Venetien
From Wikipedia, the free encyclopedia
Venezie (italiänisch: Veneto) isch e Regioon vo Italie.
| Venezie | |
|---|---|
 |
 |
| Basisdate | |
| Hauptstadt: | Venedig |
| Provinze: | 7 |
| Flechi: | 18.391 km² (8.) |
| Iiwohner: | 4.915.123 (31. Dezämber 2015) |
| Bevölkerigsdichti: | 267 Iiwohner/km² |
| Website: | www.regione.veneto.it |
| ISO 3166-2: | IT-34 |
| Presidänt: | Luca Zaia (LN) |
| Charte | |
 | |
D Region liit z Norditalie und gränzt im Oste a Friaul-Julisch Venezie, im Nordweste a Trentino-Südtirol, im Weste a d Lombardei und im Süde a d Emilia-Romagna. De Nordzipfel vo Venezie gränzt a Östriich.
D Dolomite i de Alpe sind die nördlichsti Landschaft vo Venezie. Denn chömed d Voralpe, e Hügellandschaft, d Poäbeni, d Gägend am Ostufer vom Gardasee und bsunders au die 150 Kilometer langi Adriaküste. Sie isch für d Lagune rund um Venedig berüehmt.
Venezie het währed Jahrhunderte als Festlandbsitz zur Republik Venedig ghört. De historisch Fahne mit em Markusleu erinneret hüt no a die Ziit.
1797 isch de gröscht Teil vom Gebiet nach em Friede vo Campo Formio zu Östriich cho. 1805 het Östriich z Austerlitz gäge de Napoleon verloore. So isch Venezie em Königriich Italie zuegschlage worde. Im Wiener Kongräss 1815 isch es under em Königriich Lombardo-Venezie wider zu Östriich cho.
1866 isch Venezie im Gfolg vo der östriichische Niderlag gäge Preusse im Tüütsche Chrieg em Königriich Italie aaglideret worde. Nach em Erste Wältchrieg sind en Teil vo de ladinischsprachige Gmeinde i de Dolomite, under anderem Cortina d’Ampezzo, vo Östriich zu Italie gwächslet und ghööred hüt zu Venezie, nöd öppe zu Trentino-Südtirol, wie s histoorisch müesst sii.
1963 isch bi Longarone e grossi Katastrophe passiert, wo e Bärgsturz de Vajont-Stausee zum Überlaufe brunge het und e Fluet füüf Dörfer zerstört het. Um die 2000 Mänsche sind debii gstorbe.
2012 het de Regionalrat sich für s Sälbstbestimmigsrächt für Venezie usgsproche. Au i de Bevölkerig sind Autonomie- und Sezessionsbesträbige wiit verbreitet.
 |
Dä Artikel basiert uff ere fräie Übersetzig vum Artikel „Venetien“ vu de dütsche Wikipedia. E Liste vu de Autore un Versione isch do z finde. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
