Remove ads
محمد بن عبدالوهاب (1703 - 1791) ، او بالكامل الشيخ محمد بن عبدالوهاب الوهيبى التميمى من قبيلة بنى تميم. بتنسب ليه تكوين الوهابيه و اسس مع امير الدرعيه محمد بن سعود الدولة السعودية الاولى اللى فضلت مدة لحد ما محمد على باشا بعت ابنه ابراهيم باشا و خلص عليهم. افكار الشيخ محمد بن عبد الوهاب موجودة لحد دلوقتى و بتتطبق فى السعوديه و كانت بتطبق من نظام طالبان فى افغنستان قبل ما امريكا غزتها وقضوا على حكمهم هناك و اغلب جماعات الاسلام السياسى عايزه تنفذ افكاره على ارض الواقع. بيتهاجم من جهات كتيره , سياسيه و دينية ومن مذاهب اسلاميه تانيه مختلفه معاه , وبيتقال ان افكاره متشدده زيادة على اللزوم وبتحرم الناس من حاجات كتيرا محللة عليهم وان و افكاره دى اللى بيستخدمها الاراهبيين و الجماعات الاسلاميه والمتشددين , بس انصاره بيقولوا ان الافكار دى هى الاسلام الصح واللى بقيت الناس عليه افكار مش مضبوطه وكمان بيرفضوا اسم الوهابيه, نسبه لمحمد بن عبد الوهاب وبيقلوا على نفسهم سلفيين , عشان بيرجعوا يقلدوا السلف الصالح اللى هم اللى عاشوا من القرن الاول هجرى لحد القرن التالت , و ان افكار محمد عبد الوهاب متئثرة جدا بالشيخ ابن تميمه اللى بيتلقب من انصاره باسم " شيخ الاسلام" و ان محمد عبد الوهاب ماخترعش حاجة بس هو مجدد للدين الصح حسب كلامهم .
Remove ads
اتولد سنة 1703م فى مدينة العيينة بنجد , هناك اتعلم العلوم الدينية و كان عايز يسافر عشان يتعلم اكتر فسافر لمكة عشان يحج و هو صغير وبعدين راح على المدينة عشان يتعلم فقه على ايد شيخ اسمه محمد حياة السندى اللى كان على المذهب الحنبلى. فضل شويه فى المدينة وبعدين طلع على الكوفه فى العراق وهناك كمل دراسة فى العربى و اتعامل مع شيعه كتير و كان مختلف معاهم فى امور مذهبيه كتير ومن اكتر الحاجات اللى اعترض عليها معاهم انهم ,حسب كلامه, بيتباركوا بالاوليا الصالحيين و عشان كدا كان عايز يهدها كلها, حصلت مشاكل كبيره بينه وبينهم خصوصا لما كان عايز يهد الاضرحة فساب الكوفة وراح على الشرقيه (شرق السعوديه دلوقتى) عشان يكمل دراسة علوم الدينية ويرجع العينيه.
Remove ads
لما رجع العينيه دعا الناس لافكاره بس ابوه قاله بلاش عشان ممكن تحصلك مشاكل فساب البلد وراح حته تانيه يدعوا الناس بافكاره وراح للدرعيه (جنب الرياض دلوقتى)اللى كان بيحكمها واحد اسمه محمد بن سعود, اقتنع بافكار وقاله انه حايحميه و جوز ابنه من بنت محمد بن عبد الوهاب عشان تاكيد الصلة وعشان ينسبه و ابتدوا ينشروا افكاره و سيطروا على مناطق كتيره وعملوا الدولة السعودية الاولى. اللى كان حاكمها محمد بن سعود و كان زى المفتى و المصلح الدينى محمد بن عبدالوهاب.
- بيقولوا انه بيين الاسلام الحقيقى من الخرافات والبدع اللى كانت منتشرا وقتها
اللى بيعارضوا افكاره بيقولوا عشان الاسباب دى:
- تكفيره للشيعه و لكل المذاهب التانيه واصحاب الافكار المختلفة عنه
- رفضه التام للافكار المختلفه عنه وان هو الصح وخلاص
- تبنى الارهابيين لافكاره
- افكاره بتسبب فتن طائفيه
- بيقولوا ان افكاره و انصاره هما السبب ان الغرب فاكر ان كل المسلميين متخلفيين ومتشددين وارهابيين
افكاره ودعوته معتمده على السلفيه, اللى اسسها الشيخ ابن تميمه, وان كل حاجة مكنتش بتتعمل من السلف الصالح ( من القرن الاول هجرى لحد التالت) بدعه. هو وانصاره حاربوا ناس كتير عشان الموضوع دا, افكاره بتعمل جدل كبير بين المسلميين نفسهم بمذاهبهم ومدارسهم الفقيه المختلفة مثلا , الشيعه بيرفضوه علشان بيكفرهم وانصاره بيكفره كل المختلفيين عنهم او على احسن الفروض بيعتبروهم مضليين و مش متبعيين الاسلام. افكاره بتعمل جدل كبيير لحد دلوقتى.
Remove ads
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
Remove ads