الاسلام

الاسلام هوه من الاديان الابراهيمية. و اكتر دين منتشر جغرافى على مستوى العالم موجود فى كل الدول ماعدا الفاتيكان، وتانى دين فى عدد المعتنقين بعد المسيحية، الاسلام متاسس على القرآن، الكتاب اللى المسلمين بيعتبروه انزل من الله الواحد على النبى محمد، والسُنه النبويه (افعال و احاديث النبى محمد). الاسلام عند المسلمين هوه الدين الكامل و التنزيل المتمم لرسايل التوحيد اللى اتبعتت للبشريه قبله زى رسايل الانبيا ابراهيم و موسى و عيسى.

الاسلام
(بالعربى: الإسلام)
التسميه الاصليه	(بالعربى: الإسلام)
صنف فرعى من	ديانات ابراهيميه
المؤسس	محمد
موقع المقر الرئيس	المسجد الحرام الكعبه
موقع التأسيس	الحجاز
التأسيس	631[1]
تعديل

نسبة وجود المسلمين فى العالم

  1%

  1–5%

  5–25%

  25–50%

  50–75%

  75–90%

  90–100%

القرآن نزل على النبى محمد فى مكه فى القرن السابع الميلادى. بيعتقد المسلمين ان الرسايل اللى سبقته و الكتب المنزله عن طريق الوحى اتبدلوا عن طريق البشر تبع للاهواء و اتشوهوا مع مرور الزمن. النقطه المركزيه فى الاسلام هى التوحيد يعنى الايمان برب واحد مالهوش اى شريك.

اغلب المسلمين بينتمو للمذهبين الكبار و هم المذهب السنى بطوايفه و مذاهبه الفقهيه و المذهب الشيعى بطوايفه. الاسلام بيعتبر اسرع دين انتشر فى العالم وامتد فى فتره قياسيه من الصين شرق لجنوب غرب اوروبا غرب ، و منه خرجت حضاره جديده فى العالم هى الحضاره الاسلاميه. النهارده الاسلام هوه الدين السايد فى الشرق الاوسط ، و شمال افريقيا، و مناطق كتيره فى اسيا و جنوب الصحرا الكبرى فى افريقيا. معظم المسلمين مش عرب اللى بيعتبروا 20% من عدد المسلمين فى العالم ، و اكتر دوله فيها مسلمين هى اندونيسيا و اعداد مش صغيره موجوده فى الصين و روسيا و مناطق البلقان و الكاريبى. حوالى 13% من المسلمين عايشين فى اندونيسيا اللى بتعتبر اكبر دوله اسلاميه. %31 من المسلمين بيعيشوا فى شبه القاره الهنديه. عدد المسلمين حالى حوالى 1.57 مليار.^[2] ده بالاضافه للى بيعتنقوا الاسلام والمهاجرين المسلمين الموجودين تقريب فى كل نواحى العالم. الاسلام هوه اسرع دين انتشار فى العالم.^{[3][4][5][6][7]}

المقاله دي جزء من سلسلة عن الاسلام

أركان الإسلام

الشهاده الصلاة الزكاه • صوم رمضان • الحج

أركان الإيمان

الإيمان بالله • الإيمان بالملائكة الإيمان بالكتب السماوية • الإيمان بالرسل الإيمان باليوم الآخر • الإيمان بالقدر

; مصادر التشريع الاسلامي

القرآن • السنة النبوية • اهل البيت اجماع اقوال العلماء • القياس • الاجتهاد

شخصيات اساسية

محمد • الانبياء • اهل البيت • الصحابه الخلفاء الراشدين • أمهات المؤمنين

المذاهب

أهل السنة و الجماعة • الشيعة • الخوارج

أماكن مقدسة

مكة المكرمة • المدينة المنورة • القدس الشريف

الخلافة الاسلامية

الخلفاء الراشدين الخلافة الامويه • الخلافه العباسيه الخلافه الفاطميه • الخلافه العثمانيه

الاسلام في العالم

الاسلام في اوروبا الاسلام في افريقيا الاسلام في اسيا الاسلام في امريكا الشمالية الاسلام في امريكا الجنوبية الاسلام في أوقيانوسيا

شوف كمان

بوابة:اسلام قالب:اسلام

معنى كلمة اسلام

كلمه "اسلام" معناها "الاستسلام والخضوع الكامل لله". طريقه الخضوع هى بـ عبادة ال‍له وحده وطاعة اوامره اللى جت فى القرآن.^[8] كلمة "السلام عليكم" جايه من المعنى الاساسى "تحياتى من ال‍له".

العقيده

اسم الله

التوحيد بمعنى الايمان برب واحد مالهوش شريك هوه اساس الاسلام. المسلمين بيؤمنوا بان ال‍له اوحى اخر رسالاته للانسانيه للنبى محمد عن طريق الملاك جبريل. بالنسبه ليهم, محمد كان اخر نبى من ال‍له و القرآن هوه الكتاب المقدس البيت على محمد فى فتره طولها حوالى 23 سنه.^[9] فى الاسلام, الانبيا هما اشخاص اختارهم ال‍له عشان يبقو الرسل بتوعه. المسلمين بيؤمنوا بان الانبيا بشر زى كل الناس و ماهماش آلهه، لكن رغم كده ففيهم منهم بيقدروا يعملو معجزات عشان يثبتوا دعوتهم. الانبيا فى الاسلام بيعتبرو الاقرب للكمال من كل البشر ، و بصفه خاصه الانبيا اللى بيتوحى ليهم من السما ، سواء من ال‍له طوالى او عن طريق الملايكه. القرآن ذكر اسامى كتيره لانبيا منهم ادم و نوح و ابراهيم و موسى و عيسى.^[10] فى الاسلام كل رسل ال‍له من اول ادم كانو بيبلغوا الناس رسالة الاسلام اللى هى الخضوع لارادة ال‍له.^[11][12] بالنسبه للقرآن^[13] ارادة ال‍له بتتجاب للاُمم عن طريق اسلاف ابراهيم و عمران. الاسلام موصوف فى القرآن ”الطبيعه الاساسيه اللى على اساسها ال‍له خلق الجنس البشرى“,^[14] و القرآن بيقول انه ادّا الاسم  مسلم لـ ابراهيم.^[15] تاريخى ، الاسلام اتـاسس فى شبه الجزيره العربيه فى اوئل القرن السابع.^[16] النصوص الاسلاميه بتقول ان اليهوديه و المسيحيه انبثقوا من تعاليم ابراهيم قبل الاسلام. القرآن بيسمّى اليهود و المسيحيين ”اهل الكتاب“, و بيفرّق بينهم و بين المشركين  (اللى مؤمنين بتعدد الآلهه). المسلمين بيعتقدوا ان الكتب المنزله قبل كده زى التوراه و الانجيل اتحرفوا يااما عن طريق الترجمه او بضياع النصوص الاصليه او بالقصد.^[17] الاسلام بيقول ان كل رسل ال‍له من اول آدم كانو بيبلغو رساله (الاسلام) و اللى هى الخضوع لارادة ال‍له و ان اللى بيت مش كان بس القوانين و العقوبات. الاسلام بيعتبر كل الاديان الابراهيميه اليهوديه و المسيحيه و الاسلام فى الاساس دين واحد و المؤمنين بيهم بيعبدوا رب واحد بس كل اتباع دين بطريقتهم.

ال‍له فى الاسلام

جامع Edirne, فى تركيا مكتوب عليه كلمة ”ال‍له“

المفهوم العقائدى الاساسى فى الاسلام هوه " التوحيد " و هوه فكرته الاساسيه. التوحيد هوه الايمان بان فيه الاه واحد بس. الاسم العربى " ال‍له ". مفيش جمع لكلمة ال‍له فى اللغه العربى. المسلمين بيؤمنو بان محمد هوه آخر نبى مُرسَل من ال‍له. الاسلام بيعترف بوجود اليهوديه و المسيحيه (و ساعات الصابئه/مندائيّه و الحنيفيه). معظم العلما بيعتقدو انه انحدر من تص مش لكلمتين  الـ- و  اله, بس علما تانيين بيدوّرو فى جدور الكلمه فى اللغه الارامى|Alāhā|.^[18] الركن الاولانىانى فى الاسلام هوه التوحيد, و بيتعبّر عنه بالشهاده بان " لا الاه الا الله " و ان " ان محمد رسول ال‍له ". مع ان ال‍له ساعات بيتوصف فى القرآن, المفهوم الاسلامى بيعتبر ان ال‍له بره نطاق الادراك ب ان الله مالهوش مثيل او شكل ممكن ان الانسان يتخيله على اساسه.ال‍له بيتوصف فى سوره من القرآن بانه: ال‍له ، الاحد ، الصمد ، لم يلد ، و لم يولد ، و ماكانش ليه كفواً احد .^[19]

القرآن

القرآن: كتاب الاسلام المقدس

القرآن عند المسلمين هوه كلام ال‍له اللى انزل على النبى محمد باللغه العربيه و نصوصه هى اساس الدين الاسلامى. المسلمين بيؤمنوا بان ايات القرآن اتوحت للنبى محمد من ال‍له عن طريق الملاك جبريل كذا مره فى الفتره ما بين سنة 610 م و لحد وفاته فى 8 يونيه 632م. اتقال ان القرآن اتدون عن طريق صحابة محمد وقت حياته و اتلقن شفوى. القرآن اتجمع فى وقت ابو بكر اول الخلفا الراشدين و اتوحدت كتاباته تحت اشراف عثمان بن عفان تالت الخلفا الراشدين . الادله النصيه وضحت لعلما الدراسات الاسلاميه ان القرآن الموجود النهارده ماتغيرش من وقت لما اتوحد.^[20][21] القرآن متقسّم لـ 114 سوره فيهم 6،236 آيه. السور الاقدم ظهرت فى مكه و عامة بتختص بالمواضيع الاخلاقيه و الروحانيه. السوراللى بعد كده اللى ظهرت فى المدينه غالبا بتتكلم عن المواضيع الاجتماعيه و الاخلاقيه اللى ليها علاقه بالمجتمع الاسلامى.^[22] القرآن اكتره بيتكلم على النواحى الاخلاقيه اكتر من المواضيع القانونيه , و بيعتبر ”المصدر الكتابى بتاع المبادئ و القيم الاسلاميه“.^[23] المشرعين المسلمين بيراجعو  الحديث, و هى التسجيل المدون لاقوال و تصرفات النبى محمد, عشان يكمّلو القرآن و يساعدو على تفسيره. علم التعليق القرآنى و التفسير النقدى معروف باسم  التفسير.^[24] كلمة قرآن معناها ”انشاد/تلاوه“. لما المسلمين بيتكلمو بشكل نظرى عن ”القرآن“, فى العاده بيقصدو النص زى ما بيتعمله تلاوه بالعربى و مش الشغل المكتوب او اى ترجمه ليه. بالنسبه للمسلمين القرآن اوضح بنصه الاصلى العربى اكمن الترجمات بيبقى فيها اختلالات بسبب الاختلافات اللغويه ، و ممكن المترجمين يغلطوا فى فهم معنى الكلمات و الجمل ، و عشان كده الترجمات بتعتبر تفسيرات للقرآن بس ، مش القرآن نفسه.^[25]

الحديث

الاحاديث هى روايات جت من كلام و افعال ”محمد“ نبى الاسلام. مدارس الفقه التقليديه بتعتبر الحديث اداه مهمه عشان يفهمو القرآن و المسائل الفقهيه.^[26] الحديث اتقيّم و اتجمع فى مجموعات كبيره غالبا وقت حكم عُمَر ابن عبد العزيز (فتره الخلافه الامَويّه) فى القرن التامن و التاسع م, بعد موت محمد بـ 200 سنه. لحد النهارده, الاعمال دى بيترجعلها فى مسائل القانون الاسلامى و التاريخ. الطايفتين الاساسيين فى الاسلام, السنّه و الشيعه, عندهم مجموعات مختلفه من الحديث.

الحديث بيخلى المسلمين قادرين يكتسبو عادات السنّه او الممارسات المعتاده بتاعة محمد.^[27] الاستعمال الاسلامى للمصطلح ده بيعبّر عن المقولات و العادات بتاعة محمد و هوه عايش. تسجيل السنّه كان عاده تقليديه فى شبه الجزيره العربيه, و اول ما الناس اتحوّلت للاسلام, جابو معاهم العاده للدين.^[28] من المسلمين السنّه, المجموعات بتاعة صحيح البُخارى و صحيح مسلم بتعتبر صادقه.

اركان الاسلام (الفروض الاساسيه)

1. الشهاده: الاقرار بالعقيده, الايمان بان مافيش اله مش ال‍له, و ان محمد رسول ال‍له.
2. الصلاه: الصلا فى الاسلام خمس مرات فى اليوم: الفجر و الضهر و العصر و المغرب و العشا و ممكن اللى عايز يكتر عن كده لكن مش الزامى (الزيادات دى بيسميها المسلمين نوافل).
3. الزكاه: و هى انواع : "زكاة المال" (الفلوس), و "زكاة الزرع", و "صدقة الفطر" و الصدقه عباره عن مساعده, بالفلوس او الاكل او غيره, بيديها القادر للفُقرا و المحتاجين.
4. صوم شهر رمضان: و هوه الشهر التاسع فى السَنه الاسلاميه (السنه الهجريه). المسلمين فى شهر رمضان مش بياكلو او بيشربو من طلوع الشمس لحد الغروب لمدة شهر قمرى و هوه الشهر الهجرى. بعد ما يخلص رمضان بييجى "عيد الفطر". المسلمين فى العاده بيحتفلو بعيد الفطر (العيد الص مش فى مصر) مع العيله و الصحاب, و بيروحو الصبح للجامع عشان يصلو صلاة العيد. (شوف كمان: القبض على الفطرانين فى رمضان — انقذوا الوطن)
5. الحج: (زيارة الكَعبه فى مَكّه فى موسم الحج للى يقدر. لما الحج بينتهى بيبدا "عيد الاضحى". المسلمين اللى يقدرو, لازم يشترو خروف او حيوان مصرح باكله (حلال) و بيضحّو بيه على الطريقه الاسلاميه, و بيوزعو لحمته على الفقرا. المسلمين بيؤمنو بان "ابراهيم" (اڤراهام فى اليهوديه), نبى من انبيا ال‍له القدام, اتوحى ليه من ال‍له انهُ يضحى بابنهُ اسماعيل فقبل ابراهيم و اطاع امر ال‍له, لكن الملاك جبريل جه و ادالهُ خروف يضحى بيه بدل ابنه.

الكعبه فى مكه هى قبلة المسلمين.

اركان الايمان

اركان الايمان هى مصطلح اسلامى ل6 اركان اساسيه فى الاسلام ، لازم المسلم يكون مؤمن بهم.

1. الايمان بالله

لازم المسلم يكون مؤمن ان فيه ربنا ، اله واحد ملهوش شريك ، خلق كل شىء فى الكون.

2. الايمان بالملايكه

الايمان بالملايكة ، خلقهم الله من نور و انهم مش بيعصوا ربنا و بيقوموا باعمال و وظايف اللى ربنا امرهم بها.

3. الايمان بالكتب السماوية

الايمان بالكتب السماويه كلها اللى نزلها على انبيائه ورسله. زى التوراة و الانجيل

4. الايمان بالرسل

هو الايمان بالرسل و الانبياء اللى ربنا بعتهم للبشرية، زى النبى نوح، ابراهيم، موسى ، عيسى ، محمد

5. الايمان باليوم الاخر

الايمان ان فيه يوم قيامة و حساب

6. الايمان بالقدر

الايمان القدر سواء خير او شر هوه بتقدير ربنا.

مصادر التشريع الاسلامى

1- القرآن

القرآن ، فى الاسلام هوه اقدس كتاب و وحى من الله نزل على النبى محمد و هوه كتاب الله عز وجل . القرآن فيه 114 سوره. فى كل سوره فيه آيات كتيره عددها 6236 من مش آيات البسمله و 6348 مع ايات البسمله.

2- السنة النبوية

واحيانا بنسميها الحديث النبوي هوه كل حاجة عن النبى محمد بن عبد الله من كلام واعمال فى حياته واللى اتنقلت لينا من الناس اللى سمعته او شافته .

3- احاديث اهل البيت

المصدر ده خلاف بين السنه والشيعة فعند الشيعة ان احاديث اهل البيت هى المصدر التالت للتشريع

4- اجماع اقوال العلماء

هو اتفاق جمع كبير من علما الامه على حكم مسالة بعينها من الكتاب والسنة.

5- القياس وهو الحاق امر مش منصوص على حكمه فى القرآن او السنّة او الاجماع بامر اخر منصوص على حكمه فى القرآن او السنّة او الاجماع لاشتراكهما فى علّة الحكم.

6- الاجتهاد وهو تطوع احد العلما او مجموعه من العلما لاستنتاج حكم مسالة معينة لم يرد نص معين فيها؛ كالامور الحديثة من التقنيات و غيرها.

مكان العباده

مسلمين بيصلّو فى جامع

المسلم ممكن يصلى فى البيت او فى اى مكان نضيف او فى مكان العباده "الجامع". معظم الجوامع ليها قُبّه و مناره (مآذنهُ) واحده على الاقل. بس الجامع مش شرط يكون ليه قُبّه او مآذنه. المسلمين بيقلعو جزمهم قبل ما يدخلو الجامع يصلّو, و سواء صلّو فى البيت او فى الجامع, لازم يتوضّو, عشان يادّو الصلاه. ابدع المسلمين فى بنا الجوامع و زخرفتها و جوامع كتيره زى جامع السلطان حسن فى مصر و جامع السليمانيه فى تركيا و غيرهم بيعتبروا من الابداعات الهندسيه و الفنيه الرائعه. الجامع ممكن يكون جامع عادى للصلا او جامع جامع بتتعمل فيه خطب الجمعه من اشهرها على مر التاريخ الجامع الازهر فى مصر. فيه كمان جوامع اتبنت و الحقت بيها مدارس دينيه من اشهرها جامع-مدرسة السلطان محمد بن قلاوون فى القاهره.

تاريخ

المقاله دى محتاجه تمصير، و انت ممكن تساعد ويكيپيديا مصرى علشان تمصرها.

العصر النبوى

توفى الرسول بعد ما وحد شبه الجزيره العربيه على كلمه التوحيد.

نشا الدين الاسلامى على ايد محمّد بن عبد الله بن عبد المطلب من بنى هاشم، اللى هما فرع من فروع قبيلة قريش العربية العريقة. كان محمد، حسب للمصادر الاسلامية، حنيفى قبل الاسلام يعبد الله على ملة ابراهيم ويرفض عبادة الاوثان والممارسات الوثنية. و كان بيروح غار حراء فى جبل النور على بعد ميلين من مكة وبياخد معاه الاكل والشرب ويقيم هناك فى شهر رمضان، و كان يختلى فيه وبيقضى وقته فى التفكير والتامل. المسلمين بيامنوا ان الوحى نزل لاول مرّة على محمد و هوه فى غار حراء، ب ان الملاك جبريل جاله، فقال: "اقرا"، قال: "ما انا بقارئ" - اى لا اعرف القراءة، قال: "فاخذنى فغطَّنى لحد بلغ منى الجهد، بعدين بعتني" فقال: "اقرا"، قلت: "ما انا بقارئ"، قال : "فاخذنى فغطَّنى التانيه لحد بلغ منى الجهد، بعدين بعتني" فقال: "اقرا"، فقلت: "ما انا بقارئ، فاخذنى فغطَّنى التالتة، ثـم بعتني"، فقال: اقْرَاْ بِاسْمِ رَبِّكَ الَّذِى خَلَقَ خَلَقَ الْاِنْسَانَ مِنْ عَلَقٍ اقْرَاْ وَرَبُّكَ الْاَكْرَمُ الَّذِى عَلَّمَ بِالْقَلَمِ عَلَّمَ الْاِنْسَانَ مَا لَمْ يَعْلَمْ ، فعرف محمد ان عليه انه لازم يعيد ورا جبريل اللى قاله، ورجع لبيته خايف، فدخل على مراته خديجة بنت خويلد، فقال: "زَمِّلُونى زملوني"، فزملوه لحد ذهب عنه الروع، بعدين اخبر مراته بما حصل معه، فراحت به الى ابن عمها ورقة بن نوفل و كان حبر مسيحى يكتب الكتاب العبراني، فيكتب من الانجيل بالعبرانية، و كان شيخ كبير فاخبره خبر ما راى، فقال ليه ورقة: "ده الناموس اللى انزله الله على موسى". ويؤمن المسلمين ان جبريل جه لمحمدًا مرة تانية جالس على كرسى بين السماء الارض، ففر منه رعب لحد هوى الى الارض، فذهب الى زوجه خديجة فقال: "دثروني، دثروني، وصبوا على ميه بارد"، فنزلت سورة المدثر: يَااَيُّهَا الْمُدَّثِّرُ قُمْ فَاَنْذِرْ وَرَبَّكَ فَكَبِّرْ وَثِيَابَكَ فَطَهِّرْ وَالرُّجْزَ فَاهْجُرْ ، والآيات دى هى بداية رسالته بعدين ابتدا الوحى ينزل ويتتابع لمدة تلاتة وعشرين سنة لحد ما مات. اعلن محمد رسالته لاسرته سر، فكان ممن سبق الى الاسلام مراته خديجة بنت خويلد، وابن عمه على بن ابى طالب، وصديقه المقرّب ابو بكر، و اخذ محمد يدعو الى ترك عبادة الاصنام وعبادة اله واحد لا شريك ليه والايمان بالاخرة، ولكنه ما كاد يجهر بالدعوة لحد سخرت منه قبيلته قريش، و آ ذته اشد الايذاء، وعذّبت اتباعه من المستضعفين، فاخبرهم محمد ان الله اذن ليهم بالهجرة الى الحبشة، فخرج قرابة 80 منهم وضموا عثمان بن عفان ومعه مراته رقية بنت محمد، و ابو حاطب بن عمرو وجعفر بن ابى طالب. فامّن نجاشى الحبشة "اصحمة بن ابحر" المسلمين على ارواحهم و اعطاهم حرية البقاء فى بلاده، فبقى منهم من بقى فى شتى اماكن القرن الافريقى عامل على نشر الدين الاسلامى هناك.

زاد فى حرج موقف النبى محمد و اتباعه فى مكة موت عمّه ابى طالب و موت مراته خديجة، فخسر بفقدهما مساعدين قويين، و كده اشتد اضطهاد قريش للمسلمين من اتباع محمد،اللى كانو يتحملون الاضطهاد صابرين، عندئذ لم يجد النبى بدًا من ان يامر المسلمين بالهجرة سر من مكة الى مدينة يثرب، و كان نحوٌ من سبعين رجل من اهلها قد آمنوا برسالته فى واحده من زياراتهم لمكة. وما لبث محمد ان لحق باتباعه الى يثرب يرافقه ابو بكر، ولما وصلها قابله اهلها بتحية النبوّة وسُميت "المدينة المنورة". و اخذ عدد المسلمين يتكاثر شيءًا فشيئًا، الى ان استطاعوا ان يواجهوا اهل مكة فى ساحات المعارك، فكانت غزوة بدر بتاريخ 17 مارس سنة 624م، الموافق فى 17 رمضان سنة اثنتين للهجرة. وانتصر جيش المسلمين وقُتِل من المكيين حوالى 70 قتيلا منهم ابو جهل عمرو بن هشام المخزومى سيد قريش، فى حين قتل من المسلمين ما لا يتجاوز اربعة عشر شخص . ذلك بالرغم من التفوق العددى لجيش مكة. كمان تم اسر 70 فرد من قوات جيش مكة، و اُطلق سراح الكثير منهم بعدين مقابل فدية. و اثارت الهزيمة اهل مكة فجمعوا جموعهم فى العام التالي، والتقوا بالمسلمين عند جبل احد وكرّوا عليهم وهزموهم. اتقتل عدد كبير من المسلمين فى دى المعركة من ضمنهم حمزة بن عبد المطلب عم محمد اللى يلقبه المسلمين السنّة "سيد الشهداء".[ و بعد معركة احد اقدم ابو سفيان على حشد جيش كبير، وتوجه به نحو المدينة المنورة قاصدًا احتلالها. اعد محمد كمان جيشًا كبير لمواجهة الغزو، واستخدم اسلوب جديد ماكانش معروف فى شبه جزيرة العرب فى ذلك الحين، اخذ بمشورة سلمان الفارسى وقام بحفر خندق حول المدينة و اضرم فيه النيران. حينما وصل تحالف العرب الى المدينة يوم 31 مارس سنة 627م فوجئوا بالخندق فقرروا محاصرة المدينة. استمر الحصار لمدة اسبوعين، بعدها قرر المحاصرون الرجوع الى ديارهم. وفى العام اللى بعد كده ابرم محمد معاهدة سلام مع المكيين اتعرفت بصلح الحديبية، واتفقوا ان تسرى مفاعيلها طيلة عشر سنين .

توّجه المسلمين الى خيبر بعد ما اراحوا بالهم من جهة المكيين، وكانوا الف وست مئة مقاتل، فى مطلع ربيع الاول من العام السابع الهجري، و احاط محمد تحركه بسرية كاملة لمفاجاة اليهود. فوصل منطقة تدعى الرجيع تفصل بين خيبر وغطفان وفى الظلام حاصر المسلمين حصون خيبر واتخذوا مواقعهم بين اشجار النخيل. وفى الصباح ابتدت المعارك، لحد وقعت اخر حصونهم على ايد سرية بقيادة على ابن ابى طالب. فاتفق معاهم محمد على ان يعطوه نصف محصولهم كل سنة على ان يبقيهم فى اراضيهم. كمان بعث محمد فى تلك السنة رسايل الى الكتير من حكام الدول المجاورة، داعى اياهم الى اعتناق الاسلام. فبعت رسله الى هرقل امبراطور الامبراطورية البيزنطية، وكسرى شاه فارس، والمقوقس عامل الروم فى مصر، وبعض البلاد التانيه. وفى ال سنين اللى اعقبت صلح الحديبية، بعت محمد قواته الى الشمال فالتقوا مع القوات البيزنطية فى غزوة مؤتة، لكنهم انهزموا بسبب الفارق العددى الكبير.

فتح مكة

بعد مضيّ 8 سنين على هجرة النبى محمد من مكة، استطاع ان يرجع ليها فاتح دون قتال، و اعلن عفو سنه عن كل اهل مكة، باستمدح 10 منهم ممن قاموا بنظم الشعر ليهجائه، فسارع اهلها الى الانضواء تحت لوائه واعتناق الاسلام دين، بعدين اقدم على تدمير كل تماثيل الآلهة العربية بداخل الكعبة وحولها. و امر بلال بن رباح الحبشي، احد الصحابة و اول مؤذن فى الاسلام، ان يصعد الكعبة ويؤذن بالصلاة.

وعاش النبى محمد سنتين بعد فتح مكة، وفى السنة العاشرة للهجرة خرج للحج فى اكثر من مائة الف من المسلمين. وعند جبل عرفات القى عليهم خطبته اللى تعتبر دستور الاسلام، فقد بيّن فيها اسس الاسلام ومبادئه، ونادى بالمساواة بين الناس، لا فرق فى ذلك بين العبد الحبشى والشريف القرشي، وقرا عليهم اخر ما نزل من القرآن: الْيَوْمَ اَكْمَلْتُ لَكُمْ دِينَكُمْ وَاَتْمَمْتُ عَلَيْكُمْ نِعْمَتِى وَرَضِيتُ لَكُمُ الاِسْلاَمَ دِين ولم يمض على حجة الوداع 3 اشهر لحد مرض النبى محمد بالحمّى، فلمّا راى الانصار اشتداد المرض عليه احاطوا بالجامع، فخرج متوكئًا على على والعبّاس والفضل قدامهما، فجلس فى اسفل مرقاه من المنبر وقال للناس انه ملاق ربه لا محال، فلم يسبق لنبى قبله ان خلد فى قومه لحد يخلد فيهم، و بعد ما اوصى المسلمين بالمهاجرين والانصار خير، مات النبى محمد يوم 8 يونيه سنة 632م، الموافق فى 13 ربيع الاول سنة 11 هـ، و هوه فى التالتة والستين من عمره، ودُفن ببيت مراته عائشة بجانب الجامع النبوي، وفى الوقت ده كان الاسلام قد انتشر فى شبه الجزيرة العربية بالكامل

الدول اللى بعد كده

دولة الخلفاء الراشدين فى اقصى اتساعها سنة 654. تظهر المناطق التابعة اسمى للخلافة باللون الاخضر الباهت.

الدولة الاموية فى اقصى اتساعها. لاحظ امتدادها لشوية مناطق لم توصل ليها جيوش الخلفاء الراشدين.

بعد موت محمد تولّى شئون المسلمين 4 من كبار الصحابة هم ابو بكر الصديق و عمر بن الخطّاب و عثمان بن عفّان و عليّ بن ابى طالب، واتعرفوا بالخلفاء الراشدين،^[29] وفى عهدهم ابتدا التوسع الاسلامى بره شبه الجزيرة العربية. و بعد عهد الخلفاء الراشدين جه العهد الاموى او العصر الاموى اللى استفرد فيه بنو اميّة بالخلافة وفيه استمر التوسع الاسلامى لحد بلغ شبه الجزيرة الايبيرية،^[30] وفى اواخر ده العصر ثار بنو العبّاس بن عبد المطلب عمّ النبى محمد على الحكم وخلعوا الامويين واستفردوا بالحكم فاتعرفت الفتره دى باسم "العصر العبّاسى"،^[31] وفيها بلغت الحضارة الاسلامية اوج تقدمها وازدهارها وتقدمت فيها العلوم والآداب تقدم لم تعرفه العرب على ايد فاتعرف ده العصر ايض "بالعصر الذهبى للاسلام"،^[32] وفى اواخره دبّ الضعف الى جسم الدولة وتراجعت هيبة الخلافة لاسباب مختلفة،^[33] فما كان لكن استفرد عدد من الحكام باقاليم مختلفة ودعوا لنفسهم زى الطولونيين و الاخشيديين و الحمدانيين و الفاطميين و السلجوقيين، بعدين حلت تالتة الاثافى بالمسلمين؛ فكانت الحروب الصليبية، شنّت الممالك الاوروبية الغربيّة حملة على بلاد الشام للاستيلاء على مدينة القدس من ايدى المسلمين، فتمكنت من كده وبقى الصليبيين فى الاراضى المقدسة مئة و اربع وتسعين سنة.^[34][35]

الدولة العبّاسية فى اقصى اتساعها قرابة سنة 850.

الدولة العثمانية فى اقصى اتساعها سنة 1683.

وفى الفتره دى قامت بضع دول اسلامية استمرت بقتال الصليبيين واسترجعت منهم بعض المدن والقلاع احيان وفقدتها لصالحهم فى اوقات اخرى زى دولة الاتابكة و الايوبيين،^[36] قبل ما تقوم دولة المماليك فى مصر وتهزم الصليبيين وتردهم على اعقابهم وتسترجع كامل بلاد الشام. وفى الفتره دى كان المغول بقيادة هولاكو خان قد غزوا عاصمة الخلافة بغداد و امعنوا فيها تدمير وخراب ،^[32] فنقل الخلفاء العباسيون مقرهم لمدينة القاهرة لكن خلافتهم كانت قد بقت خلافة صورية ذلك ان سلاطين المماليك كانو قد اصبحوا سادة الموقف بحق.^[37] بعد كده لم يعد للمسلمين دولة قويّة توحدهم كمان كان الحال فى بداية العهد العبّاسي، الى ان ظهرت الدولة العثمانية على ايد السلطان عثمان الاول،^[38] فقد قام خلفاؤه بالاستيلاء على عدد من الدول اللى لم يسبق للمسلمين فتحها، كدول البلقان، و نشر الاسلام فيها، وفى عهد سابع سلاطين دى الدولة، محمد التانى، افتتحت القسطنطينية بعد محاولات كتيرة فاشلة فى الازمنة اللى فاتة،^[39] وفى سنة 1516 فتح حفيد السلطان سالف الذكر، سليم الاول، بلاد الشام و مصر وقضى على السلطنة المملوكية وجعل اخر خلفاء بنى العبّاس يتنازل ليه عن الخلافة، ف بقا بنو عثمان بكده خلفاء المسلمين طيلة 408 سنين ،^[40] واتعرف ده العصر "بالعصر العثماني"، وفيه برزت بضع دول اسلامية فى ايران وما ورائها زى الدولة التيمورية و الدولة الصفوية والدولة الهوتكيانية. و بعد انهيار الدولة العثمانية تفرّق شمل المسلمين وقامت عدّة دول مستقلة يجمعها رابط اللغة او الثقافة او الاخوّة بدون ما تكون موحدة فعلاً.

مذاهب و حركات

الهلال و النجمه رمز الدولة العثمانية^{[41][42][43][44]} و موجود على اعلام الجزاير, اذربايجان, ماليزيا, تونس, موريتانيا, پاكستان, و تركيا.^[45]

زى اى دين تانى, ظهرت فى الاسلام على مر الزمن مذاهب و تفسيرات مختلفه للدين. المذاهب دى بتقوم على تفسيرات مختلفه للى جه فى القرآن. و اغلب المسلمين بيتبعوا واحد من المذهبين دول

السُنّه

مقال اصلى :اهل السنة و الجماعة

مذهب اهل السنة و الجماعة او

اهل السنة والجماعة او "معتقد اهل السنة" او معروفه باختصرها "السُنه" هى اكبر الطوايف الاسلامية . مصادر التشريع السنى هى القرآن و سنة نبى الاسلام محمد اللى فى الاحاديث النبوية الصحيحه. مذهب اهل السنة متقسم لفروع مذهبيه على حسب العقيدة زى الاشاعرة و الماتريدية و الوهابيه (سلفيه) او على حسب الفقه زى مذاهب الائمة الاربعة . السنه مؤمنين بصحة خلافة الخلفاء الراشدين الاربعه و ب العشره المبشرين بالجنة و بعدالة و احترام كل الصحابه.

شيعه

مقال اصلى :الشيعة

الشيعه هم تانى اكبر مذهب فى الاسلام. حوالى 7.5% من المسلمين شيعه. الشيعه بيامنو بان قبل النبى محمد مايتوفى اختار ابن عمه على بن ابى طالب عشان يبقى الخليفه من بعده لقيادة الدوله الاسلاميه. المسلمين الشيعه بيعتقدو ان علِى كان الامام الاولانىانى, (زعيم اقرب ل‍له عن الباقيين)و اعتباره ولاده علِى الائمه المرسلين. زى المسلمين من اتباع المذهب السنى الشيعه بيتبعوا تعاليم القرآن و السُنّه لكن بيعتقدوا ان الامام هوه بس اللى ليه حق التشريع.

الدول الاعضاء فى المؤتمر الاسلامى.^[46]

المذاهب الفقهيه

المذاهب الفقهيه يعنى المذاهب القانونيه اللى اختصاصها التشريعات فى المذهب السُنى هم اربعه، الحنفى و المالكى و الشافعى و الحنبلى. كل بلد اسلامى ممكن ياخد بمذهب فقهى من المذاهب الاربعه. فى مصر فى عصر الدوله المملوكيه كان بيتاخد بالمذاهب الاربعه و كان لكل مذهب قاضى و كان القضاه بيتسموا القضاه الاربعه. اما فى المذهب الشيعى فهم اثنا عشريه و زيدية و مذاهب تانيه

صوفيه

المقاله الرئيسيه: صوفيه

الصوفيه مش مذهب زى السُنّه و الشيعه. هما بيركزو اكتر على الجوانب الروحانيه و التقرب من الخالق فى الاسلام. الصوفيين ممكن يكونو سُنّه او شيعه.

خوارج

مقال اصلى :الخوارج

الخوارج كانت حركه فى الايام الاولانيه للاسلام. الحركه دى منقرضه و مالهاش اتباع النهارده بس مهمة و اثرت فى التاريخ الاسلامى. فى الاول هم وافقو على حق "علِى" فى الخلافة و بعدين رفضوا الفكره و بعدين اىّدو حق "ابو بكر" و خلفاءهُ. المجموعه الوحيده اللى لسه موجوده هى "الاباضيه". الاباضيين مش بيعتبرو نفسهم خوارج. معظم الاباضيين عايشين فى عُمان. و فيه عدد ص مش عايش فى الجزاير و تونس و ليبيا و زانزيبار/زنگبار.

وَهّابيّه

مقال اصلى :وهابيه

كلمة ”وهابيه“ بيستعملو بدل بعض لوصف نفس الطائفه. هى حركه مذهبيه و سياسيه فى مذهب اهل السنة و الجماعة اتسمت كده اكمن انها اتنسبت للامام محمد بن عبد الوهاب اللى قام بالدعوه و نشرها لكن اتباع المذهب مابيسموش نفسهم وهابيين. ، ظهرت الحركه فى شبه جزيرة العرب فى القرن التمنتاشر و اتاسست فى ضلها الدوله السعوديه. المذهب بيقوم على الاخد بصريح الكتاب و السنه و محاربة اللى شايفنه بدع ب يكون الدين لله وحده من مش شريك. المذهب بيقوم على الاخد الصريح بالنص من الكتاب و السنه و بتتبع فى الفقه المذهب الحنبلى بشكل كامل و بيعتبروا نفسهم انهم الوحدين على المنهج الاسلامى المظبوط و بقية الناس اما ضالوا عن الطريق الصح و بيتبعوا بدع او كفرة. ، اكبر انتقاد للحركة دى استخدماها للتكفير و العنف ضد اللى بيخالفهم سواء كانت باقى طوايف و مدارس مذهب اهل السنة و الجماعة و الطرق الصوفيه او الشيعة او بقية الاديان التانيه و بيتهموا بالرجعيه و استخدام اتباع الحركة دى الدين فى السياسه عشان يوصولوا لمصالحهم و ت مش ثقافة و سلوك المجتمع اللى بتنتشر فيه

• مقال اصلى :اسلامويين

الوهابيه بتعظّم اوى ”ابن تَيميّه“. الوهابيه بتُعتبر نسخه صغيره للسلفيه,^[47][48] بس فيه مصدر تانى بيوصف الوهابيه ”توجّه جوّا السلفيه“,^[47] فيه ناس بتعتبر التوجّه ده مُحافظ-مُتشدد.^[49][50]

اهل القرآن

القرآنيين اسم اتقال عن تيار اسلامى ظهر فى مصر. ابتدا من وقت حركة الشيخ ”محمد عبده“ الاصلاحيه سنة 1905 و لقى استجابه بين طبقات المثقفين جوه مصر و برّاها. اسم قرآنيين طلّعه عليهم فى الاصل اعداء جماعة اهل القرآن, لكن جماعة اهل القرآن شايفين ان مفيش مشكله فى نسبتهم للقرآن و انه بالعكس تشريف ليهم, و بيسمو نفسهم اهل القرآن. الاختلاف اللى فى فكر التيار القرآنى هوه انهم بيامنو بالقران بس و ما بياخدوش بـ الاحاديث و الروايات المنسوبة للنبى محمد المعروفه بالسُنه النبويّه.

شوف كمان

• الحشاشين
• اسماعيليين
• ازارقه
• احمديه

التاييد والنقد

الاسلام والمسلمين اتعرضوا فى طول تاريخهم للتاييد والراى الكويس وبرضوا اتعرضوا للنقد والاضطهاد.

التاييد

فى ناس كتير سياسيين وفلاسفة وعلما واطباء اتكلموا على الاسلام والرسول محمد بحاجات كتيرة كويسة زى مثلا:

• غاندى : قال انا كنت عاوز اعرف مين اكتر انسان فى الدنيا من مش منازع بيملك قلوب ملايين البشر, و بعد ما بحثت لقيت ان محمد هوه الانسان ده،واقتنعت ان مش السيف هوه سبب وجود الاسلام فى مكانته دلوقتى لكن بساطة الرسول مع دقته وصدقه فى الوعود ، وتفانيه و اخلاصه لاصدقائه و اتباعه، وشجاعته مع ثقته المطلقة فى ربه وفى رسالته. الصفات دى اللى مهدت الطريق لدينه وعدت المصاعب , و بعد ما قريت النص التانى من حياه محمد لقيت نفسى محتاج انى اعرف اكتر عن حياته العظيمة.^[51]
• مايكل هارت : مايكل هارت ده الف كتاب سماه اكتر 100 انسان فى التاريخ ليهم تاثير على البشرية , وطبع الكتاب ده اول مرة سنة 1978 بعد كده شال ناس من ال 100 وحط ناس بدلهم فى الطبعه التانية سنة 1992 بس مغيرش حد من اول 10 ترتيبات, وفى الطبعتين حط محمد رقم 1 و نيوتن رقم 2 و يسوع رقم 3 وقال مفيش انسان فى الوجود عمل اللى محمد عرف يعمله ومحمد الانسان الوحيد فى البشرية اللى حقق نجاح ساحق فى الدين والدنيا مع بعض ,وبعد كده قال ((مينفعش احط حد مكان محمد علشان مثلا لو نيوتن مكانش حط قانون الجاذبية كان حد غيره بعديه حط القانون بداله ولو اديسون مكانش اخترع اللمبة كان حد غيره بعد كده اخترعها لكن اللى عمله محمد مكانش حد تانى يقدر يعمله)) ^[52]
• جورج برناردشو قال ان العالم احوج ما يكون الى رجلى فى تفكير محمد، ده النبى اللى وضع دينه دائم موضع الاحترام والاجلال ، فانه اقوى دين على هضم كل المدنيات، خالداً خلود الابد، و انى ارى كثيراً من بنى قومى قد دخلوا ده الدين على بينة، وسيجد ده الدين مجاله الفسيح فى دى القارة (يعنى اوروبا ).انّ رجال الدين فى القرون الوسطى، ونتيجةً للجهل او التعصّب، قد رسموا لدين محمدٍ صورةً قاتمةً، كانو يعتبروه عدوًّا للمسيحية، لكنّنى اطّلعت على امر ده الرجل، فوجدته اعجوبةً خارقةً، وتوصلت الى انّه ماكانش عدوًّا للمسيحية، بللازمانْ يسمَّى منقذ البشرية، وفى رايى انّه لو تولّى امر العالم اليوم، لوفّق فى حلّ مشكلاتنا بما يؤمن السلام والسعادة اللى يرنو البشر ليها ^[53]
• مجلة التايم: حطت فى 15 يوليه 1974 فى مقال بعنوان (Who Were History’s Great Leaders) (مين اعظم قائد فى البشرية؟)

الدكتور جولز ماسيرمان استاذ فى جامعة شيكاغو حط 3 شروط لاختياره هيا :

1. 1-لازم يتوفر فى القائد التكوين السليم للقيادة.
3. 2-لازم على القائد انه يوفر لشعبه مجموعه واحدة من المعتقدات.
5. 3-لازم ان يوفر القائد او من يكون قائدا نظام اجتماعى يشعر فيه الناس نسبى بالامن والطمانينة.

وبعد ما بحث ودقق لاكتر من شخصية زي: لويس باستير – غاندى – كونفوشيوس – الاسكندر الاكبر – قيصر – هتلر – بوذا – يسوع المسيح – الى اخر الباقين لحد وصل اخيراً الى النتيجة اللى قال فيها ((لعل اعظم قائد كان على مر العصور هوه محمد اللى جمع الاعمال الثلاثة)) ^[54]

النقد

الاسلام اتوجهت ليه انتقادات كتيره. كان من اوائل اللى انتقدو الاسلام رجال دين مسيحيين, زى الراهب جون الدمشقى (اتولد تقريب فى سنة 676).^[55] فى فترة العصور الوسطى, بعض الفلاسفة العرب انتقدو الاسلام بردو زى الشاعر المعرى.^[56] الفيلسوف اليهودى موسى ابن ميمون قارن بين وجهات النظر الاسلامية عن الاخلاق و بين وجهات النظر اليهودية اللى هوه نفسه مؤمن بيها, وقال ان الاسلام مجرد نسخة من الديانات اليهوديه و المسيحيه مع شوية تغييرات بسيطه اتعملت علشان توافق رغبة محمد فى الشهرة و سعيهُ لتاسيس دين جديد, و رغبته انه يكون مساوى لناس زى موسى و عيسى (يسوع المسيح).^[57][58] كتاب اوروپيين فى العصور الوسطى كانو بيعتقدو ان المعتقدات الاسلامية مش مظبوطه, و حاولو اظهار محمد فى صورة الموسوس من الشيطان. فى القرن التسعتاشر, المستشرق و الباحث ويليام موير (William Muir) انتقد القرآن بقساوة.^[59]

فى العصر الحديث, منتقدى الاسلام بيقولو ان الاسلام مش بيتسامح مع الاراء اللى بتقول ان الشريعة الاسلاميه ممكن تكون قاسية جدا. خصوصا فى حالات معاقبة المسلمين اللى بيرفضو او بينتقدو الاراء المتفق عليها فى الاسلام.^[60] فيه منتقدين تانيين بيبصو لحياة محمد الشخصية بطريقه سلبية.^[61] و تانيين بيتساءلو عن مدى موثوقية و اصالة القرآن و مدى صلاحيته لفرض توجيهات اخلاقيه.^[62] الاراء دى كمان بتقول ان الستات ممكن يكونو بيتعرضو لمعاملة وحشه فى ظل الشريعة الاسلامية و تطبيقاتها.^[63]

فيه كتّاب اوروپيين ردّو على النوعيه دى من الانتقادات. مونتجومرى وات (Montgomery Watt), و نورمان دانيال (Norman Daniel) قالو ان بعض الانتقادات اللى وجهها خصوم الاسلام للاسلام قامت على اساطير قديمه و مجادلات,^[64][65] "كارل ارنست" (Carl Ernst) كتب ان الاسلاموفوبيا (فوبيا من الاسلام) لعب دور فى خلق الاساطير دى.^[66] كمان ان الحروب الصليبيه بين الاوروپيين الكاتوليك و المسلمين فى العصور الوسطى خلقت جو معادى ازدهرت فيه الكتابات المعاديه للاسلام. بصفه عامه بيواجه المسلمين فى الوقت الحالى مشاكل كتيره من اهمها مشاكل التعصب و التطرف الدينى و الارهاب.

نسبة وجود المسلمين فى العالم

عدد المسلمين فى العالم حسب البلد سنة (2010) ، متقسمة لجدول ,جوة الخانة الاولانىى المنطقة الجغرافيا للبلد ، والخانة التانية اسم البلد ، والخانة التالتة عدد سكان البلد (2010) ، والخانة الرابعة نسبة المسلمين فى البلد ، والخانة الخامسة عدد المسلمين فى البلد المذكوره.

البلد/المنطقة [67]	عدد المسلمين تقرير 2011 [67]	نسبة المسلمين المئوية من اجمالى السكان تقرير 2011 [67]	نسبة المسلمين المئوية من اجمالى المسلمين فى العالم تقرير 2011 [67]	عدد المسلمين مصادر تانيه	نسبة المسلمين (%) مصادر تانيه
افغانستان	29,047,000	99.8	1.8
البانيا	2,601,000	82.1	0.2		70%[68]
الجزائر	34،780،000	98.2	2.1
انجولا	195،000	1	<0.1
الارجنتين	1،000،000	2.5	0،1
ارمينيا	1000	<0.1	<0.1
اروبا	<1000	0.4	<0.1
اوستراليا	399،000	1.9	<0.1
النمسا	475،000	5.7	<0.1	400-500،000[69]	~6.0%[70]
اذيربايجان اذربيجان	8,795,000	98.4	0.5
البحرين	655,000	81.2	<0.1
بنغلاديش	148,607,000	90.4	9.2
بيلاروسيا	19,000	<0.1	<0.1
بلجيكا	638,000	6.0	<0.1	628,751[71]	6.0%[71]
بليز	<1000	0.1	<0.1
بنين	2,259,000	24.5	0،1
بوتان	7,000	1.0	<0.1
بوليفيا	2,000	<0.1	<0.1
البوسنة والهرسك	1,564,000	41.6	0.1		45%[72]
بوتسوانا	8،000	0.4	<0.1
البرازيل	204،000	0.1	<0.1		2%[73]
بروناى	211،000	51.9	<0.1
بلغاريا	1،002،000	13.4	0.1
بوركينا فاسو	9،600،000	58.9	0.6
بوروندى	184،000	2.2	<0.1
كمبوديا	240،000	1.6	<0.1
الكاميرون	3،598،000	18.0	0.2
كندا	940،000	2.8	0.1		1.9%[74]
الراس الاخضر	<1000	0.1	<1
جمهورية افريقيا الوسطى	403،000	8،9	<0.1
تشاد	6،404،000	55.7	0.4
شيلى	4،000	<0.1	<0.1	2،894[75]	0.03%[75]
الصين	23,308,000	1.8	1.4
كولومبيا	14,000	<0.1	<0.1
جزر القمر	679,000	98.3	<0.1
كوستاريكا	< 1,000	<0.1	<0.1
جمهورية الكونغو الديمقراطية	969,000	1.4	0.1
كرواتيا	56,000	1.3	<0.1
كوبا	10,000	0.1	<0.1
قبرص	200,000	22.7	<0.1
تشيكيا الجمهورية التشيكية	1,000	<0.1	<0.1
الدنمارك	226,000	4.1	<0.1	210,000[76]	3.7%[76]
جيبوتى	853,000	97.0	0.1
جمهورية الدومينيكان	< 1,000	0.2	<0.1
تيمور الشرقية	43,000	3.8	<0.1
الاكوادور	2,000	<0.1	<0.1
مصر	80,024,000	94.7	4.9		91% [77]
السلفادور	2،000	<0.1	<0.1
اريتريا	1،909،000	36.5	0.1
استونيا	2،000	0.1	<0.1	1400 [78]
اثيوبيا	28،721،000	33.8	1،8
جزر فوكلاند	< 1،000	<0.1	<0.1
فيجى	54،000	6.3	<0.1
فينلاندا	42،000	0.8	<0.1
فرنسا	4،704،000	7.5	0.3		8%-10%[79]
غابون	145،000	9.7	<0.1
غامبيا	1،669،000	95	0.1
جورجيا	442،000	10.5	<0.1
المانيا	4،719،000	5	0،3	4،300،000[80]	5،4%[80]
غانا	3,906,000	16.1	0.2
اليونان	527,000	4.7	<0.1
غرينلاند	< 1,000	<0.1	<0.1
جواتيمالا	1,000	<0.1	<0.1
غينيا	8,693,000	84.2	0.5
غينيا بيساو	705,000	42.8	<0.1		50%[81]
غيانا	55،000	7.2	<0.1
هايتى	2،000	<0.1	<0.1
هوندوراس	11،000	0.1	<0.1
المجر	24،000	0.2	<0.1
ايسلندا	< 1،000	<0.1	<0.1
الهند	217،286،000	14.4	10.97
اندونيسيا	244،847،000	86.1	12.7
جزيرة مان	< 1،000	0.2	<0.1
ايران	74،819،000	99.6	4.6
العراق	31،108،000	98.9	1.9
ايرلندا	43،000	0.9	<0.1	84،064[69]	2%[69]
اسرائيل	1،287،000	17.7	0،1
ايطاليا	1،583،000	2.6	0.1	825،000[70]	1.4%[70]
ساحل العاج	7,960,000	36.9	0.5
جامايكا	1,000	<0.1	<0.1
اليابان	185,000	0.1	<0.1
الاردن	6,397,000	98.8	0.4
كازاخستان	8,887,000	56.4	0.5		65%[82]
كينيا	2،868،000	7.0	0.2
كوسوفو	2،104،000	80.0	0،1	1584000 [83]
الكويت	2،636،000	86.4	0.2
قرغيزستان	4،927،000	88.8	0.3
لاوس	1،000	<0.1	<0.1
لاتفيا	2،000	<0.1	<0.1
لبنان	2،542،000	59.7	0.2
ليسوتو	1،000	<0.1	<0.1
ليبيريا	523،000	12.8	<0.1
ليبيا	6،325،000	96.6	0.4
ليتوانيا	3،000	0.1	<0.1
لوكسمبورغ	11،000	2.3	<0.1
مقدونيا	713،000	34.9	<0.1
مدغشقر	220،000	1.1	<0.1
مالاوى	2،011،000	12.8	0.1
ماليزيا	17،139،000	61.4	1.1
جزر المالديف	309،000	98.4	<0.1
مالى	12،316،000	92.4	0.8
مالطة	1،000	0.3	<0.1
موريتانيا	3،338،000	99.2	0.2
موريشيوس	216،000	16.6	<0.1
المكسيك	111،000	<0.1	<0.1
مولدافيا	15،000	0.4	<0.1
منغوليا	120،000	4.4	<0.1
الجبل الاسود	111،000	17.7	<0.1
المغرب	32،381،000	99	2
موزامبيق	5،340،000	22.8	0.3
ميانمار	1،889،000	3.8	0.1
{ ناميبيا	9،000	0.4	<0.1
نيبال	1،253،000	4.2	0.1
هولندا	914،000	5.5	0.1		5.8%[74]
كاليدونيا الجديدة	7،000	2.8	<0.1
نيوزيلندا	41،000	0.9	<0.1
نيكاراغوا	1،000	<0.1	<0.1
النيجر	15،627،000	98.3	1.0
نيجيريا	75،728،000	47.9	4.7
كوريا الشمالية	3،000	<0.1	<0.1
النرويج	144،000	3.0	<0.1	163،180 in 2008[84]
سلطنة عمان	2،547،000	87.7	0.2
باكستان	178،097،000	96.4	11.0
فلسطين	4،298،000	97.5	0.3		99.3%(قطاع غزة)،[85] 75%( الضفة الغربية) [86]
بنما	25،000	0.7	<0.1
بابوا غينيا الجديدة	2،000	<0.1	<0.1
باراغواى	1،000	<0.1	<0.1
بيرو	< 1،000	<0.1	<0.1
الفلبين	4،737،000	5.1	0.3
بولندا	20،000	0.1	<0.1
پورتوجال البرتغال	65،000	0.6	<0.1
پويرتو ريكو پويرتو ريكو	1،000	<0.1	<0.1
قطر	1،168،000	77.5	0.1
الكونغو	60،000	1.6	<0.1
رومانيا رومانيا	73،000	0.3	<0.1
روسيا روسيا	16،379،000	11.7	1.0
رواندا رواندا	188،000	1.8	<0.1
المملكة العربية السعودية	25،493،000	97.1	1.6
السنغال	12،333،000	95.9	0.8
صيربيا	280،000	3.7	<0.1
سيشيل	< 1،000	1.1	<0.1
سييراليون	4،171،000	71.5	0.3
سنغافورة	721،000	14.9	<0.1
سلوفاكيا	4،000	0.1	<0.1
سلوفينيا	49،000	2.4	<0.1
الصومال	9،231،000	98.6	0.6
جنوب افريقيا	737،000	1.5	<0.1
كوريا الجنوبية	75،000	0.2	<0.1
اسبانيا	1،021،000	2.3	<0.1	1،000،000[70]	2.3%[70]
سرى لانكا	1,725,000	8.5	0.1
السودان	30,855,000	97.0	1.9
سورينام	84,000	15.9	<0.1
سوازيلاند	2,000	0.2	<0.1
السويد	451,000	4.9	<0.1	450-500,000[87]	~5%[87]
سويسرا	433,000	5.7	<0.1	400,000[88]	5%[88]
سوريا	20,895,000	92.8	1.3
تايوان	23,000	0.1	<0.1
طاجيكستان	7,006,000	99.0	0.4
تنزانيا	13,450,000	29.9	0.8
تايلاند	3,952,000	5.8	0.2
توجو	827,000	12.2	0.1
ترينيداد و توباجو	78,000	5.8	<0.1
تونس	10,349,000	99.8	0.6
تركيا	74,660,000	98	4.6
تركمانستان	4,830,000	93.3	0.3
اوغندا	4,060,000	12.0	0.3
اوكرانيا	393,000	9.0	<0.1
الامارات	3,577,000	76.0	0.2
المملكة المتحدة	2,869,000	4.6	0.2	2,422,000[69]	2.4%[70]
الولايات المتحدة	2,595,000	0.8	0.2	7,000,000[89]
اوروغواى	< 1،000	<0.1	<0.1
اوزبكستان	26،833،000	96.5	1.7
فانواتو	< 1،000	<0.1	<0.1
الفاتيكان	0	0	0
فنزويلا	95،000	0.3	<0.1
فيتنام	160،000	0.2	<0.1	71200 [90]
الصحرا الغربيه	528،000	99.6	<0.1
اليمن	24،023،000	99.0	1.5
زامبيا	59،000	0.4	<0.1
زيمبابوى	109،000	0.9	<0.1
اسيا-جنوب شرق اسيا	1،005،507،000	24.8	62.1
الشرق الاوسط-شمال افريقيا	321،869،000	91.2	19.9
افريقيا	242،544،000	29.6	15.0
اوروبا	44،138،000	6.0	2.7
الامريكيتين	5،256،000	0.6	0.3
الاجمالى العالمى	1،619،314،000	23.4	100

شوف كمان

• محمد
• اهل السنة و الجماعة
• صوفيه
• فتوحات اسلاميه

خطأ: الوظيفة "hPortal" غير موجودة.

مصادر

1. المؤلف: عدة مؤلفين — العنوان : Encyclopaedia of Islam — المجلد: 7 — الصفحة: 361
2. The Future of the Global Muslim Population عدد المسلمين فى العالم النهارده والتقديرات لعددهم فى المستقبل.
3. PBS – Islam Today (Islam, followed by more than a billion people today, is the world's fastest growing religion and will soon be the world's largest.)
4. No God But God by Thomas W. Lippman of w:en:U.S. News & World Report. April 7, 2008."Islam is the youngest, the fastest growing, and in many ways the least complicated of the world's great monotheistic faiths. It is a unique religion based on its own holy book, but it is also a direct descendant of Judaism and Christianity, incorporating some of the teachings of those religions—modifying some and rejecting others."
5. Understanding Islam by Susan Headden of U.S. News & World Report. April 7, 2008.
6. "The world's fastest growing religions". مؤرشف من الأصل في 2007-05-21. اطلع عليه بتاريخ 2010-04-20.
7. "Major Religions of the World — Ranked by Number of Adherents". اطلع عليه بتاريخ 2007-07-03. {{cite web}}: الوسيط |$1= بحاجة لـ |تاريخ أرشيف= (مساعدة)
8. "USC-MSA Compendium of Muslim Texts". اطلع عليه بتاريخ 2010-05-08. {{cite web}}: الوسيط |$1= بحاجة لـ |تاريخ أرشيف= (مساعدة)
9. Esposito (2004), pp.17,18,21
10. شوف: * Momem (1987), p.176

    • "Islam". Encyclopaedia Britannica Online.
11. Islam, Muslims, and America: understanding the basis of their conflict. Arshad Khan. Publisher: Algora Publishing, 2003. Pg 136. ISBN 0-87586-242-X, 9780875862422
12. Title Perspectives on Mankind's Search for Meaning. Walter Taminang. Pg 53. Publisher: Lulu.com, 2008.ISBN 0-615-21981-0, 9780615219813
13. "The Koran". Quod.lib.umich.edu. اطلع عليه بتاريخ 2009-12-12.
14. Qur'an 30:30
15. شوف: * Qur'an 22:78

    • "Islam", Encyclopedia of Religion
16. "Islam", Encyclopedia of Religion
18. شوف:* "Islam and Christianity", Encyclopedia of Christianity (2001): Arabic-speaking w:en:Christians and w:en:Jews also refer to God as Allāh.

    • L. Gardet. "Allah". Encyclopaedia of Islam Online.
19. شوف:* Qur'an 112:1–4

    • Esposito (2002b), pp.74–76
    • Esposito (2004), p.22
    • Griffith (2006), p.248
    • D. Gimaret. "Allah, Tawhid". Encyclopaedia Britannica Online.
20. "USC.edu". USC.edu. اطلع عليه بتاريخ 2010-05-16. {{cite web}}: الوسيط |$1= بحاجة لـ |تاريخ أرشيف= (مساعدة)
21. شوف:* William Montgomery Watt in The Cambridge History of Islam, p.32

    • Richard Bell, William Montgomery Watt, Introduction to the Qur'an, p.51
    • F. E. Peters (1991), pp.3–5: "Few have failed to be convinced that … the Quran is … the words of Muhammad, perhaps even dictated by him after their recitation."
22. شوف:* "Islam". Encyclopaedia Britannica Online.

    • "Qur'an". Encyclopaedia Britannica Online.
23. Esposito (2004), p.79
24. شوف:* Esposito (2004), pp.79–81

    • "Tafsir". Encyclopaedia Britannica Online.
25. شوف:* Teece (2003), pp.12,13

    • C. Turner (2006), p.42
    • "Qur'an". Encyclopaedia of Islam Online.: The word Qur'an was invented and first used in the Qur'an itself. There are two different theories about this term and its formation.
26. Ibn Hajar, Ahmad. al-Nukat ala Kitab ibn al-Salah, vol. 1, pg. 90. Maktabah al-Furqan.
27. Sunnah Archived 2010-12-05 at the Wayback Machine, Center for Muslim-Jewish Engagement
28. Goldziher, Ignác. Introduction to Islamic theology and law, page 231. Princeton, N.J: Princeton UP, 1981.
29. "Taraweeh: 8 or 20?". مؤرشف من الأصل في 2017-05-17. اطلع عليه بتاريخ 2013-10-26.
30. The End of the Jihad State, the Reign of Hisham Ibn 'Abd-al Malik and the collapse of the Umayyads، State University of New York Press، 1994، ص. 37، ISBN:0791418278 {{citation}}: الوسيط غير المعروف |الاخير= تم تجاهله (مساعدة); الوسيط غير المعروف |الاولانى= تم تجاهله (مساعدة)
31. Previté-Orton (1971), vol. 1, pg. 239
32. Matthew E. Falagas, Effie A. Zarkadoulia, George Samonis (2006). "Arab science in the golden age (750–1258 C.E.) and today", The FASEB Journal 20, pp. 1581–1586.
33. Ahmad Y Hassan, Factors Behind the Decline of Islamic Science After the Sixteenth Century
34. Hetoum II (1289‑1297)
35. "Third Crusade: Siege of Acre". Historynet.com. اطلع عليه بتاريخ 2010-04-18. {{cite web}}: الوسيط |$1= بحاجة لـ |تاريخ أرشيف= (مساعدة)
36. المصور فى التاريخ، الجزء السادس. تاليف: شفيق جحا، منير البعلبكي، بهيج عثمان. دار العلم للملايين، بيروت. الحروب الصليبية والدول الاسلامية المعاصرة ليها، صفحة 76
37. Thompson, J., A History of Egypt, AUC Press 2008, p. 194; Vatikiotis, P.J., The History of Modern Egypt, The Johns Hopkins University Press, 1992, p.20
38. The Ottoman Empire, 1700-1922, Donald Quataert, page 4, 2005
39. Silburn, P. A. B. (1912).
40. The Rise of the Turks and the Ottoman Empire Archived 2012-06-28 at the Wayback Machine Retrieved on 2007-09-16
41. islam.about.com: The crescent moon and star is an internationally-recognized symbol of the faith of Islam. The symbol is featured on the flags of several Muslim countries, and is even part of the official emblem for the International Federation of Red Cross and Red Crescent Societies.
    شوف رموز الاسلام على كومونز
42. العلم بتاع منظمة المؤتمر الاسلامى شكله هنا اوضح
43. العلم و الشعار بتوع جامعة الدول العربيه Archived 2016-10-13 at the Wayback Machine
44. موجود بردو فى قالب مشروع الاسلام و بوابة اديان (الاسلام) على ويكيبيديا عربى
45. بس موجود كمان على شعارات ملهاش دعوه بالاسلام.زى علم سينجاپوره و شعار بورتس موث فى بريطانيا.
46. المؤتمر الاسلامى: الاعضاء الرسميين Archived 2012-07-04 at the Wayback Machine
47. GlobalSecurity.org on Salafi Islam
48. What is a Salafi and What is Salafism?
49. Washington Post, For Conservative Muslims, Goal of Isolation a Challenge
50. John L. Esposito, What Everyone Needs to Know About Islam, p.50
51. مهاتما غاندى فى حديث لجريدة "ينج انديا" وتكلم فيه عن صفات سيدنا محمد(صلى الله عليه وسلم)
52. https://en.wikipedia.org/wiki/The_100:_A_Ranking_of_the_Most_Influential_Persons_in_History
53. http://www.startimes.com/?t=32209553
54. "Archive copy". مؤرشف من الأصل في 2014-04-06. اطلع عليه بتاريخ 2013-09-30. {{cite web}}: الوسيط غير المعروف |URL الارشيف= تم تجاهله (مساعدة); الوسيط غير المعروف |تاريخ الارشيف= تم تجاهله (مساعدة); الوسيط غير المعروف |مسار الارشيف= تم تجاهله (مساعدة)صيانة الاستشهاد: الأرشيف كعنوان (link)
55. Sahas (1997), pp.76-80
56. Warraq (2003), p.67
57. Bostom, Andrew. "Islamic Apostates' Tales - A Review of Leaving Islam by Ibn Warraq^{[permanent dead link]}", FrontPageMag, July 21, 2003.
58. Novak (February 1999)
59. Toby Lester. "What Is the Koran?", The Atlantic Monthly, January 1999.
60. Bostom, Andrew. "Islamic Apostates' Tales - A Review of Leaving Islam by Ibn Warraq^{[permanent dead link]}", FrontPageMag, July 21, 2003.
61. Warraq (2000), p. 103
62. Ibn Warraq. "Virgins? What virgins?", Special Report: Religion in the UK, The Guardian, 2002-01-12.
63. Timothy Garton Ash. "Islam in Europe", The New York Review of Books, 10-05-2006.
64. Watt (1974), p.231
65. Seibert (1994), pp.88-89
66. Ernst (2004), p.11
68. "Albania". The World Factbook. Central Intelligence Agency. اطلع عليه بتاريخ 2010-06-05. {{cite web}}: الوسيط |$1= بحاجة لـ |تاريخ أرشيف= (مساعدة)
69. http://www.euro-islam.info/2010/02/09/how-many-muslims-live-in-austria/
70. "Muslims in Europe: Country guide". BBC News. 23 ديسمبر 2005.
71. http://www.indymedia.be/en/node/29363
74. . وكالة المخابرات centerية. {{cite web}}: تحقق من التاريخ في: |accessdate= (مساعدة); النص "كتاب حقائق العالم]]" تم تجاهله (مساعدة); الوسيط |$1 بحاجة لـ |مسار= (مساعدة); الوسيط |title= غير موجود أو فارغ (مساعدة); الوسيط |مسار= غير موجود أو فارع (مساعدة)
75. "Chile 2002 census database". اطلع عليه بتاريخ 2013-10-19. {{cite web}}: الوسيط |$1= بحاجة لـ |تاريخ أرشيف= (مساعدة)
76. http://www.state.gov/g/drl/rls/irf/2009/127307.htm
77. http://www.nationmaster.com/graph/rel_isl_per_mus-religion-islam-percentage-muslim
78. [. http://www.islam.ee/contents.php؟cid=203 Archived 2020-08-04 at the Wayback Machine الاسلام فى استونيا خاصة]
80. http://www.dw-world.de/dw/article/0,,4419533,00.html
82. . الولايات المتحدة وزارة الخارجية. 2009/10/26. {{cite web}}: تحقق من التاريخ في: |accessdate= و|تاريخ= (مساعدة); النص "title كازاخستان" تم تجاهله (مساعدة); الوسيط |$1 بحاجة لـ |مسار= (مساعدة); الوسيط |title= غير موجود أو فارغ (مساعدة); الوسيط |مسار= غير موجود أو فارع (مساعدة); روابط خارجية في |رابط= (مساعدة)صيانة الاستشهاد: علامات ترقيم زائدة (link)
83. . وكالة المخابرات centerية. {{cite web}}: تحقق من التاريخ في: |accessdate= (مساعدة); النص "كتاب حقائق العالم]]" تم تجاهله (مساعدة); الوسيط |$1 بحاجة لـ |مسار= (مساعدة); الوسيط |title= غير موجود أو فارغ (مساعدة); الوسيط |مسار= غير موجود أو فارع (مساعدة)
84. http://www.ssb.no/samfunnsspeilet/utg/200903/03/tab-2009-06-15-02.html
85. "قطاع غزة". وكالة المخابرات centerية. {{cite web}}: تحقق من التاريخ في: |accessdate= (مساعدة); الوسيط |$1 بحاجة لـ |مسار= (مساعدة); الوسيط |مسار= غير موجود أو فارع (مساعدة); الوسيط غير المعروف |الشغل= تم تجاهله (مساعدة); الوسيط غير المعروف |رابط= تم تجاهله (مساعدة)
86. "West البنك". وكالة المخابرات centerية. {{cite web}}: تحقق من التاريخ في: |accessdate= (مساعدة); الوسيط |$1 بحاجة لـ |مسار= (مساعدة); الوسيط |مسار= غير موجود أو فارع (مساعدة); الوسيط غير المعروف |الشغل= تم تجاهله (مساعدة); الوسيط غير المعروف |رابط= تم تجاهله (مساعدة)
87. http://www.state.gov/g/drl/rls/irf/2009/127339.htm
88. "Archive copy". اطلع عليه بتاريخ 2013-10-19. {{cite web}}: الوسيط |$1= بحاجة لـ |تاريخ أرشيف= (مساعدة)صيانة الاستشهاد: الأرشيف كعنوان (link)
89. Ihsan Bagby, Paul M. Perl, Bryan T. Froehle (2010-02-20) Archived 2013-01-27 at the Wayback Machine. Council on American-Islamic Relations (Washington, D.C.). Retrieved on 2010-02-20.
90. [مسلم http://www.ijesd.org/papers/28-D437.pdf السكان فى آسيا : 1950 -- 2020]

لينكات برانيه

• الازهرArchived 2009-02-20 at the Wayback Machine

فيه فايلات فى تصانيف ويكيميديا كومونز عن:

الاسلام