From Wikipedia, the free encyclopedia
موسكو (روسى: Москва́, نطق: Moskva) هيا عاصمة و اكبر مدينه فى روسيا و كمان اكبر مدينه فى اوروبا كلها. موسكو بتعتبر مركز سياسى و دينى و تعليمى و اقتصادى و ثقافى مش بس فى روسيا لأ دا كمان فى العالم كله. موسكو اتبنت على ضفاف نهر موسكڤا فى نص الجزء الاوروبى من الاتحاد الروسى من حوالى الف سنه و موجود فيها الكريملين و اللى بيسكن فيه رئيس روسيا و بردو فيها البرلمان الروسى (الدوما) و مسرح البولشوى عدد سكان موسكو بيزيد على 10.5 مليون و فيها اكبر عدد م البيليونيرات فى العالم و فى نفس الوقت فيها ضريح لينين زعيم الثوره البولشڤيه اللى قامت عشان تخلق مجتمع مش طبقى و الكل فيه متساويين.
اسم شخص من موسكو بيتسمى موسكڤيتش[9] باللغة الروسى (москвич, moskvitʃ).
اسم مدينة موسكو على اسم نهر موسكفا فى اللغه الروسى القديمه: Москов град، حرفيا بمعنا "المدينة على ضفاف نهر موسكفا". اول إشارة لإسم موسكو كان سنة 1147 لما دعا يورى دولجوروكى امير نوفجورود - سيڤيرسكى و كتب له يقول "تعالالى يا أخى، لموسكو.".[10]
بعد تسع سنين ، سنة 1157 ، امر الامير يورى دولجوروكى امير روستوف ببنا سور خشب ، و إتعاد بنا السور كذا مره ، علشان حماية المدينة .[11] و بعد نهب موسكو 1237-1238 ، لما حرق المغول المدينة و قتلو سكانها ، استرجعت موسكو مركزها و بقت عاصمة إمارة ڤلاديمير - سوزدال المستقلة سنة 1327
موسكو مبنيه على ضفاف نهر موسكوفا ، اللى طوله بيزيد عن 500 كيلومتر و بيمر عبر سهول اوروبا الشرقيه فى وسط روسيا .
فى وسط موسكو فيه الكريملين اللى فيه مقر السلطة فى الاتحاد الروسى.
معمار موسكو له شهرة عالمية . من المبانى المشهوره المعروفه كاتدرائية القديس باسيل ، اللى قبابها على شكل البصل ، و كاتدرائية المسيح المخلص و الاخوات السبعه .
واحد من أهم متاحف الفن فى موسكو هو معرض تريتياكوڤ ، اللى اسسه پاڤيل تريتياكوڤ و هو راعى غنى للفنون كان بيحب يملك الاعمال و التحف الفنية و اتبرع بمجموعة كبيرة بالخصوص للمدينه سنة 1856.[12] معرض تريتياكوڤ اتفتح سنة 1986 و بيضم مجموعة قيمة من أهم اعمال فنانين روسيا العظام و متقسم على مبنين المبنى القديم موجود على ضفة نهر موسكفا الجنوبيه.
وموسكو هيا مركز الفنون المسرحية الروسية ، بما فيها الباليه والسينما. و موسكو فيها تلاته و تسعين مسرح و 132 سينما و 24 - قاعة حفلات . من أهم المسارح و استوديوهات الباليه فى موسكو مسرح البولشوى و مسرح ماليى و مسرح فاختانجوف. الا بوجاتشيفا من اشهر مغنيات موسكو و روسيا.
موسكو فيها 96 متنزه و 18 جنينه ، بما فيهم اربع جناين نباتات. و فيها كمان 450 كيلومترا مربع (174 ميل مربع) من المناطق الخضرا و 100 كيلو متر مربع (39 ميل مربع) من الغابات.[13]
موسكو واحده من أهم المراكز العلمية فى روسيا و فيها 1696 مدرسة ثانوى و 91 كليه و 222 مؤسسه تعليم عالى ، بما فيها ستين جامعه حكوميه[13] جامعة لومونوسوف موسكو الحكوميه ، إتأسست سنة 1755.[14]
فيه خمس مطارات تجاريه بتخدم موسكو : مطار شيريميتيفو ، مطار دوموديدوفو الدولى ، مطار اوستافييفو ، مطار بايكوفو الدولى و مطار فنوكوفو الدولى . مطار شيريميتيفو هو اكبر نقطة دخول للمسافرين الاجانب و بيتعامل مع ستين فى المية من الرحلات الجوية الدولية.[15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
_-_Moscow.svg)
.svg)
