From Wikipedia, the free encyclopedia
De Po isch de grööscht Fluss vo Italie. Er het sini Quelle i de französisch-italienische Alpe und flüüsst dor d Poebni und mündet südlich vo Venedig i d Adria.
Po | ||
![]() d Laag und s Iizugsgebiet vom Fluss Po | ||
Date | ||
---|---|---|
Laag | Italie | |
Flusssystem | Po | |
Quelle | Pian del Re am Monte Viso 44° 42′ 5″ N, 7° 5′ 35″ O | |
Quellhöchi | 2.022 m s.l.m. | |
Mündig | i d Adria im Po-Delta 44° 57′ 9″ N, 12° 25′ 55″ O | |
Mündigshöchi | 0 m s.l.m. | |
Höchiunterschiid | 2022 m | |
Lengi | 652 km | |
Iizugsgebiet | 75.000 km²
| |
Abfluss | MQ |
1540 m³/s |
Rächti Nääbeflüss | Tanaro | |
Linggi Nääbeflüss | Dora Baltea, Ticino, Adda, Oglio, Mincio | |
Groossstedt | Turin | |
Mittelgroossi Stedt | Piacenza, Cremona | |
Schiffbar | vo de Mündig bis zum Ticino (389 km); kommerziell bis Cremona (292 km) | |
![]() de Po südlich vo Mantua | ||
![]() e historeschi Charte vom Podelta us Meyers Konversationslexikon 1888 |
De Po entspringt i de italienische Gmaind Crissolo uf de Hochebni Pian del Re am Fuess vom Monviso i de Kottische Alpe. Er flüsst i östliche Richtig und wachst schnell zomene groosse Strom aa. Sini maiste Nebeflüss chömet us de Alpe, e paari au usem Apennin. Di grööschte nördliche Zueflüss sind d Dora Baltea usem Augstertal, d Sesia usem Valsesia, de Tessin usem Kanton Tessin, d Adda usem Veltlin und de Oglio usem Val Camonica. Di wichtigste süüdliche Zueflüss sind de Tanaro us de Ligurische Alpe, de Taro und de Panaro, baid usem Apennin.
De Po flüüst dor di italienische Provinze Piemont, Lombardai, Emiglia-Romagna und Venezie. Er mündet südlich vo de Lagunestadt Venedig i d Adria und bildet debi e groosses Delta.
Nu wenig groossi Städt liget direkt am Po, nämli Turin, Piacenza, Cremona und Ferrara.
Im Po und sinene Nebeflüss und Nebebäch lebet uusergwöönli vill endemischi Fischarte, wo nöd i anderne Flussystem vorchömed. Dezue ghöret s Po-Nüünaug (Lampetra zanandreai ), de Adria-Stör (Acipenser nacarii), d Hundsbarbe (Barbus caninus), d Süüdbarbe (Barbus plebejus), d Savetta (Chondrostoma soetta), de Triotto (Rutilus aula), de Pigo (Rutilus pigus), de Cavdano (Squalius squalus), de Vairone (Telestes muticellus), s Italienischi Grundeli (Cobitis bilineata ), d Marmorataforele (Salmo marmoratus) und de Ghiozzo (Padogobius bonelli).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.