الايوبيين ، الايوبيه ، بنى ايوب (1169 - 1260) ، اسره كرديه او عربيه[1][2][3][4][5] حكمت الشرق الاوسط فى العصور الوسطى. اسسها صلاح الدين الأيوبى بعد ما وحد مصر و سوريا و المنطقه لمحاربة الصليبيين. قضو على المذهب الفاطمى. قامت قوتهم الحربيه على جيوش من الترك و التركمان و الأكراد و العربان و سكان البلاد اللى حكموها. بنو اسوار و جوامع و مدارس و قلاع و حصون اهمها قلعة الجبل فى القاهره. قضو تاريخهم فى حروب متواصله مع الصليبيين و قدرو يخرجوهم من اماكن كتيره. الصالح نجم الدين ايوب بيعتبر اخر حاكم فعلى منهم لمصر. بعد وفاته قامت دولة المماليك البحريه فى مصر ( 1250 ) ، و بعد الانتصار على المغول فى معركة عين جالوت سيطر المماليك على الشام و انتهى حكم دولة بنى ايوب ( 1260 )
ذكر ابن واصل ان ابن الاثير قال ان بنى ايوب كانو من اصل كردى روادى لكن جماعه من ملوك بنى ايوب انكرو الكلام ده و قالو " انما احنا عرب، نزلنا عند الاكراد و تزوجنا منهم ". و بعد ما عرض اراء خلص لنتيجه بتقول: " فده جملة ما قيل فى نسبهم، و الله تعالى اعلم بحقيقة ذلك" - ( ابن واصل ، ذكر نسب بنى أيوب، ج1/3-6 )
ذكر ابن الدوادارى اللى كان زى ابن واصل مقرب من الايوبيين ان الناس اختلفو فى اصلهم وفيه قالو كانو اكراد و فيه قالو انهم عرب بينتمو لبنى اميه و تانيين قالو انهم كانو عرب بينتمو لبنى مره بن عوف -( ابن الدوادارى ، ج7/7-5 )
المقريزى من جهته ذكر إن فيه وجهات نظر مختلفه عن نسب بنى أيوب و ان فيه قالو ان اصلهم عرب من بنى اميه و منهم اسماعيل بن طغتكين بن أيوب. لكن المقريزى اللى ماعش فى العصر الايوبى اخد رأى ابن كثير انهم كانو اكراد رواديه من بطون الهذبانيه من بلد دوين فى آخر اذربيجان من جهة أران وبلاد الكرج - ( المقريزى ، السلوك، ج1/148-149 )
عرض الملك الايوبى الأمجد بن الحسن بن داود بن أيوب فى كتاب " الفوائد الجليه فى الفرائد الناصرية " الاراء المختلفه فى موضوع اصل الايوبيين و ذكر إن الايويبين ماكانوش اكراد لكن عاشو عند الاكراد فإتنسبو ليهم بالغلط ، و إن جده عالم بنى أيوب الملك المعظم عيسى قرا اللى كتبه و وافقه -( الملك الأمجد الحسن بن الملك الناصر داود ، نسب الأيوبيين ، 43-59 )
ابن الأثير ، الكامل فى التاريخ ( 9 مجلدات)، تحقيق الشيخ خليل شيحا، دار المعرفه ، بيروت، لبنان 2007
ابو بكر بن عبد الله بن أيبك الدوادارى: كنز الدرر وجامع الغرر، مصادر تأريخ مصر الاسلامية ( 9 مجلدات )،المعهد الألمانى للآثار الاسلامية، القاهرة 1971.
ابن واصل، مفرج القلوب فى أخبار بنى أيوب ( 4 مجلدات )، دار الفكر العربي، القاهرة.
المقريزى: السلوك لمعرفة دول الملوك ، ( 8 مجلدات ) دار الكتب، القاهرة 1996.
الملك الامجد الحسن بن الملك الناصر داود، نسب الأيوبيين ، الفوائد الجليه فى الفرائد الناصرية، رسايل ونصوص، تحقيق صلاح الدين المنجد، دار الكتاب الجديد ، بيروت ، لبنان.
