ممثل مصرى From Wikipedia, the free encyclopedia
توجو مزراحى ( اسكندريه، 2 يونيه 1901 - روما،5 يونيه 1986 ) كان واحد من رواد فن السينيما فى مصر. مارس مزراحى كل الفنون السينمائيه من التمثيل والانتاج والاخراج و لحد كتابة السيناريو، و ظهر فى دور ممثل فى فيلم "الكوكايين" سنة 1930 ، و فيلم "خمس الاف و واحد (5001)" سنة 1932.توجو مزراحى فى بداياته كان بيظهر باسم مستعار هو "احمد مشرقى" لخوفه من الاضطهاد و كان اخر افلام اللى انتجها "مزراحى" فيلم "سلامه" سنة 1947 بطولة ام كلثوم و كان فيلم تاريخى عن ايام الدوله الامويه.
| ||||
|---|---|---|---|---|
 | ||||
| معلومات شخصيه | ||||
| الميلاد | 2 يونيه 1901 | |||
| الوفاة | 5 يونيه 1986 (85 سنة) | |||
| مواطنه |  | |||
| الحياه العمليه | ||||
| المهنه | مخرج افلام [1]، وممثل ، وسيناريست ، وكاتب | |||
| اللغه الام | اللغه المصريه الحديثه | |||
| اللغات المحكيه او المكتوبه | اللغه المصريه الحديثه | |||
| المواقع | ||||
| IMDB | صفحته على IMDB | |||
| السينما.كوم | صفحته على السينما.كوم | |||
تعديل مصدري - تعديل  | ||||
ولد توجو مزراحى فى اسكندرية لعيله يهوديه. و اتعلم فى مدارس اسكندريه , اخد دبلوم التجاره و سافر ايطاليا سنة 1921 عشان يكمل تعليمه فى دراسة التجاره و عاش فى فرنسا، وفى سنة 1928 رجع الاسكندريه. و بعد رجوعه اسس شركة "الافلام المصرية" فى اسكندريه، و فى سنة 1929 اسس استوديو سينمائى كان مكانه سينما ليلى فى حى باكوس وجهزه بمعدات التحميض و الطبع و أود الممثلين، وفى بداية رحلته مع السينما ظهر باسم "احمد المشرقى" لخوفه من عيلته. و فى نهاية مشواره ف السنيما نقل نشاطه للقاهره و أخرج 19 فيلم، و أنتج بعض الافلام ، و فى سنة 1948 ساب مصر و راح ايطاليا و عاش هناك و بطل يعمل افلام .
توجو اشتغل مع ليلى مراد و وانتجو مجموعه من اروع الافلام فى تاريخ السينما المصريه اهمهم: ليله ممطره و ليلى بنت الريف و ليلى بنت الفقرا و ليلى بنت المدارس و ليلى فى الظلام.
افلام توجو مزراحى كانت انعكاس للثقافه المصريه المتسامحه فى التلاتينات و التى كانت معظمها تم تمثيليها فى مدينة اسكندريه اللى كانت بتعيش فيها جنسيات و اديان مختلفه و الكل بيحترم الكل و بيعيشو مع بعض فى هارمونيه و من اكبر الافلام اللى ظهرت فيها التوليرانسيه دى كان فيلم المندوبان و فيلم الساعه 7.
"توجو مزراحى" هاجر من مصر سنة 1948 بع د تأسيس دولة اسرائيل بعد ما اتهمه البعض بالصهيونيه و فضل انه يهاجر علا ايطاليا البلد اللى جه منها جدوده زى كتير من اليهود المصريين اللى اضطرو يهاجرو من مصر لكن رفضو انهم يهاجرو اسرائيل.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
