![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/96/Naqsh_i_Rustam._Investiture_d%2527Ardashir_1.jpg/640px-Naqsh_i_Rustam._Investiture_d%2527Ardashir_1.jpg&w=640&q=50)
Ahura Mazda
From Wikipedia, the free encyclopedia
Ahura Mazda (Ahura Mazdā) o Ormuz ye'l nome en idioma avéstico pa una divinidá aponderada por Zoroastru como'l Creador ensin crear, esto ye, la deidá suprema del zoroastrismu.
- Esti artículu ye sobre'l dios iranín. Pa lleer sobre'l fabricante d'automóviles, ver Mazda.
![Thumb image](http://upload.wikimedia.org/wikipedia/commons/thumb/9/96/Naqsh_i_Rustam._Investiture_d%27Ardashir_1.jpg/640px-Naqsh_i_Rustam._Investiture_d%27Ardashir_1.jpg)
El zoroastrismu ye asina descritu polos sos adeptos como «mazdaiasna», l'adoración de Mazda. Nel Avesta, «Ahura Mazda ye'l más altu oxetu de cultu»,[1] la primer divinidá y la más frecuentemente mentada na lliturxa yasna. Na cosmogonía y tradición zoroástrica, toles divinidaes menores son tamién creaciones de Mazda (lléase Bundahishn III).
Ahura Mazda ye Auramazdā[2] en antiguu persa, Aramazd en partu[3] y armeniu (cf. tamién Aramazd). En persa mediu y persa nuevu el so usu varia, pero Hormizd, Hormuzd, Ohrmazd y Ormazd/Ōrmazd (اورمزد/ارمزد) son treslliteraciones comunes.
Ye'l dios del cielu, omnisciente y sacerdote celeste, líder de los Amesha Spenta, verdaes (non divinidaes) del zoroastrismu creaes por Ahura Mazda p'ayudar a rexir la creación (los ahura). Ye un dios astractu y trascendente, ensin imaxe concreta, polo cual nun ye representable. Los zorastrianos usen el términu arreyar pa referise al fueu y la lluz, que son manifestaciones de Ahura Mazda.
Angra Mainyu ye lo opuesto a Ahura Mazda, ye la representación del mal, nun ye un dios nin un ente y dio llugar al conceutu erróneu de qu'hai «dualismu cósmicu» nel zoroastrianismo[ensin referencies]. Tamién ye llamáu Ahriman. Representa a los daeva, los de la mala conducta.
Mazda significa 'sabiduría', ye un nome femenín (como'l griegu Sofía). Ahura significa, lliteralmente, el ser altu' masculín.