خاير بك
خول بك خان بلده عشان السلطة / From Wikipedia, the free encyclopedia
خاير بك من ملباى ،( صمصوم، جنب كرجستان، حوالى 1462 - القاهره، 5 اكتوبر 1522 )، اول نايب للسلطان العثمانى فى مصر ، لقبه سليم شاه ( سليم الاول ) باسم " خاين بك " لخيانته للسلطان الغورى و عينه نايب ليه على مصر فى 1 سبتمبر 1517 بعد ما غزاها و احتلها الاتراك العثمانليه ، فاتلقب بـ " ملك الأمراء " و فضل نايب للمستعمرين العثمانيين على مصر لغاية وفاته فى 5 اكتوبر 1522. كان وقت غزو العثمانليه نايب الدوله المملوكيه فى حلب فى الشام لكن خان السلطان الغورى و كان عامل كبير فى انتصار العثمانيين فى معركة مرج دابق (اغسطس 1516) و احتلالهم الشام و بعد كده مصر فكافئه سليم الاول بتعينه نايب ليه فى مصر. شنق سلطان مصر الاشرف طومان باى على باب زويله. اتصف بالقسوه و الدمويه و كترة قتل الناس ظالمين على مظلومين. فى فترة نيابته أعدم حوالى 10 الاف واحد. قتل الامرا و عزل القضاه الاربعه و غير نظم المقاييس و الموازين و العمله و بدل قوانين مصر و حط مكانها قوانين تركيه جايره ، و ساب التركمان و الانكشاريه و الأصبهانيه [2] و غيرهم يفسدوا و ينهبوا الناس ، و بقت اللغه التركى لغه الدوله و بيتنادى بيها فى شوارع مصر اللى حل عليها عصر من احلك عصورها.
| ||||
---|---|---|---|---|
معلومات شخصيه | ||||
الميلاد | سنة 1464 | |||
الوفاة | سنة 1522 (57–58 سنة)[1] | |||
مواطنه | امبراطوريه عثمانيه الدوله المملوكيه | |||
الحياه العمليه | ||||
المهنه | سياسى | |||
تعديل مصدري - تعديل |
وصفه ابن اياس اللى عاصره بانه كان : " جبارا عنيدا عسوفا سفاكا للدماء، قتل فى مدة ولايته على مصر مالايحصى من الخلايق..وشنق وخوزق من الناس جماعة كثيرة، واقترح لهم حاجات فى عذابهم، فكان يخوزقهم من أضلاعهم ويسميه شك الباذنجان".