Apennin
From Wikipedia, the free encyclopedia
From Wikipedia, the free encyclopedia
Dr Apennin (italiäänisch gli Appennini) isch e Gebirgszuug z Itaalie (und zu seer chliine Däil z San Marino), wo öbbe 1500 km lang isch. Er goot öbbe vo Nordweste uff Südoste dur e groosse Däil vom Staatsgebiet. oobe uf em Apennin isch d Hauptwasserschäide vo Itaalie. Er isch e Däil vom Alpiidische Gebirgssüsteem, wo vo vom Atlas im Weste über d Pürenääe, d Alpe, e Balkan, Himalaya bis zu de westlige Gebirg vo Indochina und Malaysia goot.
Apennin | |
---|---|
Höchst Gipfel | Corno Grande (2.912 m s.l.m.) |
Lage | Itaalie, San Marino |
Koordinate | 42° N, 14° O |
Typ | Faltengebirge |
Alter vom Gstei | Alpidischi Orogenese |
Dr Apennin foot im Nordweste vo Itaalie aa und bildet im Ligurische Apennin d Fortsetzig vo de Liguurische Alpe. D Gränze zwüsche de Alpe und em Apennin bildet dr Col di Cadibona (436 m). Von dört goot dr Apennin in Richdig Oste über die Apuanische Alpe bis zur Adriaküste, und denn uf Süüde, won er im im Abruzzische Apennin mit em Massiiv vom Gran Sasso d’Italia (2.912 m) si grössti Hööchi het.
Witer uf Süüde däilt sich dr Apennin in äinzelni chliineri Gebirgsdäil wie d Sila und dr Aspromonte uf und findet si Fortsetzig in de Gebirg vo Nordsizilie.
Dr Apennin isch en alpidischs Chettigebirg, wo si Uffaltig em Zämmebutsche vo dr Afrikaanische gegen die Öiraasischi Blatte verdankt. Er bestoot us Chalch, Dolomit, Sandstäi, Schiifer, Mergel und Doon, zum Däil au us eme kristalline Grundgebirg.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.