ভাৰতীয় কণ্ঠশিল্পী From Wikipedia, the free encyclopedia
কৃষ্ণকুমাৰ কুনাথ (ইংৰাজী : Krishnakumar Kunnath; ২৩ আগষ্ট ১৯৬৮ – ৩১ মে' ২০২২) হৈছে এজন ভাৰতীয় নেপথ্য গায়ক।[1] তেওঁ কেকে নামেৰে অধিক পৰিচিত। তেওঁ হিন্দী, তামিল, তেলেগু, কন্নড়, মালয়ালম, মাৰাঠী, বাংলা, অসমীয়া আৰু গুজৰাটী ভাষাৰ ছবিত গীত বাণীবদ্ধ কৰিছে। ২০০০ চনৰ আটাইতকৈ সফল ভাৰতীয় কণ্ঠশিল্পী সকলৰ ভিতৰত তেওঁ এজন।[2][3]
মালয়ালী পিতৃ-মাতৃ চি. এছ. মেনন আৰু কুনাথ কনকভালিৰ সন্তান[4] কেকে দিল্লীত ডাঙৰ দীঘল হৈছিল। বলীউডত প্ৰৱেশ কৰাৰ আগতে তেওঁ ৩৫০০টা জিংগল গাইছিল।[5] তেওঁ দিল্লীৰ মাউণ্ট ছেইণ্ট মেৰীছ স্কুল[6]ৰ প্ৰাক্তন ছাত্ৰ আছিল আৰু দিল্লী বিশ্ববিদ্যালয়ৰ কিৰোৰী মল কলেজৰ[7] পৰা স্নাতক ডিগ্ৰী লাভ কৰিছিল। ১৯৯৯ চনৰ ক্ৰিকেট বিশ্বকাপৰ সময়ত ভাৰতীয় ক্ৰিকেট দলৰ সমৰ্থনত তেওঁ "জৌছ অৱ ইণ্ডিয়া" গীতত কণ্ঠদান কৰিছিল।[8]
১৯৯১ চনত, কেকে জ্যোতিৰ সৈতে বিবাহপাশত আবদ্ধ হয়।[9]তেওঁৰ পুত্ৰ নকুল কৃষ্ণ কুনাথে তেওঁৰ সৈতে তেওঁৰ এলবাম "হমচফৰ"ত "মস্তি" নামেৰ এটা গীত গাইছিল।[10]কেকেৰ তামাৰা কুন্নথ নামৰ এগৰাকী কন্যাও আছে।
গায়ক কিশোৰ কুমাৰে কেকেক যথেষ্ট পৰিমাণে প্ৰভাৱিত কৰিছিল আৰু কেকেৰ প্ৰিয় আন্তঃৰাষ্ট্ৰীয় গায়ক আৰু বেণ্ডৰ ভিতৰত সংগীত পৰিচালক আৰ. ডি. বৰ্মন, মাইকেল জেকচন, বিলি জোৱেল, ব্ৰায়ান এডামছ, লেড জেপেলিন আদি অন্যতম। তেওঁ উল্লেখ কৰিছে যে, এজন গায়কৰ মুখখন ভালদৰে দেখা পোৱাটো গুৰুত্বপূৰ্ণ নহয় – গুৰুত্বপূৰ্ণ কথাটো হ'ল "এজন গায়কক শুনিব লাগিব।" [11] কেকেই কেতিয়াও সংগীতৰ কোনো আনুষ্ঠানিক প্ৰশিক্ষণ গ্ৰহণ কৰা নাই।[12]
| বৰ্ষ | এলবাম(s) | সংগীত পৰিচালক(s) |
|---|---|---|
| একক এলবাম | ||
| ১৯৯৯ | পল | লেজলি লেৱিছ |
| ২০০৮ | হমচফৰ | কেকে |
| সংকলন | ||
| ২০০২ | হমৰাজ | হিমেশ ৰেশমিয়া |
| ২০১০ | Kavalan | কেকে, ৰীতা[স্পষ্টীকৰণৰ প্ৰয়োজন] |
| ২০১১ | চলফুল ভইচ কেকে | বিভিন্ন |
| ২০১৪ | Now Playing: KK Hits | বিভিন্ন |
| ২০১৩ | KK: Best Of Me | বিভিন্ন |
| ২০১৫ | Musical Bond: Pritam & KK | প্ৰীতম চক্ৰৱৰ্তী |
কেকেই খোদা জানে গীতৰ বাবে, ২০০৯ চনত শ্ৰেষ্ঠ নেপথ্য গায়কৰ ষ্টাৰ স্ক্ৰীন বঁটা লাভ কৰিছিল।[13]
২০২২ চনৰ ৩১ মে'ত ৫৩ বছৰ বয়সত কলিকতাত অনুষ্ঠিত এক সংগীতানুষ্ঠানত গীত পৰিৱেশন কৰি থাকোঁতে হৃদক্ৰিয়া বন্ধ হৈ জনপ্ৰিয় গায়কগৰাকী মৃত্যুমুখত পৰে।[14]
 |
ৱিকিমিডিয়া কমন্সত Krishnakumar Kunnath সম্পৰ্কীয় মিডিয়া ফাইল আছে। |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.jpg)
