يوسف شاهين

يوسف شاهين (25 يناير 1926 - 27 يوليه 2008), مُخرج مصرى من مواليد اسكندريه من أب لبنانى كاثوليكى و أم مصريه يونانيه مسيحيه، اسمهُ الثلاثى هو "يوسف شاهين جبريل". درس فى كلية فيكتوريا كوليدچ اسكندريه وبعدها راح امريكا غشان يدرس السينما فى پاسادينا پلاى هاوس لمدة سنتين.

يوسف شاهين
يوسف جبرائيل شاهين
معلومات شخصيه
الميلاد	اسكندريه [1][2]
الوفاة	القاهره [3][2]
سبب الوفاة	نزيف فى المخ
مواطنه	مصر
الحياه العمليه
المدرسه الام	كلية سان مارك كلية فيكتوريا
المهنه	ممثل ، ومخرج افلام [4]، وسيناريست ، منتج افلام
اللغه الام	عربى
اللغات المحكيه او المكتوبه
مجال العمل	تمثيل [5]، اخراج الافلام [5]
بداية فترة العمل	1950
المواقع
الموقع	الموقع الرسمى (انجليزى )
IMDB	صفحته على IMDB
السينما.كوم	صفحته على السينما.كوم
تعديل مصدري - تعديل

اوّل فيلم أخرجهُ كان "بابا امين" سنة 1950.

وأول ظهور له فى السينما كَـ ممثل كان فى فيلم "اسماعيل ياسين فى الطيران". و كانت مشاهد قليله، واِللى كان فيها الجمله المشهوره: "هايل يا سُمعة، كمان مرّه.. عايز ضرب واقعى."

الأزمه الصحيه اللى حصلتله

يوم 15 يونيه 2008 جاله نزيف فى المخ. واليوم اللى بعده دخل فى غيبوبه ودخلوه مستشفى الشروق اللى فى القاهرة بعدها اتنقل بـطياره اسعافات المانيه خاصه لـپاريس ودخل المستشفى الأمريكى اللى فيها و بعد ِما عملو له عمليه هناك، نقلوه يوم 17 يوليو— تانى للقاهره فى مستشفى القوات المسلحه اللى فى المعادى و فضل فى غيبوبه لحد ما مات يوم 27 يوليه 2008.

زيارة يوسف شاهين للبنان

سنة 2002 المخرج العالمى يوسف شاهين قام بزيارة لبنان ووعده وقتها رئيس بلدية زحله بأنه هيسمى اسم شارع فى منطقة زحله على اسمه . عند وفاة يوسف شاهين قامت كنايس لبنان بصلوات علشان خاطره فى مناطق كتيره لكن اغلبيتها كانت فى زحله.

الانجازات

يوسف شاهين سنة 1997 كسب جايزة السعفة الدهبيه من مهرجان كان السينيمائى عن كل اعماله، و كمان خد اوسمة و جوايز تانية كتيره ، واتلمذ على ايده مخرجين زى خالد يوسف و على بدرخان. بيتقال كمان انه هو اول واحد يكتشف الممثل المصرى العالمى عمر الشريف و يقنعه انه يبتدى يمثل فى السينيما. الفيلم التاريخى الناصر صلاح الدين (1963) عن حروب صلاح الدين الأيوبى ضد الصليبيين بيعتبر من أضخم افلامه و شاركت فيه نخبه من أحسن ممثلين مصر.

اعمال

شوف اعمال يوسف شاهين

قالو عنه

الرئيس الفرنساوى نيكولا ساركوزى وصف يوسف شاهين بأنه "مُفكر صاحب استقلاليّة كبيرة، و هو مُدافع كبير عن تزاوج الثقافات"، و فى النعى وصفوه إنه "المنفتح عالعالم ولكنه متعلق أولا و أخيرا بمصر".^[6]

جوايز

أخد جايزة اليوبيل الذهبى لـ"مهرجان كان" عن فيلم المصير

لستة افلامه

افلام رِوائيّة
الرقم	اسم الفيلم	السَنة
1.	بابا امين	1949
2.	ابن النيل	1951
3.	المهرج الكبير	1952
4.	سيدة القطار	1952
5.	ستات بلا رجال	1953
6.	صراع فى الوادى	1954
7.	شيطان الصحراء	1954
8.	صراع فى الميناء	1956
9.	ودعت حبك (فيلم)	1956
10.	أنت حبيبى	1957
11.	باب الحديد	1958
12.	جميلة	1958
13.	حب الى الأبد	1959
14.	بين ايديك	1960
15.	نداء العشاق	1960
16.	رجل فى حياتى	1961
17.	الناصر صلاح الدين	1963
18.	بياع الخواتم	1965
19.	فجر يوم جديد	1965
20.	رمال من ذهب	1966
21.	النيل والحياه	1968
22.	الارض	1970
23.	الاختيار	1970
24.	الناس والنيل	1972
25.	العصفور	1974
26.	رجوع الابن الضال	1976
27.	اسكندرية... ليه؟	1979
28.	حدوتة مصرية	1982
29.	وداع بونابارت	1985
30.	اليوم السادس	1986
31.	اسكندرية كمان وكمان	1990
32.	المهاجر	1994
33.	المصير	1997
34.	الاخر	1999
35.	سكوت ح نصور	2001
36.	11 - 9 -01	2002
37.	اسكندرية - نيو يورك	2004
38.	هى فوضى ؟	2007
افلام قصيرة
الرقم	اسم الفيلم	السَـنة
1.	كلها خطوة	1998
2.	القاهرة منورة باهلها	1990
3.	انطلاق	1973
4.	سلوى	1972
5.	عيد الميرون	1967

لينكات برانيه

• يوسف شاهين – صور وتسجيلات صوتيه و مرئيه على ويكيميديا كومونز
• يوسف شاهين معرف مخطط فريبيس للمعارف الحره
• يوسف شاهين معرف ملف المرجع للتحكم بالسلطه فى WorldCat
• يوسف شاهين معرف النظام الجامعى للتوثيق
• يوسف شاهين معرف جران منشورات الموسوعه الكتالانيه
• يوسف شاهين ارشيف مونزينجر
• يوسف شاهين المعرف المعيارى الدولى للاسماء
• يوسف شاهين فايند اجريف
• يوسف شاهين معرف ارشيف العرض
• يوسف شاهين معرف الونيت