From Wikipedia, the free encyclopedia
الكسندر سرجيفيتش پوشكين - Russian: Алекса́ндр Серге́евич Пу́шкин - (موسكو ، 6 يونيه 1799 -سانت بطرسبورج 10 فبراير 1837)، أعظم شعرا روسيا، و كاتب روائى و مسرحى. بيعتبر ابو الادب الروسى. إتولد فى عيله ارستقراطيه افتقرت. امه كانت بنت حفيدة كبير مهندسين القيصر بطرس الاكبر. درس بوشكين بالفرنساوى فى الليسيه الامبراطورى فى تسار سكويى سيلو، لكن اتعلم الروسى المحلى من الخدامين فى البيت. و هو فى الليسيه و هو عنده 15 سنه نشر اول أهم دواوينه الشعريه " رسلان و اودميلا " (اتنشر 1820)، و لما اتخرج من الليسيه و هو عنده 18 سنه كان ليه صيت أدبى.
| ||||
---|---|---|---|---|
(بالروسى: Александр Сергеевич Пушкин)، و(بالروسى: Александръ Сергѣевичъ Пушкинъ) | ||||
معلومات شخصيه | ||||
الميلاد | 26 مايو 1799 [1][2][3][4] | |||
الوفاة | 29 يناير 1837 (38 سنة)[1][2][4] | |||
قتله | جيورجيس تشارلز د هيكيرين دانثيس | |||
الاقامه | سيمفربول (1820–1820) كيشيناو (1820–1823) اوديسا (1823–1824) موسكو (–24 اكتوبر 1829)[11] موسكو (6 سبتمبر 1833–10 سبتمبر 1833)[12] نيجنى نوفجورود [13] كازان (–20 سبتمبر 1833)[14] ساراتوڤ [15] بينزا [15] ڤيليكو بولدينو (13 اكتوبر 1833–)[16] سانت بطرسبورج [17] سانت بطرسبورج [18] | |||
مواطنه | الامبراطوريه الروسيه | |||
اخوه و اخوات | ||||
الحياه العمليه | ||||
المهنه | شاعر [20][7][21]، وناثر ، وكاتب مسرحيات [21]، ومؤرخ ، وروائى ، وكاتب [7][21][22]، ومؤلف [23] | |||
اللغه الام | روسى | |||
اللغات المحكيه او المكتوبه | لغه فرنساوى ، وروسى [24] | |||
بداية فترة العمل | 1814 | |||
اعمال بارزه | بنت البحار | |||
اتأثر بـ | جون كيتس ، وفولتير ، ودانتى اليجييرى ، وجوته ، وفريدريك شيلر ، وويليام شيكسبير ، وجورج بايرون ، وبيرسى بيش شيلى | |||
التيار | الرومانسيه | |||
التوقيع | ||||
المواقع | ||||
IMDB | صفحته على IMDB | |||
تعديل مصدري - تعديل |
فى سنة 1817 اتعين بوشكين فى وزارة الخارجيه فى سانت بطرسبورج و بقى ثورجى و اندمج فى جماعه شبابيه كانت جزء من الانتفاضة الديسمبريه سنة 1825. فى 1820 كتب بوشكين قصيده عنوانها " عن الحريه " و كانت سبب فى لفت نظر السلطات الحاكمه ليه و كانت النتيجه انه اتطرد من سانت بطرسبورج فراح عاش فى جنوب روسيا لمدة تلت سنين و اتعرف على اشعار لورد بيرون لأول مره. و فى سنة 1823 راح عاش فى اوديسا و ابتدا يعيش حياته الطبيعيه زى ماكان قبل نفيه من سانت بطرسبورج. فى اوديسا ابتدا بوشكين اعظم اعماله " يفجنى اونيجن " ( 1823 - 1831 ). لكن بعد سنه اضطر انه يعزل تانى و راح عاش فى عزبة امه فى ميخائيلوفسكوى بعد ما وقعت فى ايدين السلطات مراسلات ليه و هناك عاش تحت المراقبه.
رغم المشاكل اللى واجها بوشكين فى الفتره دى، استمر فى الكتابه و ذاع صيته بسرعه. و بعد اغتيال القيصر الكسندر الاول فى 1825 اعترف القيصر الجديد نيكولاس الاول بشعبية بوشكين و لغى نفيه فرجع سانت بطرسبورج و هناك قابل و وقع فى حب " ناتاليا نيكولاييفنا جونتشاروفا " اللى كانت جميله و من عيله ارستقراطيه فإتجوزها سنة 1831.
فى بداية 1830 بوشكين كتب و نشر اشعار و مسرحيات و قصص قصيره كان منها تراجيديته التاريخيه الشكسبيريه " بوريس جودونوف " (اتنشرت 1831). (اتنشرت 1831) و " موزارت و ساليرى " و " ملكة البستونى " (1834) و " بنت البحار " (اتنشرت 1836).
بوشكين اكتشف ان تشجيع القيصر ليه بدل ما بيديه الحريه كان بالأحرى نوع قوى من الرقابه و فى نفس الوقت بوشكين كان بيعانى من احباط من تصرفات مراته ناتاليا. فى سنة 1836 حصلت لبوشكين فضيحه بسبب علاقة مراته بالبارون جيورجيس دانتتيس، فطلب بوشكين الدخول فى مبارزه معاه للدفاع عن شرفه هو و مراته. المبارزه حصلت فى يناير 1837 و اتجرح فيها بوشكين جرح مميت اتسبب فى وفاته بعدها بيومين.
اتأثر بوشكين بأشعار لورد بيرون وكتب أشعار رومانسيه لأول مره فى الادب الروسى زى " سجين القوقاز " (1822) و " اخوة اللص " (اتنشرت 1827).
الادب الروسى إتأثر بلغته واسلوبه فى الكتابه.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.