From Wikipedia, the free encyclopedia
اوربان التانى Urban II (ح. 1035 - 29 يوليه 1099 )، كان بابا الكنيسه الكاتوليكيه اللاتينيه. اسمه الأصلى اودو دى لاجيرى Odo de Lagery . اتنصب فى مارس 1088 بعد وفاة البابا فيكتور التانى.
اتولد فى عيلة إقطاعيه فى مقاطعة شامبين فى فرنسا. و ااتعلم فى مدرسه دينيه تابعه لكاتدرائية ريمس و اتعين رئيس شمامسة فى نفس الكتدرائيه و بعدين دخل دير كلونى المشهور اللى ااترقا فيه لغاية ما بقى نايب رئيس الدير.
فى سنة 1080 استدعاه البابا جريجورى السابع لروما وعمله كاردينال و عينه نايب ليه فى المانيا. بعد وفاة البابا فيكتور التالت اتنصب بابا مكانه. كان من بابوات الحركه الإصلاحيه اللى كانت عايزه تمد نفوذ الكنيسه اللاتينيه على العلمانيين فى اوروبا و باقى الكنايس.
فى سنة 1095 إستغاث بيه اليكسيوس الاول امبراطور بيزنطه عشان يساعده ضد الترك السلاجقه اللى استولو على أجزاء من اراضى الامبراطوريه البيزنطيه فى اسيا الصغرى فإنتهز الفرصه و دشن الحروب الصليبيه ضد المسلمين بحجة تحرير الاراضى المقدسه منهم فى خطبه حماسيه قالها فى مجلس انعقد فى مدينة كليرومونت فى وسط فرنسا وعد فيها المشاركين بغفران من الرب على الخطايا فإستجاب ليه عامة الناس و نبلا اوروبا العلمانيين و اتجمعت الجيوش و ابتدت الحروب الصليبيه اللى خرجت من إيده بعكس ما كان عايز. لكن قبل ما يستولى الصليبيين بقيادة جودفروى دى بويون وغيره على بيت المقدس اتوفى.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
