye Alioth (ε Ursae Majoris)—, la so magnitú aparente máxima ye +5,34, fluctuando el so rellumu 0,02 magnitúes a lo llargo d'un periodu de 1,3049 díes.[9] Alcuéntrase a 313 años lluz de distancia del Sistema Solar.
BP Bootis ye una estrella blancu-azulada de tipu espectral B9p,[8] la cual, con una edá de cuasi 120 millones d'años, apenes percorrió una tercer parte de la so andadura como estrella de la secuencia principal.[10] Ye una estrella químicamente peculiar —concretamente una estrella Bp—, que presenta sobreabundancia de siliciu y cromu. Exemplos d'estrelles Bp son β Hydrae, HK Canis Majoris y NN Apodis. Al igual qu'estes estrelles, BP Bootis tien un intensu campu magnéticu; el so campu magnéticu efectivu <Be> algama los 100 G.[11]
La temperatura efectivo de BP Bootis ye de 9800 K,[11] magar otru estudiu alza significativamente esta cifra hasta los 12.000 K.[10] Xira sobre sigo mesma con una velocidá de rotación proyeutada de 75 km/s.[12] Relluma con una lluminosidá 102 vegaes mayor que la del Sol y ye 3 vegaes más masiva qu'ésti.[10]
Referencies
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.