اسيا الصغرى
From Wikipedia, the free encyclopedia
اسيا الصغرى Asia Minor - بتتسمى كمان " الأناضول " Anatolia - شبه جزيره فى أقصى غرب قارة اسيا ، بيحدها البحر الاسود من الشرق و البحر المتوسط من الجنوب و بحر ايجه من الغرب . بحر مرمره و مضايق البسفور و الدرنيل بيوصلو البحر الاسود ببحر ايجه. اسيا الصغرى موجود فيها هضبه عاليه هيا هضبة الأناضول، وحواليها جبال منها جبال طوروس فى الجنوب.
اسيا الصغرى كانت ملتقى الحضارات القديمه لان انهار دجله و الفرات بيربطوها بـ بلاد بين النهرين و سواحلها بتربطها باليونان. بعد تدهور الحيثيين ظهرت مستعمرات يونانيه على سواحلها و بكده اتصل اليونانيين بـ ليديا و فريجيا و طرواده. لما غزا الفرس اسيا الصغرى قامت الحروب اللى اتعرفت باسم الحروب الفارسيه. اسكندر الاكبر قدر يدمج اسيا الصغرى فى امبراطوريته لكن بعد ما مات اتقسمت على ولايات صغيره و كان جزء من ساحلها الجنوبى ضمن الامبراطوريه البطلميه المصريه ، لغاية ما وحدوها من تانى. فى العصور الوسطانيه قامت عليها ممالك زى سلطنة السلاجقه و مملكة كيليكيا ( أرمينيه الصغرى ). فى زمن البيزنطيين فضلت هدف لهجمات عسكريه بطريقه مستمره لغاية ما استولى عليها الاتراك العثمانليه ما بين القرنين 13 و 15. المؤرخين العرب سموا سكان اسيا الصغرى " روم " سواء البيزنطيين او الأتراك العثمانيه.
شوف كمان
Wikiwand - on
Seamless Wikipedia browsing. On steroids.