From Wikipedia, the free encyclopedia
Zernez () isch a politischi Gmaind i da Region Engiadina Bassa/Val Müstair im Schwizer Kanton Graubünda.
| Zernez | |
|---|---|
 | |
| Basisdate | |
| Staat: | Schwiiz |
| Kanton: | Graubünde (GR) |
| Region: | Engiadina Bassa/Val Müstair |
| BFS-Nr.: | 3746 |
| Poschtleitzahl: | 7530 Zernez 7542 Susch 7543 Lavin |
| Koordinate: | 803507 / 175539 |
| Höchi: | 1'474 m ü. M. |
| Flächi: | 344,04 km² |
| Iiwohner: | 1532 (31. Dezämber 2022)[1] |
| Website: | www.zernez.ch |
 s Dorf Zernez | |
| Charte | |
 | |
D Gmaind Zernez ligt im mittlara Engadin und wird vom Inn durflossa. Si bestoot us da Frakziona (Dörfer) Lavin, Susch und Zernez. Nochbergmainda sind im Südoschta Val Müstair, im Oschta Scuol, im Norda Gaschurn (Vorarlbärg), im Nordweschta Klosters und Davos, im Südweschta S-chanf. Im Süde sind di italienischa Nochbergmainde Livigno und Valdidentro.
I da Johra noch 2000 hät ma z Zernez und i da umligenda Dörfer aagfanga über a Fusion nochazdenka. An da Gmaindsversammliga vom 21. Juni 2012 händ d Stimmbürger vo zwai Gmainda relativ knapp da damalig Fusionsvertrag abglehnt, Guarda mit 52,2 % und Zernez mit 52,9 %. Z Lavin (74,3 %) und z Susch (68,5 %) hät s Stimmvolk dütlich zuagstumma.[2] Guarda hät nochhär Verhandliga mit Scuol ufgnoo und underdessa am säba Fusionsvertrag zuegstumma. Am 24. April 2014 händ d Bürgerversammliga vo da drei übriga Gmainda über nöji Fusionsplän chöna abstimma und händ dütlich Jo gsait.[3]
Per 1. Jänner 2015 hät d Gmaind Zernez mit Lavin und Susch fusioniert.[4] Dia nöji Gmaind trait da Nama Zernez und hät a neus Wappe überko.
Zernez isch an Verkehrsknotapunkt im Engadin. Am Inn no doruf gohts uf Samoritz und abwärts ka ma noch Scuol. Uf dära Achsa fahrt au di Rhätisch Bahn. I öschtlichar Richtig fahrt s Postauto über da Ofapass is Münschtertal bis in Vinschgau im Südtirol (Italia). Uf da Strecki in Ofapass uffi zwigt a Strooss ebafalls i Richtig Italia ab. Dor de Tunnel im Munt la Schera gits a möglachi, koschtapflichtagi Zuafahrt noch Livigno. Ab Susch füert d Stross i weschtlichar Richtig über da Flüelapass uf Davos und bi Lavin ermöglichat da Vereinatunnel vo dr Ysebaan a wintersichari Verbindig über Klosters und Landquart noch Chur.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
_wappen.svg){kind=small}
