مهندس ورجل اعمال مصرى From Wikipedia, the free encyclopedia
أحمد ذو الفقار (15 اغسطس 1952 - 1 مايو 2010) هو رجل اعمال مصرى.[1]
| ||||
---|---|---|---|---|
(بالانجليزى: Ahmed Zulfikar) | ||||
![]() | ||||
معلومات شخصيه | ||||
اسم الولاده | أحمد مراد صلاح الدين ذو الفقار | |||
الميلاد | 1952 | |||
الوفاة | 2010 | |||
الاقامه | مصر انجلترا (1972–1974) المانيا (1978–1979) | |||
مواطنه | ![]() | |||
ابناء | كريم ذو الفقار ، وصلاح ذو الفقار | |||
عدد الاولاد | ||||
الاب | صلاح ذو الفقار | |||
اخوه و اخوات | ||||
قرايب | أحمد مراد بك ذو الفقار محمود ذو الفقار عز الدين ذو الفقار | |||
عيله | عائله ذو الفقار | |||
الحياه العمليه | ||||
المدرسه الام | جامعة عين شمس | |||
شهاده جامعيه | جامعة عين شمس | |||
المهنه | رجل اعمال • مهندس | |||
اللغه الام | عربى | |||
اللغات المحكيه او المكتوبه | عربى ، وانجليزى | |||
بداية فترة العمل | 1976 | |||
الرياضه | تجديف | |||
تعديل مصدري - تعديل ![]() |
اتولد احمد مراد صلاح الدين ذو الفقار سنة 1952 فى حى العباسيه فى القاهره. ابوه هو الفنان صلاح ذو الفقار اللى كان ظابط بوليس فى الوقت ده ووالدته هيا السيدة نفيسة بهجت من رائدات العمل الاجتماعى فهى من مؤسسى الجمعية النسائية لتحسين الصحة فرع القاهره مع صديقتها الفنانة فاتن حمامه وله اخت واحدة هيا منى ذو الفقار المحاميه.[2]
على الرغم من نشأته فى وسط عائله فنية فابوه الفنان صلاح ذو الفقار اللى كان ممثل مشهور وعمامه هما الفنانين عز الدين ذو الفقار ومحمود ذو الفقار وكانوا مخرجين ومنتجين كبار فى السينما المصريه فى الوقت ده الا ان احمد ماكانش متحمس للشغل فى السينما. اختار طريق تانى بعيد عن الشهره والاضواء وبقى مهندس زى ما حلم من الطفولة. كان متجوز وله ولدين هما كريم وصلاح.
هو من أوائل اللى دخلوا تكنولوجيا نظم الرى الحديث فى مصر فى نهاية السبعينات من القرن العشرين. حصل احمد ذو الفقار على البكالوريوس فى الهندسة الميكانيكيه من جامعة عين شمس فى سنة 1976. ابتدا أحمد حياته العملية مهندس فى شركة المقاولون العرب وشارك معاهم فى مشاريع كتير واستمر 3 سنين.
ساب احمد ذو الفقار الشغل فى شركة المقاولون العرب واستقال فى سنة 1979 وسافر لدراسة تكنولوجيا الرى الحديث فى المانيا ورجع مصر و أنشا شركته الخاصة توسيج مصر و هو فى سن 27 سنة. اشتغل احمد لسنين كتير فى تصميم وانشاء نظم الرى الحديث و كان له دور كبير فى تحويل عشرات الاف من الافدنه من الرى بالغمر الى الرى الحديث فى فترة 30 سنة. وكمان شارك فى تنفيذ المنتجعات السياحية وملاعب الجولف واعادتها لمصر بالنظام الجديد وطبقا للمواصفات العالميه.
• رئيس مجلس إداره شركة توسيج مصر
• عضو مجلس إداره المركز المصرى للخدمات الزراعية رئيس مجلس
• رئيس مجلس إداره الشركة المصرية للمقاولات والرى الحديث
• مستشار شركة انتر جروب و غيرها من المؤسسات الزراعية فى مصر
• محاضر فى كلية الهندسة المدنية قسم الرى جامعة عين شمس
فى يوم السبت 1 مايو 2010 اتوفى أحمد ذو الفقار بعد أزمة قلبيه مفاجئه فى سن 57 سنه. واتشيعت جنازته من جامع عمر مكرم فى ميدان التحرير واتدفن فى مدافن عيلة ذو الفقار فى الامام الشافعى بالقاهرة.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.