ملك مصر من أسرة محمد علي From Wikipedia, the free encyclopedia
الملك فاروق الاول ملك مصر و السودان ( القاهره ، 11 فبراير 1920 – روما ، 18 مارس 1965)، عاشر حكام مصر من اسرة محمد على و الملك قبل الاخير لمصر و السودان. بعد ما ابوه الملك فؤاد الاول ماغير نظام وراثة عرش مصر فى 13 ابريل 1922 اتلقب فاروق رسمى بـ " حضرة صاحب السمو الملكى الامير فاروق " و " امير الصعيد ". و بعد ما قعد على عرش مصر بقى لقبه الرسمى " حضرة صاحب الجلالة الملك فاروق الاول ، ملك مصر و السودان و صاحب النوبة ودارفور و كوردوفان ".
| فاروق الاول هوه حاكم مصر رقم 459 (تم عزله بنقلاب عسكري) |
|---|
| ||||
|---|---|---|---|---|
 | ||||
| معلومات شخصيه | ||||
| الميلاد | 11 فبراير 1920 [1][2][3][4][5][6][7] | |||
| الوفاة | 18 مارس 1965 (45 سنة)[1][2][7] | |||
| مكان الدفن | جامع الرفاعى | |||
| مواطنه |  .svg) .svg)  | |||
| الزوجة | الملكه فريده (20 يناير 1938–1949)[8] ناريمان | |||
| ابناء | الاميره فريال ، والاميره فوزيه فاروق [9]، والاميرة فاديه [9]، وأحمد فؤاد التانى [9] | |||
| الاب | فؤاد الاول [9] | |||
| الام | نازلى صبرى [9] | |||
| اخوه و اخوات | ||||
| عيله | عيلة محمد على | |||
| معلومات تانيه | ||||
| المدرسه الام | اكاديميه ووليش العسكريه الملكيه | |||
| المهنه | سياسى | |||
| اللغات المحكيه او المكتوبه | عربى [10] | |||
| الخدمة العسكرية | ||||
| الرتبة | مشير (رتبه عسكريه) | |||
| الجوايز | ||||
  .gif)  _-_ribbon_bar.gif)   | ||||
| التوقيع | ||||
 | ||||
| المواقع | ||||
| IMDB | صفحته على IMDB | |||
تعديل مصدري - تعديل  | ||||
| ||||
|---|---|---|---|---|
| ||||
| معلومات شخصيه | ||||
| الميلاد | 11 فبراير 1920 [1][2][3][4][5][6][7] | |||
| الوفاة | 18 مارس 1965 (45 سنة)[1][2][7] | |||
| مكان الدفن | جامع الرفاعى | |||
| مواطنه | | |||
| الزوجة | الملكه فريده (20 يناير 1938–1949)[8] ناريمان | |||
| ابناء | الاميره فريال ، والاميره فوزيه فاروق [9]، والاميرة فاديه [9]، وأحمد فؤاد التانى [9] | |||
| الاب | فؤاد الاول [9] | |||
| الام | نازلى صبرى [9] | |||
| اخوه و اخوات | ||||
| عيله | عيلة محمد على | |||
| معلومات تانيه | ||||
| المدرسه الام | اكاديميه ووليش العسكريه الملكيه | |||
| المهنه | سياسى | |||
| اللغات المحكيه او المكتوبه | عربى [10] | |||
| الخدمة العسكرية | ||||
| الرتبة | مشير (رتبه عسكريه) | |||
| الجوايز | ||||
| ||||
| التوقيع | ||||
| ||||
| المواقع | ||||
| IMDB | صفحته على IMDB | |||
| تعديل مصدري - تعديل | ||||
الملك فاروق مسك الحكم فى 28 ابريل سنة 1936 بعد وفاة ابوه الملك فؤاد الاول و اتنازل عن الحكم فى 26 يوليه سنة 1952 لابنه الملك احمد فؤاد التانى بعد انقلاب الظباط الاحرار عليه.
اخته الاميره فوزيه كانت امبراطورة ايران من سنة 1941 لسنة 1945 فى فترة جوازها من محمد رضا بهلوى شاه ايران.
فاروق الاول اتوفى فى منفاه فى ايطاليا سنة 1965.
اتولد فى 11 فبراير سنة 1920 و بقى ولى العهد و هو لسه صغير فلقبه ابوه بـ " امير الصعيد ". لما اتوفى ابوه فؤد الاول فى 28 ابريل 1936 كان فاروق عنده ستاشر سنه و بالتالى قاصر ، فإتشكل مجلس وصايه استمر لغاية الشيخ محمد مصطفى المراغى ماطلع فتوى بحساب عمره بالتاريخ الهجرى و اتوج ملك فى 29 يوليه سنة 1937.
الملك فاروق اتجوز مرتين، المرة الاولانية و هو عندة 18 سنة اتجوز من واحدة من بنات الباشاوات اسمها صافيناز ذوالفقار اللى بعد الجواز غيرت اسمها لالملكه فريده و جابو تلت بنات: الاميره فريال و الاميره فوزيه و الاميرة فاديه. فاروق كان تحت ضغط كبير لانه ماخلفش ولى للعهد و كمان بسبب المشاكل اللى بينه و بين مراته فريده فطلقها سنة 1948. الطلاق دا زعل مصريين كتير اللى بيقدسو الحياة الزوجية بشكل عام و خرجت مظاهرات كبيرة بتندد بالطلاق دا. تانى مرة اتجوز فيها الملك فاروق كان من واحدة من الشعب اسمها ناريمان صادق سنة 1951 وجابو ابن سموه احمد فؤاد التانى اللى بقى ملك مصر بعد كدا لما ابوه اتنازله عن الحكم. ناريمان مشيت من مصر مع فاروق على ايطاليا فى 26 يوليه 1952 و اتطلقو سنة 1954 . فى واحده ست طليانيه اسمها إيرما مينوتولو رافقت الملك فاروق فى المنفى و بعد ما مات قالت انهم كانو متجوزين بس مفيش دليل يثبت ان فاروق اتجوز لتالت مره.
فاروق الاول هو ابن الملك فؤاد الاول و حفيد محمد على باشا بانى و مؤسس مصر الحديثة ، كمل تعليمه فى الاكاديمية الملكية العسكرية فى انجلترا ومسك الحكم و هو عنده 16 سنة تحت مجلس وصايه ، واول ما اتوج عمل خطاب للشعب فى الراديو و دى كانت اول مرة فى مصر ان الملك يوجه فيها خطابه للناس بشكل مباشر. سنين حكم الملك فاروق كانت صعبة بسبب الحرب العالميه التانيه و الاحتلال الانجليزى و المخابرات الالمانية و القوى الوطنية المصرية. كل العوامل دى اثرت على اداءه كملك و غيرت مشاعر المصريين ناحيته من حب جارف لاتهام بالعماله و خصوصا بعد خلافه مع حزب الوفد اللى كان حزب الاغلبية فى مصر فى الوقت ده.
اتعرض فاروق لحوادث مهمه فى فترة حكمه، كان منها محاصره عسكر المحتلين الانجليز لقصر عابدين يوم 4 فبراير 1942 و ارغمو فاروق على تكليف مصطفى النحاس بتشكيل وزاره او يتنازل عن العرش ، اتعرفت الواقعه دى بـ حادثة 4 فبراير. الحادثه التانيه كانت مدبحة البوليس فى الاسماعيليه اللى كانت من نتايجها حريقة القاهره اللى عجلت بنهاية عهد فاروق.
الحادثه التالته اتعرفت بإسم " حادثة القصاصين " و دى حادثه اتعرض ليها فاروق يوم 15 فبراير 1943 و هو سايق العربيه بسرعه و هو راجع من رحلة صيد ، العربيه دى كانت هديه ليه من هيتلر. و هو سايق اعترضته مقطوره عسكريه انجليزيه و عمل حادثه كان حا يموت فيها.
فى سنة 1948 اتعرض نظام حكم الملك فاروق لرجه كبيره بعد تعرض الجيش لهزيمه فى حرب فلسطين و حصلت مدبحة الاسماعيليه فى 25 يناير سنة 1952 و بعدها حريقة القاهره. انتشر الفساد فى مصر و اتدهورت الاحوال السياسيه و انتهكت الحريات بدرجه كبيره لدرجة ان الكتاب كانو خايفين ان الملك يغتالهم ، الملك فاروق نفسه كانت سمعته فى مصر فى حالة تدهور ، ده مع وجود قوات اجنبيه محتله لمنطقة قناة السويس و بتتحكم فى الشئون المصريه. مصر كان فيها حالة غليان و كان واضح انها مقبله على تغيير.
فى يوم 23 يوليه سنة 1952 ، والملك فاروق بيصيف فى اسكندريه ، حصل فى القاهره انقلاب عسكرى من مجموعة ظباط شبان برتب عسكريه صغيره. الظباط دول كانو كونو حركه جوه الجيش اسمها حركة الظباط الاحرار بقيادة جمال عبد الناصر و تحت القيادة الصورية للوا محمد نجيب ، طلبوا من الملك طلبات كان منها عدم الغاء انتخابات نادى الظباط اللى كانو كاسبانين فيها و شوية مطالب متعلقة بالجيش ، حقق لهم الملك مطالبهم و بعدين راحوا طالبين منه فى الاخر التنازل عن العرش لابنه احمد فؤاد التانى. وافق الملك على التنازل و قدم تنازل على العرش نصه :
" امر ملكى رقم 65 لسنة 1952
نحن فاروق الاول ملك مصر والسودان
لما كنا نتطلب الخير دائما لأمتنا ونبتغى سعادتها ورقيها
ولما كنا نرغب رغبة أكيدة فى تجنيب البلاد المصاعب اللى تواجهها فى دى الظروف الدقيقة
ونزولا على إرادة الشعب.
قررنا النزول عن العرش لولى عهدنا الامير احمد فؤاد و أصدرنا امرنا بده الى حضرة صاحب المقام الرفيع على ماهر باشا رئيس مجلس الوزراء للعمل بمقتضاه .
صدر بقصر رأس التين فى 4 ذى القعدة 1371 هـ (26 يوليه 1952) ".
الظباط اعلنوا الجمهوريه المصريه و سقوط الملكيه و انطرد الملك فاروق من مصر على ايطاليا فى 26 يوليه سنة 1952 . وقدم اللوا محمد نجيب اعتذار عن قلة ذوق جمال سالم و هو بيودع الملك على يخت المحروسة. و ضربت المدفعية 21 طلقة تحية للملك اللى فضل انه يتنازل عن الحكم حفاظاً على حياته و لمنع اراقة الدماء.
فى 26 يوليه 1952 فاروق مشى من مصر على ضهر يخت " المحروسه " اللى قاده جلال علوبه ، و ده كان نفس اليخت اللى غادر بيه الخديوى اسماعيل جده لما اتعزل ، و اتعهد فاروق بترجيع اليخت لمصر اول ما ينزل منه فى نابولى. و ضربت المدفعيه واحد و عشرين طلقه تحيه للملك فاروق اللى بمغادرته مصر.
فضل الملك فاروق بره مصر لحد ما مات سنة فى 8 مارس 1965 .
بعد خروج الملك فاروق من مصر اتنشرت معلومات عن حقيقة ثروته. غير المجوهرات و الكنوز و القصور اللى ورثها ورث عن ابوه الملك فؤاد 15 الف و 400 فدان و فى نهاية حكمه اتضخمت فدادينه لغاية مابقت 96 الف فدان. الأوراق الرسميه بتاعة الثورة قالت ان عدد الفدادين اللى اتصادرو منه كانو 48 الف فدان. ده غير اللى اخده من رجال الاعمال و اصحاب المصانع كان منها 18 الف سهم فى شركة سعيدة. موازنة الدوله المصريه بتاعة 1951-1952 كانت المخصصات الملكيه فيها مليون و 315 الف و 961 جنيه ، و ده مبلغ ضخم بحسابات اياميها ، المخصصات الملكيه دى اتوزعت بالطريقه دى : 115 الف جنيه مصاريف تكييف هوا القصور الملكيه ، و 70 الف جنيه لثكنات الحرس الملكى ، و 20 الف جنيه علشان تعديل مطبخ قصر القبه ، و 174 الف جنيه لصيانة جناين القصور الملكيه.[11]
املاك الملك فاروق اتصادرت فى سبتمبر 1953 و اتصادرت ممتلكات اسرة محمد على فى نوفمبر فى نفس السنه. و اتباعت حاجات كتيره من الممتلكات فى مزادات علنيه اعتبرت كارثيه لإنها اتسببت فى ضياع كنوز كتيره.[11]
اتوفى فاروق الاول فى ايطاليا فى 18 مارس سنة 1965 بعد ما اكل عشا دسم فى مطعم إيل دى فرانس المشهور فى روما.
اتقال بعد كده انه اغتيل بالسم على ايد ابراهيم البغدادى بتكليف من جمال عبد الناصر اللى رفض تنفيذ و صيته الوحيدة انه يندفن فى مصر لكن البغدادى نفى الموضوع. الرئيس انور السادات سمح بدفن رفاته فى مقابر عيلة محمد على فى جامع الرفاعى ، و كمان سمح لابنه الملك احمد فؤاد التانى انه يجيب مراته علشان تولد فى مصر.
فى سنة 2007 عرضت قناة الـ ام بى سى مسلسل اسمه (الملك فاروق) و قام فيه بدور الملك الممثل السورى تيم الحسن و اللى عرض لاول مرة صورة متوازنه للملك بعد سنين كتيره من التشويه المتعمد اللى قام بيه التلفزيون و السينما المصريه لاسباب سياسيه ( زى مسلسل رد قلبى و فيلم امراة هزت عرش مصر ).المسلسل دا حقق نجاح كبير فى مصر و براها ورد الاعتبار لفاروق الاول و صور نواحى انسانيه فى حياته. المسلسل خلى ناس كتيره تقرأ عشان تفهم ايه اللى حصل فعلا فى الفترة دى ، لدرجة ان فيه ناس ، رغم كل الفساد اللى ساد مصر قبل الثوره ، عبرت عن اشتياقها لرجوع الملكيه واسرة محمد على الالبانيه لحكم مصر.
.svg)
| فؤاد الاول | حكم: 28 ابريل 1936 - 23 يوليه 1952 | احمد فؤاد التانى |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
