From Wikipedia, the free encyclopedia
Mont-Tramelan (Franc-comtois [lɛ mɔ̃ˈtɛn ], alem. Bärgtramlige, dt. verautet Bergtramlingen) isch e politischi Gmeind im Verwautigschreis Bärner Jura im Kanton Bärn, Schwyz.
Mont-Tramelan | |
---|---|
![]() | |
Basisdate | |
Staat: | Schwiiz |
Kanton: | Bärn (BE) |
Verwautigschreis: | Bärner Jura |
BFS-Nr.: | 0437 |
Poschtleitzahl: | 2723 |
Koordinate: | 570875 / 228980 |
Höchi: | 1'060 m ü. M. |
Flächi: | 4.64 km² |
Iiwohner: | 110 (31. Dezämber 2022)[1] |
![]() Mont-Tramelan | |
Charte | |
![]() |
Mont-Tramelan isch e Ströisidlig im Schwizer Jura. D Gmeindsflächi bsteit us 60,4 % langwirtschaftlecher Flächi, 35,3 % Waud, 4,1 % Sidligsflächi u 0,2 % süschtigi Flächi.[2] D Nachburgmeinde si Courtelary, Cortébert, Corgémont, Tramelan, Tavannes u Saicourt im Kanton Bärn u La Chaux-des-Breuleux im Kanton Jura.
Um 1570 het dr Fürschtbischof vo Basel Ämmitauer Töifer Zueflucht i sire Vogtei Erguel gwährt. Am Aafang vom 17. Jh. hän Familie vo Nöieburg d Gmeinschaft Montagnes de la paroisse de Tramelan gründet, wo dr Bischof im Jahr 1685 anerkännt het.
Bis zum 31. Dezämber 2009 het d Gmeind zum Bezirk Courtelary ghört.
Quäuue: Bundesamt für Statistik 2005[3]
Jahr | 1850 | 1860 | 1870 | 1880 | 1888 | 1900 | 1910 | 1920 |
Ywohner | 169 | 176 | 187 | 156 | 173 | 149 | 146 | 134 |
Jahr | 1930 | 1941 | 1950 | 1960 | 1970 | 1980 | 1990 | 2000 |
Ywohner | 126 | 147 | 134 | 139 | 127 | 129 | 125 | 116 |
Dr Uusländeraateil isch 2010 bi 0,8 % gläge.[2]
82,8 % vo de Ywohner si evangelisch-reformiert, 6,9 % si römisch-katholisch (Stang 2000).[2]
Bi de Nationauraatswahle 2011 het s das Ergebnis ggää:[2] BDP 13,7 %, CVP 0,3 %, EVP 24,1 %, FDP 1,2 %. GLP 3,8 %, GP 10,6 %, SP 3,5 %, SVP 36,4 %, Suschtigi 6,4 %.
Gmeindspresidänt vo Mont-Tramelan isch dr Thomas Gerber (Stang 2013).
D Arbetslosigkeit isch im Jahr 2011 bi 0,4 % gläge.[2]
Bir Vouchszeuuig 2000 hei vo de 116 Ywohner 70,7 % Dütsch aus Houptsprach aaggää u 25,9 % Französisch.[2]
Dr alt Patois (Franc-comtois) vo Mont-Tramelan isch wahrschynlech ir erschte Heufti vom 20. Jh. uusgstorbe.