موسكو

موسكو (روسى: Москва́, نطق: ‎[mɐˈskva]‏^ⓘ Moskva) هيا عاصمة و اكبر مدينه فى روسيا و كمان اكبر مدينه فى اوروبا كلها. موسكو بتعتبر مركز سياسى و دينى و تعليمى و اقتصادى و ثقافى مش بس فى روسيا لأ دا كمان فى العالم كله. موسكو اتبنت على ضفاف نهر موسكڤا فى نص الجزء الاوروبى من الاتحاد الروسى من حوالى الف سنه و موجود فيها الكريملين و اللى بيسكن فيه رئيس روسيا و بردو فيها البرلمان الروسى (الدوما) و مسرح البولشوى عدد سكان موسكو بيزيد على 10.5 مليون و فيها اكبر عدد م البيليونيرات فى العالم و فى نفس الوقت فيها ضريح لينين زعيم الثوره البولشڤيه اللى قامت عشان تخلق مجتمع مش طبقى و الكل فيه متساويين.

موسكو
موسكو علم	موسكو شعار
النشيد:
الاسم الاصلى
على اسم	نهر موسكفا [1]
جزء من	منطقة فيدرالية مركزية
البلد	روسيا (26 ديسمبر 1991–)
عاصمه لـ	روسيا (12 مارس 1918–) موسكو أوبلاست (14 يناير 1929–) منطقة فيدرالية مركزية (13 مايو 2000–)
التقسيم الادارى	روسيا [2]
المدينه التوأم	بيرلين ديلهى مدريد تل ابيب طهران بيكين فالنسيان لندن ليوبليانا بوينوس ايريس نور سلطان اتينا دوسلدورف فيينا بانكوك بلجراد زاجريب انقره اولان باتور بيشكيك سول هاڤانا سيفاستوبول دبى طوكيو بيونغيانغ باكو
حدث هام	حريقه حصار عسكرى حصار عسكرى حريق موسكو (1812) ألعاب أولمبية صيفية 1980
الارض و السكان
احداثيات	55°45′02″N 37°37′03″E   [3]
القاره	اوروبا
مسطحات مائيه قريبه	نهر موسكفا نهر ياوزا قناة فاودوتفودنى قناة موسكو
المساحه	2562 كيلومتر مربع
الارتفاع عن مستوى البحر(م)	156 متر
اللغه رسميه	روسى
التعداد السكانى	13149000 (2024)
الحكم
التأسيس والسيادة
بيانات تانيه
رمز الاتصال الهاتفى المحلى	495، 499
الموقع الرسمى	الموقع الرسمى
الرمز البريدى	101001–135999
تعديل مصدري - تعديل

اسم شخص من موسكو بيتسمى موسكڤيتش^[4] باللغة الروسى (москвич, قالب:Deleted template).

التاريخ

اسم مدينة موسكو على اسم نهر موسكفا فى اللغه الروسى القديمه: Москов град، حرفيا بمعنا "المدينة على ضفاف نهر موسكفا". اول إشارة لإسم موسكو كان سنة 1147 لما دعا يورى دولجوروكى امير نوفجورود - سيڤيرسكى و كتب له يقول "تعالالى يا أخى، لموسكو.".^[5]

بعد تسع سنين ، سنة 1157 ، امر الامير يورى دولجوروكى امير روستوف ببنا سور خشب ، و إتعاد بنا السور كذا مره ، علشان حماية المدينة .^[6] و بعد نهب موسكو 1237-1238 ، لما حرق المغول المدينة و قتلو سكانها ، استرجعت موسكو مركزها و بقت عاصمة إمارة ڤلاديمير - سوزدال المستقلة سنة 1327

الجغرافيا و الوقت و المناخ

المكان

موسكو مبنيه على ضفاف نهر موسكوفا ، اللى طوله بيزيد عن 500 كيلومتر و بيمر عبر سهول اوروبا الشرقيه فى وسط روسيا .

الحكومة والتقسيمات الإدارية

الحكومة

الكريملين على نهر موسكڤا.

فى وسط موسكو فيه الكريملين اللى فيه مقر السلطة فى الاتحاد الروسى.

المعمار

معمار موسكو له شهرة عالمية . من المبانى المشهوره المعروفه كاتدرائية القديس باسيل ، اللى قبابها على شكل البصل ، و كاتدرائية المسيح المخلص و الاخوات السبعه .

موسكو

الثقافه

مسرح البولشوى ابريل سنة 2005

واحد من أهم متاحف الفن فى موسكو هو معرض تريتياكوڤ ، اللى اسسه پاڤيل تريتياكوڤ و هو راعى غنى للفنون كان بيحب يملك الاعمال و التحف الفنية و اتبرع بمجموعة كبيرة بالخصوص للمدينه سنة 1856.^[7] معرض تريتياكوڤ اتفتح سنة 1986 و بيضم مجموعة قيمة من أهم اعمال فنانين روسيا العظام و متقسم على مبنين المبنى القديم موجود على ضفة نهر موسكفا الجنوبيه.

وموسكو هيا مركز الفنون المسرحية الروسية ، بما فيها الباليه والسينما. و موسكو فيها تلاته و تسعين مسرح و 132 سينما و 24 - قاعة حفلات . من أهم المسارح و استوديوهات الباليه فى موسكو مسرح البولشوى و مسرح ماليى و مسرح فاختانجوف. الا بوجاتشيفا من اشهر مغنيات موسكو و روسيا.

الجناين و المعالم

موسكو فيها 96 متنزه و 18 جنينه ، بما فيهم اربع جناين نباتات. و فيها كمان 450 كيلومترا مربع (174 ميل مربع) من المناطق الخضرا و 100 كيلو متر مربع (39 ميل مربع) من الغابات.^[8]

التعليم

موسكو واحده من أهم المراكز العلمية فى روسيا و فيها 1696 مدرسة ثانوى و 91 كليه و 222 مؤسسه تعليم عالى ، بما فيها ستين جامعه حكوميه^[8] جامعة لومونوسوف موسكو الحكوميه ، إتأسست سنة 1755.^[9]

النقل

مطار دوموديدوفو الدولى

فيه خمس مطارات تجاريه بتخدم موسكو : مطار شيريميتيفو ، مطار دوموديدوفو الدولى ، مطار اوستافييفو ، مطار بايكوفو الدولى و مطار فنوكوفو الدولى . مطار شيريميتيفو هو اكبر نقطة دخول للمسافرين الاجانب و بيتعامل مع ستين فى المية من الرحلات الجوية الدولية.^[10]

مصادر

1. https://web.archive.org/web/20190718121126/http://oldru.com/moscow/moscow6.htm — تمت أرشفته من الأصل
2. وصلة : 45000000  — تاريخ الاطلاع: 9 فبراير 2017
3.   {{cite web}}: Empty citation (help)
4. "Muscovite" (in Russian). dic.academic.ru. Retrieved 2009-05-23.{{cite web}}: CS1 maint: unrecognized language (link)
5. Comins-Richmond, Walter. "The History of Moscow". Occidental College. Archived from the original on 2006-05-17. Retrieved 2006-07-03.
6. "Russia Engages the World: The Building of the Kremlin, 1156–1516". The New York Public Library. Archived from the original on 2006-10-14. Retrieved 2006-07-03.
7. شوف كمان : The Official Site of the Tretyakov Gallery نسخة محفوظة 2007-09-27 على موقع واي باك مشين. Retrieved on 2006-07-08.
8. (in Russian) "СТОЛИЦА РОССИЙСКОЙ ФЕДЕРАЦИИ В ЗЕРКАЛЕ ЦИФР, ФАКТОВ И СОБЫТИЙ". Moscow government. Archived from the original on 2021-09-05. Retrieved 2010-04-28. {{cite web}}: External link in |مسار الأرشيف= (help); Unknown parameter |URL الأرشيف= ignored (help); Unknown parameter |تاريخ الارشيف= ignored (help); Unknown parameter |مسار الارشيف= ignored (help)
9. "MSU History". Moscow State University. Retrieved 2006-07-06.
10. "Moscow Airports". Go-Russia. 2007-10-07. Archived from the original on 2007-10-11. Retrieved 2007-10-07.

فيه فايلات فى تصانيف ويكيميديا كومونز عن:

موسكو