اسكندريه
مدينه في مصر From Wikipedia, the free encyclopedia
Remove ads
اسكندريه ( بالانجليزى: Alexandria ، يونانى: Ἀλεξάνδρεια ) هى مدينه مصريه على الساحل الجنوبى للبحر المتوسط و من العواصم القديمه لمصر. كانت عاصمة مصر قبل القاهره و مركز اشعاع ثقافى فى العصر البطلمى ، و دلوقتى تانى اكبر مدينه بعد العاصمه القاهره و اكبر مدينة فى محافظة اسكندريه. عدد سكان اسكندرية 4،1 مليون بنى ادم و فيها اكبر مينا مصرى بيخدم حوالى 80 فى المية من كل واردات مصر وصادراتها. اسكندريه ليها مطار دولى "مطار برج العرب". اسكندرية هى كمان مدينه سياحيه بتمتد لحوالى 32 كم (20 ميل) على طول ساحل البحر المتوسط فى شمال مصر. و فيها مكتبة الاسكندريه (مكتبة الاسكندريه الجديده).
Remove ads
اسكندريه مركز صناعى مهم علشان خطوط أنابيب البترول و الغاز الطبيعى من السويس لاسكندريه. اسكندريه ليها وظيفة مهمة للتجارة بين اوروبا و اسيا، لانها استفادت من سهولة الربط بين البر والبحر المتوسط و البحر الاحمر.
اسكندرية اتأسست على قريه مصريه صغيرة اسمها راكوتيس عن طريق الملك الاسكندر الاكبر المقدونى اللى خلاها عاصمة مصر فى 331 قبل الميلاد. فضلت اسكندرية عاصمة مصر حوالى الف سنه لحد 641 لما اتأسست الفسطاط. فى الازمنه القديمه، كانت اسكندريه مدينه من اشهر مدن العالم. اسكندريه كانت معروفة بفنارها (عجيبه من عجايب الدنيا السبعه)، مكتبة اسكندريه (اكبر مكتبه فى العالم القديم) و سراديب الموتى (كتاكومبوس) من كوم الشقافة (واحده من سبع عجايب العصور الوسطانيه ). و فى 1994 ابتدا الكشف عن تفاصيل أكتر عن راكوتيس قبل وصول الاسكندر، و اسكندريه ايام عصر البطالمه.
Remove ads
التاريخ
اسس اسكندرية الاسكندر الاكبر فى 332 قبل الميلاد علشان تكون نقطة اتصال بين اليونان و وادى النيل. المهندس الرئيسى للمشروع كان دنوقراطس "دنيوقراط". قبل ما تتبنى اسكندريه كان فيه مكانها قرية صيادين اسمها راكوتيس. بعد ما الاسكندر خطط اسكندريه مشى من مصر على الشرق و مارجعش تانى مصر لانه مات فى ميسوبوتاميا لكن المرجح ان جثمانه اتنقل ليها فى عهد بطليموس الاول و اتدفن فى اسكندريه فى السوما فى عهد بطليموس التانى.
فى العصر البطلمى اتوسعت المدينه و فى فتره قصيره جداً بقت اكبر من قرطاج، وبقت أهم المدن اليونانيه فى مصر، و مركز الثقافه الهيلينستيه فى منطقة البحر المتوسط. اسكندريه كانت بتسرى عليها القوانين اليونانيه و كان عايش فيها مصريين كتير و ما كانتش مدينه مقفوله على المقدونيين و كان فيه جواز مختلط بين المصريين و اليونانيين. معظم المصريين الاسكندرانيه كانو موظفين و اصحاب محلات و تجار و بياعين فى الاسواق. اهم مبانى اسكندريه اللى اتبنت فى عهد بطليموس الاول كان الموسيون او مدرسة الفلسفه اللى اتعرفت باسم مكتبة اسكندريه و حولت اسكندريه لأهم مركز ثقافى فى البحر المتوسط من غير منازع. مصر ادت اليونانيين حاجه مهمه جداً ما كانوش بيعرفوها او ما كانوش بيستخدموها و هى ورق البردى و ده ساهم فى حركة الرواج الثقافى و العلمى.
غزاها الرومان سنة 30 قبل الميلاد و العرب سنه 641 ، و فى العصور الوسطانيه و فى العصر المملوكى بالذات اسكندريه كانت مينا مصر الاول و اهم مدينه تجاريه فى مصر بتدر دخل كبير على خزانة الدوله و كانت بتتحكم فى حركة التجاره الاوروبيه-الشرقيه. فى سنة 1365 اتعرضت اسكندريه ليهجمه صليبيه ضخمه قادها بيير دى لوزينان ملك قبرص (بطرس الاول) اتعرفت باسم " وقعة اسكندريه " كان ليها اثر كارثى على اقتصاد مصر و تجارة البحر المتوسط. فى سنة 1477 امر السلطان الأشرف قايتباى ببنا برج يحمى المدينه من هجمات الفرنجه على اساس فنار اسكندريه القديم فاتبنى برج اشتهر باسم " قلعة قايتباى " و بقى من معالم اسكندريه و رمز من رموزها.
اسكندريه استمرت تأدى دورها التجارى فى عهد محمد على باشا و بقت بوتقه بتجتمع فيها جنسيات مختلفه من منطقة البحر المتوسط و كان فيها جاليه جريجيه (يونانيه) كبيره انعكست ثقافتها على شكل اسكندريه وطباع الاسكندرانيه. من اشهر الجريج الاسكندرانيه الشاعر كونستانتين كافافيس و المغنى ديميس روسوس. اسكندريه كانت العاصمه " الصيفيه " للعيله المالكه و الحكومه المصريه اللى كانت بتتنقل اسكندريه فى الصيف. الاسره الملكيه كانت بتقضى الصيف فى قصر المنتزه. و اول مره العاب البحر المتوسط اتاشتغلت ان فى اسكندريه سنة 1951 .بعد ثورة 23 يوليه استمر الاهتمام باسكندريه البلد اللى اتولد فيه جمال عبد الناصر و كان بيحصل احتفال كبير يوم 26 يوليه كل سنه بيعدى فيه جمال عبد الناصر و هو فى عربيه مكشوفه فى موكب كبير على كورنيش اسكندريه وسط هتافات و دعوات الجماهير المحتشده على الجانبين.
Remove ads
مزارات و اثار اسكندريه
- عمود السوارى
- الكتاكومبوس
- المسرح الرومانى
- جبانة البطالمه فى الشاطبى
- قلعة قايتباى
- جامع المرسى ابو العباس
- قصر المنتزه
- جنينة حيوانات النزهه
- جناين انطونيادس
- مكتبة اسكندريه
- قصر الجواهر
أحياء اسكندريه
- حى المنتزه
- شرق اسكندريه يضم احياء زى المنتزه و المندره و ميامى و ستانلى و لوران، زيزينيا، سان ستيفانو، سموحه.
- [
وسط اسكندريه فى مركز المدينة يضم ديوان محافظة اسكندرية و أغلب قنصليات الدول العربية والأجنبية
- غرب اسكندريه من أهم معالمه مينا اسكندرية
- حى الجمرك أهم الأحياء الشعبية بالاسكندرية، ويعرف باسم "بحري"، من أهم معالم الحى جامع المرسى ابو العباس، قلعة قايتباى، و قصر رأس التين الرئاسي.
- حى العامرية
- حى العجمى
اماكن ترفيهيه
- مسرح سيد درويش
- دار اوبرا اسكندريه
سينمات و مسارح
- سينما ريالتو
- ريو
- امير
- مترو
- رينسانس
- فريال
- راديو
- ستراند
- سينما سان ستيفانوFUJ
- مسرح سيد درويش او دار اوبرا اسكندريه
- مسرح السلام
- مسرح ليسيه الحرية
- مسرح لونا بارك
- مسرح بيرم التونسى
نوادى
- نادى الاتحاد السكندرى
- النادى الاوليمبى
- نادى سبورتنج . نادى اسكندرية الرياضى
- نادى سموحه الرياضى الاجتماعى
- جمعية الشبان المسيحيين
- جمعية الشبان المسلمين
- نادى الكروم
- نادى الصيد
- نادى الترام
- نادى لاجـون
- نادى أكاسيا
- نادى الاطباء
- نادى المهندسين
- نادى المعلمين
- نادى القضاة
- نادى المحامين
- نادى نقابة التجاريين
- نادى اصحاب الجياد
ماراثون الاسكندرية
مول و سوپر ماركت
- سان ستيفانو جراند بلازا
- جرين بلازا
- الوطنيه مول
- زهران مول
- كارفور
- سيتى سنتر
- ديب مول
ملاهى
- ملاهى فانتازى لاند
- ملاهى السندباد
- كريزى ووتر
- قرية الاسد
- دريم اليكس
- ملاهى كرامنتس
ميادين
- ميدان المنشيه
- ميدان احمد عرابى فى المنشيه
- ميدان سعد زغلول فى محطة الرمل
- ميدان الشهدا فى محطة مصر
- ميدان احمد زويل بمنطقة باب شرق
- ميدان الأنفوشى
- ميدان الابراهيميه
- ميدان الساعه
جناين
- جنينة قصر المنتزه
- جنينة الشلالات
- جنينة انطونيادس
- جنينة حيوانات النزهه
- الجنينه الدوليه
قصور
- قصر المنتزه سرايا ملكيه بتتكون من قصرين هما قصر السلاملك و قصر الحرملك.
- قصر راس التين: اقدم السرايات الملكيه فى اسكندريه
- جناين وقصر أنطونيادس.
- قصر الصفا.
اوتيلات
اوتيل سوفيتيل اسكندرية | |
اوتيل هيلتون جرين بلازا |
اوتيل هيلتون برج العرب |
اوتيل شيراتون المنتزه |
اوتيل رينسانس ماريوت |
اوتيل فلسطين |
|
اوتيل سان جيوفانى |
اوتيل البرويفاج |
اوتيلات بارادايس ان متروبول ووندسور بالاس |
اوتيل بارادايس ان بيتش ريزورت |
مشاهير اتولدو فى اسكندريه
.jpg)
| الاسم | الشهره |
| هيرون السكندرى | عالم عاش ايام البطالمه |
| محمد ناجى | رسام |
| محمود سعيد | رسام |
| عبد الله النديم | شاعر و اديب و خطيب الثوره العرابيه |
| عبد اللطيف ابو هيف | سباح القرن العشرين |
| احمد رمزى | ممثل |
| احمد نظيف | رئيس وزرا |
| اثناسيوس الاسكندرانى | بطريرك الكنيسه القبطيه |
| كلاوديوس بطليموس | عالم فلك |
| كليوباترا | ملكة مصر |
| النويرى الاسكندرانى | مؤرخ |
| ستراتون السكندرى | بطل اوليمبياد اليونان سنة 68 قبل الميلاد |
| كونستانتين كافافيس | شاعر يونانى |
| بابوس الاسكندرانى | عالم رياضيات مصرى-يونانى |
| عمر الشريف | ممثل |
| مصطفى قمر | مغنى |
| محمد الفايد | راجل اعمال |
| بيرم التونسى | شاعر و زجال |
| هيباتيا | فيلسوفه مصريه-يونانيه |
| هند رستم | ممثله |
| حاييم صبان | راجل اعمال و ميلياردير امريكانى |
| جمال عبد الناصر | رئيس جمهوريه |
| الاميره فوزيه | اميره |
| فاروق حسنى | وزير ثقافه / رسام |
| الملكه فريده | ملكه |
| ديميس روسوس | مغنى يونانى |
| سيد درويش | موسيقار ( ملحن و مغنى ) |
| توفيق الحكيم | كاتب مسرحى و اديب |
| يوسف شاهين | مخرج سينما |
| حسين بيكار | رسام |
| ايمان البحر درويش | مغنى |
| عادل ادهم | ممثل |
| كامل الخلعى | موسيقار |
| شادى عبد السلام | مخرج سينما |
| زهرة العلا | ممثله |
| سعيد صالح | ممثل |
| محمد رشوان | مصارع جودو |
| اسلام الشاطر | لعيب كوره |
| شادى محمد | لعيب كوره |
| احمد الكاس | لعيب كوره |
| يوسف داود | ممثل |
| هانى رمزى | لعيب كوره |
| محمد ناجى جدو | لعيب كوره هداف كاس افريقيا 2010 |
| عز الدين يعقوب | لعيب كوره / بطل العاب قوى |
| احمد صالح | لعيب كوره |
| شحته الاسكندرانى | لعيب كوره |
| ليلى مراد | مغنيه و ممثله |
| محمد كريم | محافظ اسكندريه وقت وصول الحمله الفرنساويه |
| محمود فهمى النقراشى | رئيس وزرا |
| فرغلى باشا | راجل اعمال صاحب اكبر شركات اقطان فى مصر قبل ثورة 23 يوليه |
| عبد الهادى الجزار | رسام |
| كونستانتين كافافيس | شاعر |
| حسن فايق | ممثل |
| عباس حلمى التانى | خديوى مصر |
| صلاح نظمى | ممثل |
| شويكار | ممثله |
| زينات صدقى | ممثله |
| جلال عامر | كاتب صحفى ساخر و مفكر مصرى |
| مديحه كامل | ممثلة |
اسكندرانيه بيكتبو فى ويكيبيديا مصرى
| الاسم | نوعية المقالات |
| samsam22 | تاريخ و معلومات عامه |
| Eskandarany | سياسه و اقتصاد و معلومات عامه |
| Islam90 | دين و سياسه و علوم و تاريخ |
شوف كمان
لينكات برانيه
- اسكندريه – صور وتسجيلات صوتيه و مرئيه على ويكيميديا كومونز (الإنجليزية)
- اسكندريه على موقع كيورا - Quora (الإنجليزية)
- اسكندريه معرف قاعده بيانات الملف للسلطه الافتراضيه الدوليه (الإنجليزية)
- اسكندريه معرف مخطط فريبيس للمعارف الحره (الإنجليزية)
- اسكندريه معرف قاعده البيانات الجغرافيه لموقع جيونيمز (الإنجليزية)
- اسكندريه معرف مكتبه الكونجرس (الإنجليزية)
- اسكندريه معرف مين الاول (الإنجليزية)
- اسكندريه معرف ملف استنادى متكامل (الإنجليزية)
مصادر
Wikiwand - on
Seamless Wikipedia browsing. On steroids.
Remove ads