From Wikipedia, the free encyclopedia
Reconvilier (Franc-comtois [a rɘkɔ̃viˈʎe], alem. Roggwiler, dt. Rokwiler) isch e politischi Gmeind im Verwautigschreis Bärner Jura im Kanton Bärn, Schwyz.
Reconvilier | |
---|---|
![]() | |
Basisdate | |
Staat: | Schwiiz |
Kanton: | Bärn (BE) |
Verwautigschreis: | Bärner Jura |
BFS-Nr.: | 0703 |
Poschtleitzahl: | 2732 |
Koordinate: | 583614 / 231711 |
Höchi: | 731 m ü. M. |
Flächi: | 8.23 km² |
Iiwohner: | 2425 (31. Dezämber 2022)[1] |
Website: | www.reconvilier.ch |
![]() Gmeindsverwautig | |
Charte | |
![]() |
Reconvilier ligt im Vallée de Tavannes. Zue dr Gmeind ghört näb em glychnamige Dorf ou na dr Wiiler Chaindon. D Gmeindsflächi bsteit us 45,7 % langwirtschaftlecher Flächi, 42,2 % Waud, 11,8 % Sidligsflächi u 0,2 % süschtigi Flächi.[2] D Nachburgmeinde si Tavannes, Saicourt, Saules, Loveresse, Malleray, Péry u La Heutte.
Reconvilier isch zum erschte Mal gnennt worde im Jahr 884 aus Roconis villare. Bis zum 31. Dezämber 2009 het d Gmeind zum Bezirk Moutier ghört.
Quäuue: Bundesamt für Statistik 2005[3]
Jahr | 1850 | 1860 | 1870 | 1880 | 1888 | 1900 | 1910 | 1920 |
Ywohner | 361 | 622 | 914 | 1113 | 1303 | 1730 | 2139 | 2059 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Ywohner | 2133 | 2245 | 2397 | 2567 | 2784 | 2410 | 2369 | 2417 |
Dr Uusländeraateil isch 2010 bi 16,1 % gläge.[2]
55,5 % vo de Ywohner si evangelisch-reformiert, 28,4 % si römisch-katholisch (Stang 2000).[2]
Bi de Nationauraatswahle 2011 het s das Ergebnis ggää:[2] BDP 5,3 %, CVP 3,2 %, EVP 7,6 %, FDP 8,1 %. GLP 1,2 %, GP 6,6 %, SP 24,3 %, SVP 32,7 %, Suschtigi 11,0 %.
Sid em 19. Joorhundert gids z Reconvilier Uurefabrigge, zum Bischpiil d Société Horlogère Reconvilier. Ane 1855 isch d Metallgiesserei Boillat gründet worde, wo hüt zum internazionale Konzärn Baoshida Swissmetal ghört.
Bir Vouchszeuuig 2000 hei vo de 2417 Ywohner 6,9 % Dütsch aus Houptsprach aaggää, 82,7 % Französisch u 3 % Italienisch.[2]
Dr alt Patois (Franc-comtois) vo Reconvilier isch wahrschynlech ir erschte Heufti vom 20. Jh. uusgstorbe.