![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/79/Nataraja_sculpture_at_the_group_of_monuments_at_Belur%252C_Hassan_district%252C_Karnataka%252C_India_%25282008%2529.jpg/640px-Nataraja_sculpture_at_the_group_of_monuments_at_Belur%252C_Hassan_district%252C_Karnataka%252C_India_%25282008%2529.jpg&w=640&q=50)
তাণ্ডৱ
From Wikipedia, the free encyclopedia
তাণ্ডৱ বা তাণ্ডৱম বা তাণ্ডৱ নাট্যম (ইংৰাজী: Tandava) হিন্দু দেৱতাসকলে কৰা এক মহাজাগতিক ঐশ্বৰিক নৃত্য। হিন্দু শাস্ত্ৰসমূহত উল্লিখিত অনুসৰি দেৱতাসকলে বিভিন্ন অনুষ্ঠানত তাণ্ডৱ নৃত্য প্ৰদৰ্শন কৰিছিল। ভাগৱত পুৰণত ভগৱান শ্ৰীকৃষ্ণয়ে সৰ্পৰাজ কালিয়াৰ মূৰৰ ওপৰত তাণ্ডৱ নৃত্য কৰিছিল। [1] শিৱয়ে তেওঁৰ দুখ আৰু খং প্ৰকাশ কৰিবলৈ ৰুদ্ৰ তাণ্ডৱ প্ৰদৰ্শন কৰিছিল বুলি কোৱা হয়। পাৰ্বতী হিচাপে পুনৰজন্ম হোৱা শিৱৰ প্ৰথম পত্নী সতীয়ে দক্ষৰ যজ্ঞাত অগ্নি কুণ্ডত জঁপিয়াই প্ৰাণ ত্যাগ কৰাৰ পিছত শিৱয়ে তাণ্ডৱ নৃত্য কৰিছিল। শিৱৰ পুত্ৰ গণেশক কিছুমান মন্দিৰৰ ভাস্কৰ্যসমূহত অষ্টভূজা তাণ্ডৱ নৃত্যৰত অৱস্থাত খোদিত কৰা হৈছে। [2]
![Thumb image](http://upload.wikimedia.org/wikipedia/commons/thumb/7/79/Nataraja_sculpture_at_the_group_of_monuments_at_Belur%2C_Hassan_district%2C_Karnataka%2C_India_%282008%29.jpg/320px-Nataraja_sculpture_at_the_group_of_monuments_at_Belur%2C_Hassan_district%2C_Karnataka%2C_India_%282008%29.jpg)
জৈন পৰম্পৰা অনুসৰি ইন্দ্ৰয়ে জৈন ধৰ্মৰ প্ৰথম তীৰ্থংকৰ ঋষভনাথৰ জন্মৰ সময়ত তেওঁৰ সন্মানৰ্থে তাণ্ডৱ কৰিছিল বুলি কোৱা হয়। [3]