From Wikipedia, the free encyclopedia
مدريد (اسبانى: Madrid, نطق: [maˈðɾið]; بالعامية فى اسپانيا [mað̞ɾi]) هى العاصمه واكبر مدينه فى اسپانيا .[10] و تالت اكبر منطقه حضريه فى الاتحاد الاوروبى بعد لندن و بيرلين, و منطقة مدريد الكبرى هى التالته حسب عدد السكان بين المناطق الحضريه فى الاتحاد الاوروبى بعد باريس الكبرى و لندن الكبرى.[11][12][13][14]
مدريد كمان هى رابع اكبر مدينه من عدد السياح فى اوروبا و الاكبر فى اسپانيا علشان استضافت يقارب من سبع ملايين سايح فى 2006 و هى مقر المنظمة العالميه للسياحه الدوليه اللى هى منظمة تابعة للامم المتحدة.
مدينة مدريد مبنيه على ضفاف نهر مانزاناريس (اسبانى: Río Manzanares) والمدينه و النهر هما الاتنين فى وسط بلدية مدريد اللى بتضم مدينة مدريد,و مجتمعاتها الحضريه والاحياء والقرى; مجتمع بلدية مدريد بتحده الاقاليم المتمتعه بالحكم الذاتى كاستيا و ليون و كاستيا لا مانتشا.
علشان مدريد هى عاصمة اسپانيا, مدريد هيا مقر الحكومه المركزيه , و البرلمان الاسبانى, والوزارات, و المؤسسات و الوكالات, و كمان المقر الرسمى لملوك اسپانيا, مدريد هيا كمان المركز السياسى لاسپانيا.[15] عمدة المدينة البرتو رويز جاياردون من حزب يمين الوسط حزب الشعب فى منصبه من 2003.
بسبب الناتج الاقتصادى, ومستوى المعيشة, و حجم السوق, مدريد بتعتبر مركز مالى كبير فى شبه الجزيرة الايبيرية, و فيها المقر الرئيسى بتاع معظم اكبر الشركات الاسبانية, مدريد مقر تلاتة من اكبر 100 شركة فى العالم (تليفونيكا, ريبسول - YPF, انديسا).[16]
مدريد بتمتلك بنية تحتيه حديثه, لكن حافظت على شكل و مظهر كتير من الاحياء والشوارع التاريخيه. معالم مدريد الضخمة بتشمل قصر مدريد الملكى; تياترو ريال مدريد (المسرح الملكى) 1850 دار الاوپرا; جنينة بوين ريتيرو,اللى ا اتاسست سنة 1631; و المكتبة الوطنية (اللى ا اتاسست سنة 1712) و فيها مجموعه من المحفوظات التاريخية فى اسپانيا.و تلات متاحف للفنون: متحف برادو, اللى فيه واحدة من اجمل المجموعات الفنية فى العالم, والمتحف الوطنى للتجارة (مركز الملكة صوفيا), و متحف الفن الحديث,مدريد, و متحف تايسن-بورنميسزا, اللى ا اتاسس فى قصر فيلاايرموزا بعد تجديده[17]
عدد سكان مدينة مدريد حوالى 3.3 مليون (ديسمبر 2009), عدد سكان المناطق الحضرية 5.1 مليون, مجموع سكان منطقة مدريد العاصمة (المنطقة الحضرية و الضواحى) 6.386.932. مساحة المدينة 698 كيلومتر مربع (234 ميل مربع).[18] مدريد موجوده فى وسط اسپانيا فى منطقة كاستيا التاريخيه و سلسلة جبال سييرا دى جواداراما موجوده فى شمال غرب المدينه, جبال سييرا دى جواداراما بيوصل ارتفاعها ل2.429 متر فوق مستوى سطح البحر فى قمة بينيالارا. من الشرق وادى ايناريس, اللى بيمر فيه طرق برية و سكك حديد بتربط مدريد بساراجوسا و برسلونه. و المدينة الام لمدريد هى مدينة توليدو العاصمة القديمه لمملكة كاستيا, توليدو موجوده على بعد 50 كيلومتر تقريبا جنوب مدريد.مجتمع مدريد بيضم مدينة مدريد ، و المجتمعات و الضواحى و القرى الللى حواليها .
فيه نظريات كتيره عن اصل اسم "مدريد". حسب الاسطورة, اللى اسس مدريد هوه اوكنو بييانور Ocno Bianor ابن الملك تيررينيوس Tyrrhenius من توسكانى, و مانتوفا و كان اسم المدينة ميتراجيرتا "Metragirta" او "مانتوا", و فيه نظريه بتقول ان اسم المدينة الاصلى يورساريا "Ursaria" ("ارض الدببه" باللاتينى), لارتفاع عدد الدببه فى الغابات المجاورة, اللى مع شجرة التوت (مادرونيو "madroño" بالاسبانى), رمز للمدينة من القرون الوسطى.[19]
دلوقتى مقبول ان اصل اسم مدريد جاى من القرن التانى قبل الميلاد, و بنا الامبراطورية الرومانية لمستوطنة على ضفاف نهر مانزاناريس اسم القرية الاولى كان ماتريس" Matrice" على اسم النهر. و بعد الغزوات من السويڤيس و الڤاندال الجرمان, و الالانس فى القرن الخامس الميلادى, ماقدرتش الامبراطورية الرومانية تدافع عن اراضيها فى شبه الجزيرة الايبيرية, و علشان كده سيطر عليها الجوث الغربيين.
فى القرن السابع سيطر العرب على شبه الجزيرة الايبيرية و ات مش الاسم لمچريط اسبانى: Mayrit, من العربى مصطلح مجرى اسبانى: Mayra (" المجارى او منبع المياه") و الرومانى الايبيرى ايط بمعنى " مكان ". اسم مدريد الحديث "مدريد" اتطور من المزاربى ماتريت Mozarabic "Matrit".
موقع مدريد استوطنه البشر كذا مره من ايام عصور قبل التاريخ,[20] و فيه ادله على وجود مستوطنات بشرية على مدرجات النهر و الخنادق المائية و جدران مدريد الاخيرة قبل التاريخ[21] فى المكان اللى فيه مدريد دلوقتى.
الغزو والاستعمار الرومانى لشبه الجزيرة الايبيرية اخد حوالى 200 سنه من الحرب البونية التانية لسنة 27 قبل الميلاد و بعد كده فى فترة الحكم الرومانى قسم الرومان شمال الاقليم لتلات محافظات [22] و منطقة مدريد دلوقتى كانت فى محافظة تاراكونيس (Tarraconense).
و جايز ان اقليم مدريد فى فترة الحكم الرومانى كان مش اكتر من منطقة ريفية, بتستفيد من وجود الثروات الطبيعية وعبور الطرق, و فيه ادله بتبين ان كان فيه استيطان حضرى موجود فى منطقة سيجوفيا ستريت و ضفاف المانزاناريس. و تم اكتشاف كنيسه ڤيثجوثيك Visigothic قديمة قريبه من كنيسة سانتا ماريا دى لالمودينا. ادله وجود استقرار للسكان فى مدريد موجود من مقبرتين فى المستعمرة الڤيثجوثية اللى كانت موجوده.
اول سجل تاريخى عن وجود استقرار فى مدريد تاريخه من الفترة الاسلامية.[23] فى النص التانى من القرن التاسع, ما بين سنة 852 و سنة 886, لما امر محمد الاول ببنا قصر ص مش (الكازار) فى نفس مكان بالاسيو ريال مدريد دلوقتى, علشان تبقى نقطة انطلاق لشن غارات ضد الممالك المسيحية فى الشمال.
فى الفتره دى يظهر ان كان فيه اختلاط بين اتنين من اسامى الاماكن متشابهه جدا: اوروبية, matrice, بمعنى 'مصدر', و الاسم التانى من العربى, Majrà, بمعنى 'قناة' او من النهر. و الاتنين بيشيرو لوفرة من الجداول والميه الجوفية من الموقع.
اتولد فى مدريد فى القرن العاشر ابو القاسم مسلمة بن احمد المچريطى اللى استحق يتقال عليه انه "اقليديس الاندلسى", مؤسس علم الفلك والرياضيات فى مدرسة كوردوبا.[24]
سيطرت القوى المسيحية بقيادة ملك كاستيا الفونسو السادس على مملكة الطايفه فى توليدو فى سنة 1085 و سيطرت على مدريد من مش مقاومة, وجايز بالاستسلام.
خدت مدريد لقب مدينة سنة 1123, و فى فترة القرن الاتناشر استمرت هجمات المسلمين على مدريد, للحصول على صلاحيات جديدة فيها, المرابطين, اللى حرقو المدينة فى سنة 1109 والموحدين, اللى وصلو لموقع المدينة فى 1197. انتصار القوى المسيحية فى لاس ناڤاس دى تولوسا بالتاكيد منع المسلمين من التاثير على وسط شبه الجزيرة.
سنة 1329 اجتمع الكورتيس دى كاستييا اول جمعية وطنيه (برلمان) فى مدريد عشان تقديم المشورة لفرناندو الرابع. مع انشاء البرلمان فى مدريد, ابتدت المدينة تنمو بصورة كبيرة بسبب البيروقراطية, و اعضاء الكورتيس, و كان وجود الحكومه و الكورتيس فى مدريد ضرورى للناس لتنظيم معيشتهم.اليهود والعرب المغاربة كانو لسه عايشين فى المدينة فى مناطقهم, اللى لسه معروفة لحد دلوقتى باسم موريريا "Moreria", لغاية طردهم منها فى اخر القرن الخمستاشر.
بعد متاعب كبيرة, انريكى التالت ملك كاستيا (1379-1406) بنا المدينة من تانى, و فرض نفسه فى امان بره الجدران المتحصنة فى ايل باردو. الدخول الكبير لفرناندو و ايزابيل لمدريد بشر بنهاية الصراع بين كاستيا و اراجون.[19]
وحد الملوك الكاتوليك (الملكة ايزابيل ملكة كاستيا والملك فرناندو التانى ملك اراجون) مملكة كاستيا, و عاصمتها فى توليدو, و تاج اراجون, و عاصمته فى ساراجوسا, فى مملكة اسپانيا الحديثة.,[19] و رغم ان حفيدهم كارلوس الاول (المعروف كمان باسم تشارلز الخامس, امبراطور الرومانية المقدسة) كان بيفضل سيڤييا, كان اللى نقل الحكم لمدريد هوه فيليبى التانى (1527-1598) ابن كارلوس الاولانى سنة 1561 علشان العاصمه تبقى بعيده عن الحدود. لكن فضلت سيڤييا مسيطرة على التجارة مع مستعمرات اسپانيا, و كانت مدريد مسيطرة على سيڤييا.[25]
فضلت مدريد مركز لثروات اسپانيا بصرف النظر عن فتره قصيره, 1601-1606, لما فيليبى التالت نقل مقر الحكم لڤايادوليذ. و فى القرن الدهبى (سيجولو دى اورو), فى القرن الستاشر و القرن السبعتاشر مدريد بقت شبه العواصم الاوروبية, سكان المدينة كانو بيعتمدو اقتصاديا على اعمال العاصمه نفسها, و ماكانش فيها نشاط صناعى او تجارى كبير.
هدم فيليبى الرابع سور المدينة سنة 1625, و اتجاوز السور القديم لاسباب ضريبية (ضريبة Portazgo) للحد من نمو المدينة لحد القرن التسعتاشر.
فيليبى الخامس قرر ان مدريد كواحده من العواصم الاوروبية مش ممكن تفضل فى الحاله دى و قرر يطورها و تم بنا قصور جديدة بما فيها قصر مدريد الملكى (بالاسيو ريال مدريد الاسباني) فى فترة حكمه.
تمرد شعب مدريد ضد القوات الفرنسية يوم 2 مايو 1808 ابتدى حرب الاستقلال الاسبانيه. و عمل الملك خوسيه بونابرتى (جوزيف بونابرت) اصلاحات فى العاصمة مع تكرار اوامره ليهدم اديرة الراهبات علشان يعمل ميادين (ساحات) لدرجة انهم قالو عليه بيبى بتاع الميادين Pepe Plazuelas.
فى القرن التسعتاشر, كان سكان مدريد فى ازدياد مستمر و كان فيه ت مش جذرى فى نظام الملكية, بالاضافة لان اسعار المبانى كانت معقوله فكان سهل جمع الاموال لجمع الفن علشان المؤسسات الثقافيه زى متحف ديل برادو اللى انشئ فى عهد فرناندو السابع علشان يبقى مبنى وزاره للعلوم والمكتبة الوطنيه. و كان سهل كمان اقامة الجامعة المركزية فى مدريد, و اللى احتفظت باسم كومبلوتنسا و اتنقل هيئة التدريس والطلبه من جامعة الكالا قرب العاصمة. و اتعمل نظام حديث لامدادات الميه (قناة ايزابيل التانيه), و ابتدى السفر بالقطر من محطة اتوتشا و بقت مدريد مركز لشبكة الاتصالات اللاسلكية. فى اواخر القرن التسعتاشر, ماقدرتش ايزابيل التانيه ملكة اسپانيا تتحكم فى التوتر السياسى اللى كان بيوصل من تمرد للتانى و وصل للجمهورية الاسبانية الاولى. و بعد رجوع النظام الملكى لمدريد, جت الجمهوريه الاسبانيه التانيه, اللى سبقت الحرب الاهلية الاسبانية.[25]
من اواخر القرن التسعتاشر ات مش شكل مدريد, فى اول 30 سنة من القرن العشرين, عدد السكان قرب من مليون شخص [26][27] الضواحى الجديدة ساعدت على كده. ارتورو سوريا عمل تخطيط لمدريد و لتكريمه, فيه الشارع الرئيسى فى حى سويداذ لينيال شارع اسمه شارع ارتورو سوريا. كمان اتفتح طريق جران ڤيا و اتفتح مترو انفاق مدريد سنة 1919.
الملك الفونسو التلاتاشر منح حتة ارض, شمال غرب القصر الملكى علشان تاسيس مدينة الجامعة.
الانتخابات البلدية اللى اتعملت يوم 12 ابريل 1931 شكلت انتصار كبير للجمهوريين فى مدريد, 69.2 فى المية من الاصوات (+88758 صوت) مقابل 33٬939 لاتحاد الملكيين [28] و انتخب بيدرو ريكو من الحزب الجمهورى الاتحادى عمدة لبلدية مدريد.
فوز الجمهوريين فى مدريد وغالبية العواصم الاقليمية كان معناه التحلل من العهد الملكى ومجيء الجمهورية الاسبانية التانية, و بعد كده اتولت لجنة من الجمهوريين السلطة فى 14 يونيه فى فترة ما بعد الظهر, و اعلان الجمهورية من مدريد.
مدريد كانت واحدة من اكتر مدن اسپانيا المتضررة بشدة من الحرب الاهلية (1936-1939). كانت المدينة معقل للجمهوريين فى الفترة من يوليه 1936. الضواحى الغربية كانت مسرح لمعركة شاملة فى نوفمبر 1936 و فى الحرب الاهلية بقت مدريد اول مدينة تتقصف من الطيارات الحربيه على وجه التحديد اللى تستهدف المدنيين فى تاريخ الحروب. (بص على حصار مدريد (1936-39)).[25]
فى ديكتاتورية فرانثيسكو فرانكو, وخصوصا فى الستينات, منطقة جنوب مدريد بقت صناعية جدا, و كان فيه هجرات جماعية من مناطق اسپانيا الريفية للمدينة. بقت منطقة جنوب شرق مدريد مكان لسكن الطبقة العاملة اللى كانت قاعدة للنشاط الثقافى والاصلاح السياسى.[25]
بعد موت فرانكو, قبلت الديمقراطية الناشئة (بما فيها جناح الشمال الجمهورى) الملك خوان كارلوس الاول ولى العهد للعيله التاريخية خليفة لفرانكو علشان ضمان الاستقرار و الديمقراطية. و ادى ده للوضع الحالى لملكية دستورية و راسمالية اقتصادية فى اسپانيا.
الاستفادة من زيادة الرخاء فى 1980-ات و 1990-ات, عزز موقف عاصمة اسپانيا الاقتصادى والثقافى والصناعى والتعليمى والتكنولوجى على مستوى القارة الاوروبية.
متوسط ارتفاع مدريد عن سطح البحر 667 متر. مناخ منطقة مدريد معتدل مناخ البحر المتوسط مع برودة الشتاء, بسبب الارتفاع, بما فيها تساقط الثلوج ودرجات الحرارة فى العاده اقل من 0 درجة مئوية (32 °). الصيف يميل انه يكون حر مع درجات حرارة تفوق 30 درجة مئوية (86 °) فى يوليه وكتير ممكن توصل ل40 درجة مئوية (104 °). و لان مدريد على ارتفاع عالى المناخ جاف, درجات الحرارة بالليل بتكون باردة,و ده اتسبب فى انخفاض متوسط فى اشهر الصيف. مستويات الامطار منخفضة, لكن هطول الامطار ممكن طول السنة. الصيف والشتاء اكثر المواسم فى الجفاف, و معظم هطول الامطار فى الخريف والربيع.[29]
سلسلة جبال سييرا دى جواداراما موجوده فى الشمال الغربى من المدينة, جبال سييرا دى جواداراما بيوصل ارتفاعها ل2.429 متر فوق سطح الارض فى قمة بينيالارا. من الشرق وادى ايناريس, اللى بيمر فيه طرق برية و سكه حديد تربط مدريد بساراجوسا و برسلونه.العاصمة القديمة لمملكة كاستيا والمدينة الام لمدريد مدينة توليدو على بعد 50 كم تقريبا جنوب مدريد.
نهر مدريد الرئيسى نهر مانزاناريس طوله 92 كيلومتر بيمر بمنطقة مونتى دى ايل باردو و خزان بنفس الاسم. اضافة لنهر مانزاناريس, فيه انهار صغيرة فى مدينة مدريد وضواحيها. مدريد بتستمد يقارب من 50 فى المية من امدادات المايه من السدود والخزانات المبنيه على نهر لوزويا Lozoya, زى سد اتازار Atazar اللى اتبنى بين سنة 1968 و سنة 1972.
مدريد من الناحية الادارية, تنقسم ل21 منطقة, متقسمة لاجنحة.ال 21 منطقة تنقسم ل128 جناح (باريوس). تقسيم مدريد الادارى يرجع تاريخه ل1988
معظم مناطق الجذب السياحى فى مدريد موجوده فى وسط البلد,, قلب مدريد هوه ميدان بويرتا ديل سول, نقطة البداية لترقيم كل الطرق فى البلاد.[30] و ميدان بويرتا ديل سول بيطلع منه عشر شوارع منهم كايى الكالا من بويرتا ديل سول لشمال شرق المدينة. وقريب من بويرتا ديل سول فيه الميدان المشهور بلازا مايور (الميدان الكبير) اللى على اسمه و تصميمه اتبنى ميادين كتيره فى اسپانيا و فى البلاد اللى حكمهالاسبان.
رغم ان موقع مدريد استوطن مرات كتيره من عصور قبل التاريخ, اول البيانات التاريخية عن مدينة مدريد كان حوالى نص القرن التاسع, ما بين 852 و 886 لما امر محمد الاول ببناء قصر ص مش (الكازار) فى نفس مكان بالاسيو ريالمدريد دلوقتى. حوالين القصر بنى قلعة صغيرة على نهر مانزاناريس Manzanares, اللى سماه المسلمين ماچريط اسبانى: Mayrit معنى مصدر المياه,و بدورها بقت مجريط Magerit, و فى الاخر مدريد.
سيطر الفونسو السادس على القلعة فى 1085 فى تقدمه لتوليدو. و حول الجامع لكنيسة العذراء دى لا المودينا (almudin,حامية او صومعة), و دلوقتى كاتيدرال دى نويسترا سينيورا دى لا المودينا.
فى 1329 كان اول تجمع فى مدريد لتقديم المشورة لفرناندو الرابع. اليهود والعرب المغاربة كانو لسه عايشين فى المدينة فى مناطقهم التمانيه, اللى لسه معروفة لحد دلوقتى باسم موريريا "Moreria", لحد طردهم منها. قصر مدريد الملكى المبانى والآثار من باسيو ديل برادو (صالون دل برادو و شارع الكالا) تستحق اشارة بالخصوص و مبنيه فى طراز الباروك الدولى الرصين فى عهد ملوك البوربون فيليبى الخامس و كارلوس التالت.
خطط بنا كاتدرائية جديدة لمدريد مكرسة لعذراء المودينا ابتدت فى القرن الستاشر, لكن البناء م بتداش الا ف 1879., كان المهندس المعمارى فرانسيسكو دى كوبا, الماركيز كوبا اللى صمم الكاتدرائية فى احياء للاسلوب الجرمانى. بنا الكاتدرائية اتوقف تماما فى الحرب الاهلية الاسبانية. وتم التخلى عن المشروع لحد 1950, لما فرناندو تشيويكا جويتيا عدل خطط دى كوبا للكلاسيكية الجديدة من الخارج علشان تشابو واجهة البالاسيو ريال الرمادية والبيضا, اللى بيواجها مباشرة و ماكتملتش الكاتدرائية لحد 1993, لما كرسها البابا يوحنا بولس التانى.
الخطط الاصليه للمنطقة المالية الموجوده فى وسط البلد فى مدريد بين شوارع رايموندو فرنانديز, ڤاياڤيردى Villaverde, اورينس, الجنرال بيرون وباسيو دى لاكاستييانا اتوافق عليها فى 1946. والغرض من الخطة كان خلق كتلة ضخمة من مبانى المكاتب الحديثة مع وصلات السكك الحديدية و مترو الانفاق و توسيع منطقة فى شمال مدريد, قدام ملعب ريال مدريد (ستاد سانتياجو برنابيو) وبجانب ده كان مخطط جنينة نباتية, ومكتبة و دار اوبرا لكن ده ما حصلش.
منطقة الاعمال كواترو توريس (اربع ابراج) المنطقة بتتضمن اطول ناطحات السحاب فى مدريد و اسپانيا (تورى اسباثيو, تورى دى كرستال, تورى ساكير ڤاييايرموسا و تورى كاخا مدريد). و خلص البنا سنة 2008
صالة المطار رقم 4 فى مطار مدريد (مطار باراخاس الدولى), من تصميم انطونيو لاميلا و ريتشارد روجرز و TPS انچينيرز اتفتحت يوم 5 فبراير سنة 2006.و هى واحده من اكبر صالات المطارات فى العالم من المساحه. مساحة صالة المطار رقم 4 760000 متر مربع (8180572 قدم مربع). باراخاس متصمم علشان يخدم 70 مليون راكب كل سنه.
مدريد فيها كمان معبد ديبود معبد مصرى من النوبه موجود ف مدريد من سنة 1970.
مدريد فيها مساحات خضرا و حدايق كتيره, اكبر جنينة فى وسط مدريد هى باركى دل ريتييرو تمتد للشمال الشرقى من محطة السكة الحديد اتوتشا.
محطة السكة الحديد اتوتشا مش يس المحطة المركزية الاولى فى المدينة لكن فيها جنينة 4000 متر مربع من النباتات الاستوائية. محطة اتوتشا مكان جميل للزيارة فيها اكثر من 500 نوع من الحياة النباتية والبرك, و محلات و قهاوى و درجة الحرارة من 24 درجة مئوية.
حدايق كاسا دى كامبو فى المناطق الريفية غرب المدينة اكبر من كل المناطق الخضراء فى مدريد. و فيها ارض المعارض, وجنينة الحيوان فى الهواء الطلق, و فيه رحلة تلفريك فوق قمم الاشجار علشان التمتع بنظرة سنهة لحدايق كاسا دى كامبو و للمدينة.
الجنينة النباتية الملكية او ريال خاردين بوتانيكو اتفتحت فى القرن التمنتاشر فى عهد كارلوس التالت, كانت تستخدم كقاعدة لانواع النباتات اللى اتجمعت من كل اماكن العالم. و الجنينة النباتية الملكية فيها مركز مهم للبحوث كان لتطوير العلاجات العشبية ولايواء الانواع اللى اتجمعت من رحلات جديدة فى العالم و دلوقتى مكرس الحفاظ على النظام الايكولوجى لاوروبا.
فى نهاية العصور الوسطى, شافت مدريد نمو كبير نتيجة لكونها عاصمة الامبراطورية الاسبانية. و زى كتير من امبراطوريات بلاد اوروبا كانت الامبراطورية الاسبانية تابعه لسلطة الملك المركزية, و دا معناه ان مدريد اخدت قدر اكبر من الاهمية باعتبارها مركز لادارة المملكة الاسبانية.
اتطورت مدريد علشان تبقى مركز مهم للحرفيين اصحاب الخبره و فى الاخر مركز مهم لنشاط الثورة الصناعية فى القرن التسعتاشر. حققت مدريد خطوات اكبر فى التوسع فى القرن العشرين, خصوصا بعد الحرب الاهلية الاسبانية, و الوصول لمستويات التصنيع فى العواصم الاوروبية التانيه.
اقتصاد المدينة اتركز على مختلف الصناعات التحويلية زى الصناعات المتعلقة العربيات, الطيارات, المواد الكيمياوية, و الاجهزة الالكترونية, والمستحضرات الصيدلانية والاغذية المجهزة, والمواد المطبوعة, والسلع الجلدية.[31]
مدريد دلوقتى مركز رئيسى للاعمال التجارية والتجارة الدولية و واحدة من اكبر المراكز المالية فى اوروبا واكبر المراكز المالية فى اسپانيا.
وفى الفترة من 1992 ل2006, شافت مدريد نمو كبير جدا فى قطاع الخدمات اهمية مطار باراخاس لاقتصاد المدينة كبيرة. بناء المساكن والاشغال العامة زى شبكة القطرات و الطرق الدائريه, بيشكل دعامة رئيسية للاقتصاد لحد 2006.
لما بقت اسپانيا لا مركزية سياسية. اخدت مدريد صورة ادارية اصغر بالمقارنة مع بقية مناطق الدولة الاسبانية. و رغم ده , منطقة مدريد (تركزت على مدينة مدريد) شافت اعلى معدل للنمو من كل المناطق الاسبانية بين 2004 ل2006. معدل نمو منطقة مدريد كان اعلى من معدل نمو البلد ككل بحوالى 1.4 %فى الفترة 2000-2006, و اعلى من معدل نمو منطقة اليورو بنسبة 13 %.
سكان مدريد بيتقال عليهم مدريليين (Madrileños) للراجل مدريلينيو (Madrileño) و للست مدريلينيا (Madrileña).
عدد سكان مدريد زاد عموما لما نقل فيليبى التانى (1527-1598) ابن كارلوس الاول فى 1561 فى نص القرن الستاشر مقر الحكم لمدريد و استقر عدد سكان مدريد عند حوالى 3 ملايين من 1970s.
من حوالى 1970 لنص 1990s انخفض عدد سكان المدينة,الظاهرة دى اثرت كمان على برسلونه و غيرها من المدن الاوروبية, كانت الظاهرة دى من جانب بسبب نمو الضواحى على حساب وسط المدينة. و من جانب ممكن كانت بسبب التباطؤ فى معدل نمو الاقتصاد الاوروبى.
عدد سكان زاد بسرعه كبيره فى اواخر 1990s و 2000s فى وقت مبكر بسبب الهجرة الدولية, فى استجابة للارتفاع فى النمو الاقتصادى الاسبانى. يعنى مثلا, حسب بيانات التعداد, عدد سكان المدينة ارتفع 271856 بين 2001 و 2005.
مدينة مدريد كعاصمة اسپانيا, جذبت كتير من المهاجرين من كل اماكن العالم. و اكتر من 83.8 %من السكان اسبان, فيه كتير من المهاجرين الجداد اللى جايين من امريكا اللاتينية, اوروبا, اسيا, و شمال افريقيا و غرب افريقيا بيمثلو 16.2 %اعتبارا من 2007..
لما بقت اسپانيا لا مركزية سياسية. اخدت مدريد صورة ادارية اصغر بالمقارنة مع بقية مناطق الدولة الاسبانية. مدريد بتعتبر من مناطق الحكم الذاتى. حكومة مدريد (مجلس المدينة) فيه 57 عضو واحد منهم عمدة مدريد اللى هوه دلوقتى البرتو رويز جاياردون خيمينيز.
فى انتخابات سنة 2007 الاقليمية و المحلية, فى انتخابات مجلس مدينة مدريد كسب الحزب الشعبى 34 كرسى, و حزب العمال الاشتراكى (الحزب الاشتراكى الاسبانى) 18 كرسى و الشمال الموحد 5 كراسى.
بص على التعليم فى اسپانيا
التعليم فى مدارس الدولة فى اسپانيا مجانى و اجبارى فى الفترة من 6 ل16 سنة حسب قوانين اسپانيا.[32]
الاطفال من سن 3 لـ 5 فى اسپانيا عندهم اختيار لحضور ايديوكاثيون اينفانتيل infantil (المعروفة prescolar) او حضور مرحلة قبل المدرسة, و ده مش اجبارى لكن مجانى لكل الطلاب. ايديوكاثيون اينفانتيل يعتبر جزء اساسى من النظام التعليمى و فيه فصول اينفانتيل فى كل مدرسة ابتدائية تقريبا و فيه كمان بعض مدارس ايديوكاثيون اينفانتيل (مدارس حضانة) منفصلة.
الطلبه الاسبان اللى اعمارهم بين 6 ل16 سنة لازم يحضرو التعليم الابتدائى والمدارس الثانوية (المعهد), و ده اجبارى و مجانى. الطلبة اللى خللصو بنجاح ايديوكاثيون سييكونداريا اوبليجاتوريا (التعليم الثانوى الاجبارى) بياخدو شهادة التعليم الثانوى, و ده ضرورى لدخول تعليم البكالوريا(اختياري) للجامعة او الدراسات المهنية.بعد نجاح طلاب البكالوريا, فيه امتبارات دخول الجامعة اللى تختلف كتير من منطقة للتانيه.
مدريد فيها عدد كبير من الجامعات العامة والخاصة. بعضها من اقدم الجامعات فى العالم.
جامعة مدريد المستقلة هى واحدة من ارقى الجامعات فى اسپانيا. و رقم واحد فى المركز العام للجامعات فى اسپانيا, وابتدت تحت قيادة عالم الفيزيا المشهور, نيكولاس كابريرا. جامعة مدريد المستقلة مشهوره بابحاث الفيزياء النظرية و معروفه ببساطة ب (لا اوتونوما la Autónoma). موقع لا اوتونوما الرئيسى هوه الحرم الجامعى, على بعد 10 ميلا (16 كم) شمال شرق مدريد العاصمة و قرب المناطق البلدية لمدريد الكوبنداس و سان سيباستيان دى لوس رييس. موقع لا اوتونوما الرئيسى فيه كليات العلوم والفلسفة والفنون الجميلة والقانون والعلوم الاقتصادية ودراسات الاعمال, وعلم النفس, والمدرسة العليا لعلوم الكمبيوتر و الهندسة, وكلية لتدريب المعلمين والتعليم. كلية الطب مش فى الموقع الرئيسى و جنب مستشفى لاباز الجامعى.[33]
جامعة تانيه مهمة هى لـ يونيڤيرسيداذ كومبلوتنسا دى مدريد اكبر جامعة فى اسپانيا و واحدة من اقدم الجامعات ف العالم. فيها مييه و سبعتاشر الف (117,000) طالب بيدرسو و عشرتلاف (10,000) من اعضاء هيئة التدريس و الموظفين و تقريبا كل اعضاء هيئة التدريس من الاسبان. حرم لا يونيڤيرسيداذ كومبلوتنسا دى مدريد الجامعى متقسم على اتنين مونكلاو فى مدريد, و فى سوموساجواس.[34]
لا يونيڤيرسيداذ كومبلوتنسا دى مدريد ا اتاسست فى الكالا دى ايناريس على ايد الكاردينال سيسنيروس فى 1499 لكن الاصل الحقيقى يرجع تاريخها لسنة 1293, لما الملك سانشو الرابع بنا مدارس الكالا العامه اللى بقت جامعة كومبلوتنسا على ايد سيسنيروس من سنة 1509 لسنة 1510 كان فيه خمس مدارس (كليات) : اخبار و اعلام (فنون و فلسفة), Teología (اللاهوت), Derecho Canónico (قانون مدنى), Letras (الاداب) والطب. وفى 1836, فى عهد ايزابيل التانية; اتنقلت الجامعة لمدريد تحت اسم الجامعة المركزية (سويداذ يونيڤيرسيتاريا) و كانت فى شارع سان برناردو. فى 1927 كان متخطط يتبنى حرم جامعى فى منطقة مونكلاو-الاڤاكا على اراضى خصصها الملك الفونسو التلاتاشر للغرض ده لكن الحرب الاهلية الاسبانية حولت " سويداذ يونيڤيرسيتاريا" لمنطقة حرب, و اتسببت فى تدمير الكتير من المدارس (الكليات) فى المنطقة.فى 1970 قامت الحكومة باصلاح التعليم العالى, والجامعة المركزية (سويداذ يونيڤيرسيتاريا) بقت جامعة كومبلوتنس بمدريد (يونيڤيرسيداذ كومبلوتنسا دى مدريد) واتبنى حرم جامعى جديد فى سوموساجواس علشان الكليه الجديده كلية العلوم الاجتماعية.
من جامعات مدريد كمان جامعة الكالا دى ايناريس اتعاد بناها قلعة ايناريس سنة 1975 الجامعة التكنولوجيه فى مدريد, نتيجة دمج المدارس الفنية المختلفة من الهندسة, جامعة كارلوس التالت, اللى فلسفتها خلق شعب ليه فكر حر مسؤول مع الحساسية للمشاكل الاجتماعية والمشاركة فى مفهوم التقدم على اساس الحرية والعدالة والتسامح و جامعة بونتيفيكا كاميياس Pontificia Comillas, المشاركة فى عدد من برامج التبادل الاكاديمى والشغل والاساليب والخطط والمشاريع الدولية مع اكتر من 200 مؤسسات التعليم العالى فى اوروبا, و امريكا اللاتينية و امريكا الشمالية و آ سيا.
من الجامعات التانية فى مدريد: جامعة ريى خوان كارلوس (العامة), و الجامعات البالخصوص جامعة الفونسو العاشر, و جامعة انطونيو دى نابريخا, جامعة كاميلو خوسيه سيلا, جامعة فرانسيسكو دى فيتوريا, جامعة مدريد Europea, جامعة سالامانكا كامبوس دى مدريد, و جامعة سانت لويس (مالحرم الجامعى فى مدريد), و جامعة سان بابلو وحدة التقييم المركزية.
مطار مدريد هوه مطار باراخاس الدولى. باراخاس هوه المحور الرئيسى لطيران ايبيريا. و علشان كده باراخاس هوه البوابة الرئيسية لشبه الجزيرة الايبيرية من اوروبا و امريكا وبقية العالم. مجموع الركاب دلوقتى اكتر من 52 مليون مسافر سنويا,و ده بيخللى باراخاس واحد من اكبر 10 مطارات العالم فى الازدحام.[35]
و علشان الزيادة السنوية فى عدد المسافرين قريبة من 10%اتبنت محطة جديدة رابعه (صالة المطار رقم 4) و ده عمل انخفاض كبير فى حالات التاخير و زود القدرة الاستيعابية للمطار لاكتر من 70 مليون مسافر فى السنة و اتعمل مدرجين جداد للمطار و ده خللى باراخاس يبقاله اربع مدرجات مطار.
و سنة 2007 اعلن مستشار نقل مجتمع مدريد, مانويل لاميلا ان مدريد هايخدمها مطارين جداد و من المتوقع يبتدو فى 2016, الاول هايكون موجود فى كامبو ريال, هايكون فى البداية لرحلات الشحن الجوى, و كمان مركز للطيران منخفض التكلفة, والتانى من المتوقع يتبنى البلدين من بلديات ال الامو و ناڤالكارنيرو Navalcarnero, و ها ياخد الرحلات اللى بتستعمل مطار كواترو دلوقتى.
محطات السكة الحديد الرئيسية فى مدريد هى اتوتشا فى الجنوب و تشامارتين Chamartín فى الشمال. و اهم مشروعات البنية التحتية الاسبانية فى العشر سنين الجايه هوه بنا شبكة سكة السرعة العالية الحديد.
مترو انفاق مدريد بيخدم حوالى اربعه مليون ساكن و مترو انفاق مدريد واحد من اكبر شبكات مترو الانفاق فى العالم واسرعهم فى التوسع, و هوا دلواتى فيه من 283 كيلومتر (176 ميل) من الخطوط و ده بيخلليه تانى اكبر مترو انفاق فى اوروبا الغربيه بعد مترو انفاق لندن, و سادس اطول نظام مترو فى العالم.
مدينة مدريد, تعتبر واحده من عواصم الازياء الاوروبية, محلات التجزئة موجوده فی كل اماكن المدينة, لكن كتير منها ليه مركز فى المنطقه التجارية المشهوره جنب و حواللين بويرتا ديل سول.
فى اواخر مايو و مطلع يونيو, من كل سنه, معرض الكتاب فی مدريد فی باركى دل ريتييرو, اللی ابتدا حياته فى الجمهورية التانية سنة 1933. مدريد سنة 1992 كانت عاصمة ثقافية لاوروبا.
فيه اشارات قليلة المدريد فى ادب القرون الوسطى و فيه اشارات كتيره لمدريد فى ادب القرن الدهبى.
مدريد هى مقر نادى ريال مدريد و ملعبه سانتياجو برنابيو و منافس ريال مدريد من المدينة نفسها اتيلتيكو مدريد و ملعبه ڤيثينتى كالديرون. والفريقين بيلعبو فى لاليجا.مكانة مدريد الرياضية ظهرت من فى حقيقة انها استضافت سنة 1982 الماتش النهائية لكاس العالم اللى نظمها الفيفا (الاتحاد الدولى لكرة القدم).
مدريد واحدة من اربع مدن فى اوروبا مع برسلونه, و جلاسجو و ليشبوا ادا الاتحاد الاوروبى لكرة القدم 5 نجوم لستادين (ملعبين) فيهم: ملعب ريال مدريد سانتياجو برنابيو و ملعب اتليتيكو مدريد ڤيثينتى كالديرون لان الاستادين دورو المعايير.
نادى | اللعبه | الدورى | الملعب |
---|---|---|---|
ريال مدريد | كرة قدم | لا ليجا | سانتياجو برنابيو |
اتيلتيكو مدريد | كرة قدم | لا ليجا | ڤيثينتى كالديرون |
رويا ڤاييكانو | كرة قدم | Segunda | Teresa Rivero |
ريال مدريد بولانثيستو | كرة سلة | ACB league | Palacio Vistalegre |
MMT Estudiantes | كرة سلة | ACB league | Madrid Arena |
بعض احسن و اشهر لاعبين كرة القدم الاسبان المعروفين جايين من مدريد (مدريليين Madrileños), بما فيهم اسطورة ريال مدريد الاسبانى اميليو بوتراجوينيو و لعيب ليفربول بيبى رينا و فرناندو توريس وقدامى اللاعبين فى ريال مدريد راوول جونزاليس و ايكر كاسياس.
مدريد فيها كمان اتنين من فرق رابطة الاندية لكرة السلة, و حلبة لرياضة سباق العربيات اللى استضافت قبل كده سباق اسپانيا فى الفورميولا وان. و تاريخيا مدريد بتستضيف المرحلة الاخيرة من سباق العجل (العجل) ڤويلتا دى ايسبانيا كل سنة زى ما باريس بتستضيف المرحلة الاخيرة من سباق العجل تور دى فرانس كل سنة.
التزحلق على التلج ممكن فى الجبال القريبة من مدريد سييرا دى جواداراما اللى فيها منتجعات التزلج ناڤاثيررادا و ڤالديسكى Valdesqui, Navacerrada. المدينة حاولت تستضيف دورة الالعاب الاولمبية الصيفية لسنة 1972 و خسرت لميونيخ و لسنة 2012, و خسرت للندن على التوالى و رغم ده , مدريد حاولت تستضيف دورة الالعاب الاولمبية الصيفية 2016 لكن خسرت لريو دى چانيرو.
لستة المدن التوام مع مدريد [36]
|
مدريد – صور وتسجيلات صوتيه و مرئيه على ويكيميديا كومونز (الإنجليزية)