ممثل مصرى From Wikipedia, the free encyclopedia
عادل ادهم (8 مارس 1928 - 9 فبراير 1996), كان ممثل سينمائى مصرى فى السينما المصريه.
| ||||
---|---|---|---|---|
معلومات شخصيه | ||||
الميلاد | 28 مارس 1928 | |||
الوفاة | 1 فبراير 1996 (68 سنة) | |||
سبب الوفاة | التهاب رئوى | |||
مواطنه | مصر | |||
الحياه العمليه | ||||
المهنه | ممثل | |||
اللغه الام | اللغه المصريه الحديثه | |||
اللغات المحكيه او المكتوبه | عربى ، واللغه المصريه الحديثه | |||
اعمال بارزه | ثرثرة فوق النيل ، والقتلة ، والمذنبون | |||
المواقع | ||||
IMDB | صفحته على IMDB | |||
السينما.كوم | صفحته على السينما.كوم | |||
تعديل مصدري - تعديل |
اتولد بحى الجمرك البحرى بالاسكندريه فى 8 مارس سنة 1928. والده كان موظف كبير بالحكومه و والدته تركيه الاصل, و ورثت عن ابوها شاليهين بسيدى بشر. نقلت الاسره للاقامه هناك و كان عادل صغير فى المدرسه الابتدائيه و كان بيمارس رياضه العاب القوى بعدها اختار رياضه الجمباز و كان متفوق فيه و مارس كمان رياضه الملاكمه و المصارعه و السباحه.
ساب الرياضه و اتجه التمثيل و شافه انور وجدى و قال ليه "انت ما تصلحش غير انك تمثل قدامم المرايه", فاتجه للرقص و بدا يتعلم الرقص مع على رضا.
بدايته فى السينما كانت سنه 1945 فى فيلم ليلى بنت الفقرا, و ظهر فى دور صغير جدا كراقص, و كان ظهوره التانى فى مشهد صغير فى فيلم البيت الكبير, اشتغل راقص فى فيلم ماكانش عالبال سنة 1950, بغدها بعد عن السينما و اشتغل فى سوق بورصه القطن, و فضل لحد بقى من اشهر خبرا القطن فى بورصه الاسكندريه.
بعد التاميم ساب سوق البورصه و فكر فى السفر, وقتها اتعرف على المخرج احمد ضياء اللى قدمه فى فيلم هل انا مجنونه؟ سنه 1964, بعدها قدم كتير من الادوار اللى اتميزت بخفه الظل, منها دوره فى اخطر رجل فى العالم, العائله الكريمه, و بدا المخرجين يدولوه ادوار اكتر صعوبه دارت معظمها فى اطار اللص او الشرير.
شارك فى بطوله كتير من الافلام, و من اهمها: فيلم الجاسوس سنه 1964, و فيلم جناب السفير سنه 1966, و اخطر رجل فى العالم و السمان و الخريف سنه 1967.
اخد جوايز من الهيئه العامه للسينما, و الجمعيه المصريه لكتاب و نقاد السينما, و الجمعيه المصريه لفن السينما.
سنه 1985 اخد جايزه فى مهرجان الفيلم العربى بلوس انجلوس بامريكا, و تم تكريمه فى مهرجان الاسكندريه السينمائى الدولى 1994, و المهرجان القومى التانى للافلام المصريه 1996.
اتوفى عادل ادهم فى يوم الجمعه 9 فبراير سنة 1996 بعمر 67 سنه, فى مستشفى الجلاء العسكرى فى شارع صلاح سالم, و كان سبب وفاته وجود كثيف للميه بالرئتين و اللى ادى للتهاب مرير و اكتشاف سرطان العظام, فاتوفى بعد حقنة البنج فى ظهره.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.