![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/c/cb/Sheeju_iisc.jpg/640px-Sheeju_iisc.jpg&w=640&q=50)
ভাৰতীয় বিজ্ঞান প্ৰতিষ্ঠান
From Wikipedia, the free encyclopedia
ভাৰতীয় বিজ্ঞান প্ৰতিষ্ঠান (ইংৰাজী: Indian Institute of Science,IISc) বাংগালোৰত অৱস্থিত এটি উচ্চ শিক্ষা আৰু গৱেষণা প্ৰতিষ্ঠান। উদ্যোগপতি জামচেদজী টাটা, স্বামী বিবেকানন্দ, মাইচোৰৰ ৰজা শ্ৰী কৃষ্ণৰাজা উদিয়াৰ আৰু তেখেতৰ মাতৃ, ভাৰতৰ ভাইচৰয় লৰ্ড কাৰ্জন আদিৰ সহযোগ আৰু পৃষ্ঠপোষকতাত প্ৰতিষ্ঠানটি ১৯০৯ চনৰ ২৭ মে'ত প্ৰতিষ্ঠাপিত হৈছিল। ৰসায়ন বিজ্ঞান আৰু ইলেক্ট্ৰ-টেকনলজী - এই দুটা বিভাগেৰ আৰম্ভ হোৱা এই প্ৰতিষ্ঠানটোৰ প্ৰথম সঞ্চালক আছিল মৰীচ w. ট্ৰাভাৰ।
ভাৰতীয় বিজ্ঞান প্ৰতিষ্ঠান | |
---|---|
![]() ভাৰতীয় বিজ্ঞান প্ৰতিষ্ঠান | |
স্থাপিত | ১৯০৯ |
ধৰণ | গৱেষণা প্ৰতিষ্ঠান |
সঞ্চালক | পদ্মনাভন বলৰাম |
স্থান | বাংগালোৰ, কৰ্ণাটক, ভাৰত |
ৱেবছাইট | www.iisc.ernet.in |
![]() |
প্ৰতিষ্ঠানটোত জীববিজ্ঞান, ৰসায়ন বিজ্ঞান, বিদ্যুৎ বিজ্ঞান আদি ৭টা বিভাজনত (ইংৰাজী: division) বৰ্তমান (ডিচে. ২০১১) মুঠ ৪৫টা বিভাগ (ইংৰাজী: department) আছে। ইয়াত বিজ্ঞান তথা প্ৰযুক্তিবিদ্যাৰ বিভিন্ন বিষয়ত স্নাতকোত্তৰ আৰু ডক্টৰেট পৰ্য্যায়ৰ পাঠ্যক্ৰম আছে। তথোপযুক্ত পুথিভৰাল আৰু কম্পিউটাৰৰ সুবিধাৰে সম্বৃদ্ধ প্ৰতিষ্ঠানটোত ২০০৬ চনৰপৰা ভাৰত চৰকাৰৰ সাহায্যত ইয়াৰ গৱেষণাগাৰসমূহৰ নবীকৰণৰ কাৰ্য্য চলি আছে।