From Wikipedia, the free encyclopedia
Papua-Sproche wäre die Sproche z Neiginea un uf e Dail Insle, wu drum umme lige (Salomone, Halmahera, Timor), wu nit zue dr austronesische Sproche ghere. D Papua-Sproche sälber sin kai genetischi Ainhait (Sprochfamilie), s handlet sich vilmer um e Sammeluusdruck fir e baar Sprochfamilie un isolierte Sproche. S git rund 800 Papua-Sproche mit insgsamt rund 4 Millione Sprächer.
D Papua-Sproche leen sich noch em hitige Chänntnisstand in insgsamt zwelf Sprochfamilie yyordne, derzue git s fimf isolierti Sproche. Di wichtigscht Sprochfamilie isch s Transneiginea-Makrophylum mit rund 530 Sprochen un 3,2 Mio. Sprächer, wu sich – wie dr Namme sait – iber fascht ganz Neiginea uusdehnt. Anderi greßeri Familie sin Wescht-Papua, Geelvink Bay, Toricelli, Sepik-Ramu un Oscht-Papua.
Eb sich alli die Sprochen oder e baar Gruppe dervu zue greßere genetischen Ainhaiten chenne zämmefasse loo, isch nonig gchlert. E genetischi Ainhait vu allne Papua-Sprochen isch noch eme hitige Chönntnissdtand aber ender selu uuwahrschyynli. Di hypotehtisch Makrofamilie Indopazifisch, wu dr Joseph Greenberg vorgschlaa het un wu us dr andamanische, tasmanische un dr Papua-Sproche soll bstoh, wird aber fascht allne hitige Forscher abglähnt.
S git nume vier Papua-Sproche, wu zmindescht 100.000 Sprächer hän, si gheren alli zum Trans-Neiginea-Makrophylum.
Lueg dr Hauptartikel Klassifikation vu dr Papua-Sproche
Des isch e Klassifikation vu dr Sprochfamilie, wu zue dr Papua-Sproche zellt wäre, mit Aagab zue dr Aazahl vu Sproche (Sp), dr Sprächerzahl un dr geografische Verbraitig.
 |
Dä Artikel basiert uff ere fräie Übersetzig vum Artikel „Papua-Sprachen“ vu de dütsche Wikipedia. E Liste vu de Autore un Versione isch do z finde. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
