From Wikipedia, the free encyclopedia
Alfa Pyxidis (α Pyx / HD 74575 / HR 3468) ye la estrella más brillosa de la constelación de Pyxis, la brúxula, con magnitú aparente +3,68. Dacuando recibe'l nome de Al Sumut, del árabe السموت al-sumūt, «camín» o «direición» de la brúxula.
Alfa Pyxidis ye una xigante azul de tipu espectral B1.5III,[8] una estrella caliente con una temperatura superficial de 22.900 K. La so lluminosidá, incluyendo una parte importante de la so enerxía que ye radiada nel ultravioleta, ye 18.000 vegaes mayor que la lluminosidá solar. Dende la Tierra nun apaez más brillosa por cuenta de la gran distancia a la que s'atopa, unos 850 años lluz, xuníu a la so posición cerca del centru de la galaxa que fai que'l polvu interestelar apangue'l so rellumu nun 30%. Con un diámetru 8 vegaes mayor que'l del Sol, los sos parámetros indiquen que más qu'una xigante, ye una estrella de la secuencia principal d'unes 11 mases solares con una edá averada de 18 millones d'años.[9]
Alfa Pyxidis paez tar arrodiada d'un cascu n'espansión y puede ser una estrella variable[8] del tipu Beta Cephei.[9]