especie de planta From Wikipedia, the free encyclopedia
El perexil de bruxes[1] (Aethusa cynapium) ye un xéneru monotípicu de plantes de la familia Apiaceae que tien solo una especie, Aethusa cynapium, ye una planta rara yerbácea natural d'Europa, oeste d'Asia y noroeste d'África.
Aethusa cynapium perexil de bruxes | ||
---|---|---|
Clasificación científica | ||
Reinu: | Plantae | |
Subreinu: | Tracheobionta | |
División: | Magnoliophyta | |
Clas: | Magnoliopsida | |
Subclas: | Rosidae | |
Orde: | Apiales | |
Familia: | Apiaceae | |
Subfamilia: | Apioideae | |
Tribu: | Selineae | |
Xéneru: |
Aethusa L. | |
Especie: |
A. cynapium L. | |
Consultes | ||
Royal Botanic Gardens, Kew | Royal Botanic Gardens, Kew | |
World Flora Online | World Flora online | |
[editar datos en Wikidata] |
Ye una planta yerbácea añal o biañal con raigañu fusiforme y tarmu buecu, llisu y ramificáu qu'algama 80 cm d'altor. Les fueyes bien estremaes con golor desagradable. Les flores son blanques irregulares y pequeñes. Les flores fresques son venenoses perdiendo la so toxicidá al ensugase, el segáu nun ye venenosu. Estendióse a otres partes del mundu y ye consideráu como meruxa.
Alcuéntrase en campos, mieses y cultivos, escombros y montes esclariaos, en rexones fríes y lluvioses.
Contién alcaloides como coniina y cinapina.[2]
Ye antiespasmódico, estomacal, sedante. Paez que les granes son la parte más tóxica. Los envelenamientos produciéronse por confundir les sos fueyes coles del perexil, anque s'estremen pol so mal golor. Los síntomes cursen con estomagaes, vultures, foria, intensa salivación, dolor de cabeza, temblones musculares, dolor nes estremidaes y dificultá nel movimientu. Nun suel ser mortal y el tratamientu ye llaváu d'estómagu y reposición de fluyíos.[2]
Aethusa cynapium describióse por Carlos Linneo y espublizóse en Species Plantarum 1: 256. 1753.[3]
Esta especie ye conocida nel dominiu llingüísticu asturlleonés col nome común perexil de bruxes[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.