উকাহ
From Wikipedia, the free encyclopedia
From Wikipedia, the free encyclopedia
উকাহ[1] (ইংৰাজী: Grey-headed Fish Eagle, বৈজ্ঞানিক নাম-Ichthyophaga ichthyaetus) এবিধ ঈগল জাতীয় মাংসভোজী চৰাইৰ প্ৰজাতি। অন্যান্য ঈগলৰ প্ৰজাতি সমূহৰ দৰেই ইয়ো Accipitridae পৰিয়ালৰ অন্তৰ্ভুক্ত।
| উকাহ (Grey-headed Fish Eagle) | |
|---|---|
 | |
| অসমৰ কাজিৰঙা ৰাষ্ট্ৰীয় উদ্যানত এটা উকাহ | |
| সংৰক্ষণ স্থিতি | |
| জীৱবৈজ্ঞানিক শ্ৰেণীবিভাজন | |
| ৰাজ্য: | Animalia |
| পৰ্ব: | Chordata |
| শ্ৰেণী: | Aves |
| বৰ্গ: | Accipitriformes |
| পৰিয়াল: | Accipitridae |
| গণ: | Ichthyophaga |
| প্ৰজাতি: | I. ichthyaetus |
| বৈজ্ঞানিক নাম | |
| Ichthyophaga ichthyaetus (Horsfield, 1821) | |
উকাহৰ দেহৰ আকাৰ তুলনামূলকভাৱে ডাঙৰ। ইয়াৰ দৈৰ্ঘ্য প্ৰায় ৭০-৭৫ ছে:মি: হোৱা দেখা যায়। পূৰ্ণবয়স্ক উকাহৰ ডেউকা গাঢ় মটীয়া, মূৰ অংশ মুগা আৰু বুকু মাখন বৰণীয়া হয়। তলৰ পেট আৰু নেজ বগা আৰু নেজত দীঘলীয়া আঁচ থাকে।
উকাহৰ মতা-মাইকী উভয়ে দেখাত একে। অৱশ্যে পোৱালি অৱস্থাত ইয়াৰ মূৰ শেঁতা বগা আৰু পেট অংশ গাঢ় হোৱা দেখা যায়।
উকাহে সাধাৰণতে ভাৰত উপমহাদেশ আৰু দক্ষিণ-পূব এছিয়াত প্ৰজনন কৰে। ইয়াক প্ৰধানকৈ ভাৰত, নেপাল, শ্ৰীলংকা, বাংলাদেশ, ম্যানমাৰ, ফিলিপাইনছ, থাইলেণ্ড,লাওছ, ভিয়েটনাম, কম্বোডিয়া,মালয়েছিয়া, চিংগাপুৰ, ব্ৰুনেই, ইণ্ডোনেছিয়া আদি দেশত দেখা পোৱা যায়। [2]
সোঁত কম থকা নৈ-বিল, জান-জুৰি, হ্ৰদ আদিৰ কাষৰীয়া বনাঞ্চলত উকাহ দেখা পোৱা যায়।
ই প্ৰধানকৈ জলাশয় সমূহৰ পৰা মাছ চিকাৰ কৰি খাই জীয়াই থাকে। [3]
উকাহে সাধাৰণতে বনাঞ্চলৰ আশে পাশে বাস কৰে। ই জলাশয়ৰ পাৰৰ গছৰ ওখ ডালত ডালি আৰু পাত আদিৰে বাহ সাজে। এবাৰত ই চাৰিটাকৈ কণী পাৰে বুলি জনা যায়।
উকাহ সমগ্ৰ বিশ্বৰ বিভিন দেশত বহুলভাৱে বিস্তৃত যদিও স্থানীয় ভাৱে ইয়াৰ জনসংখ্যা ক্ৰমাৎ হ্ৰাস পাই আহিব ধৰিছে। ইয়াৰ প্ৰধান কাৰণ হ'ল ইয়াৰ বাসস্থান ধ্বংস, প্ৰদূষণ তথা অত্যধিক মাছ ধৰা কাৰ্য্য। সেয়েহে ইয়াৰ বৰ্তমানৰ স্থিতিৰ প্ৰতি লক্ষ্য ৰাখি ইয়াক আই. ইউ. চি. এন. এ সংকট আসন্ন (Near Threatened) প্ৰজাতিৰ অন্তৰ্ভুক্ত কৰিছে।
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
