S-Bahnen in der Schweiz

Ider Schwiz isch nur ds Netz vo Zürich en S-Bahn im strengste Sinn, wie ds Dütschland meischt verwendet. Durch ds langfristig Projekt Bahn 2000 sind d witere „S-Bahne“ entstande, di zum Teil no im witere Usbau sind (Apassige bestehende und Bau vo zuesätzliche Haltestelle, teilw. Überhol-Abschnitte uf eigleisige Stecke). So isch d Bezeichnig „S-Bahn“ bis uf witers meischt nur als Marketingbezeichnig für d frühere „Regionalzüg“ mit Halt an alle Statione zu gseh.

S-Bahn-Netz ider Schwiz

Es git iner Regel kei Prisunerschid zwüsche Färnverchers- und S-Bahn-Fahrte. En Fahrt vo Ziegelbrügg uf Zürich mit der S-Bahn chostet bispilswis genauso vil wie d glich Fahrt im InterRegio. Witer wird der Begriff S-Bahn meischtens bi Agglomeratione miteme grössere Netz an Nahvercherslinie brucht. D meischte Linie füehre oder tangiere derbi d Zentralstadt.

D Schwizerische Bundesbahne hei für d Schwiz folgendi Mindeschtaforderig ane S-Bahn gstellt:

• Existenz vo Durchmesserlinie
• Durchschnittsgschwindigkeit vo ca. 50 km/h
• Iheitlichi Tarif
• Iheitlichs Erschinigsbild und Kommunikation gegenüber de Chunde
• Koordination und Vernetzig mit andere Verchersundernäme

Ned im Aforderigsprofil für en S-Bahn vo de Schwizerische Bundesbahne, glich aber es Hauptmerkmal:

• Im Chärnberich vo de zentrale Grossstadt gbündelti Fahrwäg vo de S-Bahnlinie mit typischerwis eigene Gleisinfrastruktur und eigene, vom Interregio- und Färnvercher unabhängige Haltestelle und Bahnhöf

Allerdings erfüllt kei S-Bahn alli Kriterie vollumfänglich. So fährt d S-Bahn Zürich über de Bereich vom ZVV-Tarifverbund druber us und sälbst d teilwis ufem Zürcher Tramnetz fahrend Forchbahn wird als "S-Bahn" gfüehrt. D S-Bahn Bärn het no Linie, wo nur stündlich verchere. D S-Bahn Luzern chan infrastrukturbedingt kei Durchmesserlinie irichte. D S-Bahne wärde vil vo verschiedene Verchersundernähme betribe und hei bis uf Basel und Bärn keis Symbol als Erkennigszeiche.

Der Begriff S-Bahn wird in öffentliche, zweisprachige Publikatione mit Réseau Express Régional (RER) ins Französische übersetzt.

	S-Bahn	Städte / Ballungsraum	Verbundtarif	Linien	Betreiber	Spurweiten	Eröffnung
	S-Bahn Aargau	Kanton Aargau	A-Welle	6	SBB, AVA	1435 + 1000	2008
	S-Bahn Basel	Basel	TNW/TVA/Vagabond (CH), RVL/WTV/RVF (DE)	8	SBB, SBB GmbH, SNCF, DB	1435	1997
	S-Bahn Bern	Bern	Libero	13	BLS, RBS	1435 + 1000	(1974)/1995
	S-Bahn Chur	Chur	BÜGA/TransReno	3	RhB	1000	2005
	S-Bahn Vaud	Lausanne	mobilis	8	SBB	1435	2004
	Léman Express	Genf	Unireso	5	SBB, SNCF	1435	2018
	S-Bahn Luzern	Luzern	Passepartout	7 (+2)	SBB, BLS, Zentralbahn	1435 + 1000	2004
	S-Bahn Schaffhausen	Schaffhausen	Ostwind	2	SBB GmbH, DB	1435	2015[1]
	S-Bahn St. Gallen	St. Gallen	Ostwind	10	AB, SOB, THURBO	1435 + 1200 + 1000	2001
	S-Bahn Tessin	Bellinzona, Lugano	CTM	4	TILO, FLP	1435 + 1000	2004
	S-Bahn Zürich	Zürich, Winterthur	ZVV	26	SBB, THURBO, SOB, SZU, AVA, FB	1435 + 1000	27. Mai 1990
	Stadtbahn Zug	Zug	TVZG	2	SBB	1435	2004
	S-Bahn Valais/Wallis	Kanton Wallis		2	SBB/TMR	1435	2012 bzw. 2016
	RER Fribourg/Freiburg	Fribourg/Freiburg	Frimobil	7	TPF	1435 + 1000	2011
	S-Bahn Konstanz-Kreuzlingen	Konstanz, Kreuzlingen		3		1435	Projekt[2]

Amerkige

• D Netzi vo Luzärn und Zug teile sich en gmeinsame Nummreberich und wärde oft als S-Bahn Zentralschwiz zämmegfasst.
• D meischte Normalspurlinie (1435 mm) wärde mit Wechselstrom 15 kV 16,7 Hz betribe, au d meterspurige Linie ds Luzärn. D uf Frankrich füehrende Linie fahre ab Basel SBB und ab Genf Cornavin mit Wächselstrom 25 kV 50 Hz. D meterspurige Linie ds Zürich, Bärn und St. Galle verchere mit 1200–1500 V Glichstrom.
• Im Kanton Aargau, wo zwüsche de drei S-Bahn-Netz Zürich, Basel und Zentralschwiz ligt, sind uf Wunsch vom Kanton uf Endi 2008 alli Regionalzuglinie mit S-Bahn-Nummrd verseh worde. Scho vorher sind rund d Hälfti vo der Regionalzüg mit ere S-Bahn-Nummer gfüehrt worde, wills nur en Teilstrecki im Aargau zrüglege, der Rescht aber im Chärngebiet vo der jewilig S-Bahn.

Lueg au

• Lischte vo de Schwizer Tarifverbünd
• S-Bahne ds Dütschland
• S-Bahne ds Österrich
• S-Bahne ds Frankrich