![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a2/Jack-o%2527-Lantern_2003-10-31.jpg/640px-Jack-o%2527-Lantern_2003-10-31.jpg&w=640&q=50)
هالويين
From Wikipedia, the free encyclopedia
هالويين أو هالوءين ( بالانجليزى : Halloween أو Hallowe'en ) هو احتفال سنوى فى امريكا و بلاد تانيه زى كندا و انجلترا و ايرلاندا بيتعمل فى 31 اكتوبر و بتحصل فيه نشاطات " رعب " بيقوم بيها المحتفلين زى لبس الهدوم التنكريه و الأقنعه المخيفه و حكاية الحكايات المرعبه و الفرجه على الافلام اللى بتخوف.
![Thumb image](http://upload.wikimedia.org/wikipedia/commons/thumb/7/79/HalloweenPumpkin2.jpg/640px-HalloweenPumpkin2.jpg)
![Thumb image](http://upload.wikimedia.org/wikipedia/commons/thumb/3/33/Kobe_Mosaic15s3072.jpg/640px-Kobe_Mosaic15s3072.jpg)
![Thumb image](http://upload.wikimedia.org/wikipedia/commons/thumb/f/f0/Halloween_Jack-o%27-lantern.jpg/640px-Halloween_Jack-o%27-lantern.jpg)
الاحتفال بالهالويين فى العصر الحديث بتتقابل فيه التقاليد الوثنيه و التقاليد المسيحيه بخرافات السحارات و اجتمعاتهم فى " السبت Sabbat " .
بالنسبه للروم الكاتوليك يوم 1 نوفمبر هو يوم عيد " كل القديسين All Saints' Day" اللى بيحتفلوا بيه بكل القديسين و الشهدا المعروفين و المش معروفين. عيد القديسين ده كان معروف فى الازمنه القديمه باسم " هالوماس Hallowmas ". " هالو Hallow " من كلمة " هولى Holy" يعنى مقدس. " ايف Eve " معناها امسية ما قبل العيد او الاحتفال ، و عشان كده الليله اللى بتسبق الاحتفال بعيد كل القديسين اسمها " هالوماس ايف Hallowmas Eve " او بتختصر لـ " ا-ين E'en " ، و من هنا جت كلمة " هالؤيين Hallowe'en ".
فى مناطق من العالم احتفالات العصور الوثنيه المرتبطه ببداية الشتا كانت تقريباً فى نفس وقت عيد كل القديسين. فى الاحتفالات دى كانت بتتحكى قصص عن العفاريت و كانت الناس بتلبس هدوم تنكريه. فى العاده قصص العفاريت بعد كده بقت بتتحكى مع قصص " سبت السحارات " ، و بعدين مع مرور السنين اختلطت النوعيتين ببعض و ما بقتش بتتحكى منفصله. عشان كده فيه ناس كتيره بتفتكر ان الهالويين له علاقه قديمه بتاريخ السحر لكن ده مش صح لان الهالويين و السحر ما اختلطوش ببعض غير بعد سنين طويله بعد ما خلصت عصور هيستيريا السحارات.