Al Niyat
From Wikipedia, the free encyclopedia
From Wikipedia, the free encyclopedia
Al Niyat (σ Sco / σ Scorpii / 20 Scorpii) ye una estrella na constelación d'Escorpiu, l'escorpión, de magnitú aparente +2,90. El so nome vien del árabe النياط an-niyāţ, y significa «les arteries» (del escorpión), en referencia a les dos estrelles que flanqueen a Antares (α Scorpii) —el corazón del escorpión—, σ Scorpii y τ Scorpii.
Al Niyat forma un sistema estelar cuádruple. Les dos estrelles principales son dos estrelles calientes, una estrella azul del raru tipu espectral O9V y una xigante azul de tipu B2III, siendo'l periodu orbital de 33 díes. Puesto que la distancia del sistema nun ye bien conocida (envalórase que ta a 735 años lluz de distancia, pero con un error de ± 134) y asumiendo que la lluminosidá de dambes estrelles puede ser similar, caúna d'elles puede rellumar como 30.000 soles aproximao, una vegada considerada la radiación ultravioleta qu'emiten. Piénsase que la xigante azul B2 ye una variable Beta Cephei, que fai que la so magnitú aparente varie cuasi imperceptiblemente ente +2,86 y +2,94 nun periodu de daqué menos de 6 hores.
Visualmente a mediu segundu d'arcu, que correspuende a una distancia real de siquier 120 UA, esiste una tercer estrella de magnitú aparente +5,2 denomada Al Niyat C. El so periodu orbital alredor del par interior ye de más de 100 años. Paez que ye una estrella de tipu espectral B.
A una distancia entá mayor, a 20 segundos d'arcu y más de 4500 UA, puede apreciase una cuarta estrella, Al Niyat B. Ye tamién una estrella azul de la secuencia principal anque daqué más fría que les otres y clasificada como B9. La so magnitú aparente ye +8,7.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
