From Wikipedia, the free encyclopedia
Dr rund 1.120 km lang Fly (änglisch Fly River, Tok Pisin wara Flai) mit eme Yyzugsbiet vu 76000 Quadratkilometer un eme Abfluss vu 6000 bis 8000 Kubikmeter pro Sekund isch noch em Sepik dr zweetlengscht Fluss uf dr Insle Neiginea (Ozeanie).
| Fly Fly River / wara Flai | ||
 | ||
| Date | ||
|---|---|---|
| Laag | Western Province z Papua-Neiginea | |
| Flusssystem | Fly | |
| Quelle | in dr Victor-Emanuel-Chette 5° 18′ 10″ S, 141° 31′ 9″ O | |
| Mündig | in dr Golf vu Papua 8° 31′ 56″ S, 143° 31′ 12″ O | |
| Mündigshöchi | 0 m | |
| Lengi | 1120 km | |
| Iizugsgebiet | 76.000 km²
| |
| Rächti Nääbeflüss | Ok Tedi | |
| Linggi Nääbeflüss | Strickland | |
| Hääfe | Kiunga | |
| Schiffbar | 800 km bis Kiunga | |
Dr Fly entspringt im eschtlige Dail vu Neiginea, wu zue Papua-Neiginea ghert, in dr Victor-Emanuel-Chette, eme Dail vum Maokegebirg. S Yyzugsbiet isch vor allem am Oberlauf mit urspringligem, dichtem Rägewald deckt. Ab dr Ortschaft Kiunga (rund 30 m iber NN) fließt er di letschte 800 Kilometer mit seli gringem Gfell wie ne Mäander dur s sumpfig Diefland Richtig Side. Do dominiere liechte, savannenartige Wald, Sumpfwald un saisonal iberfluetet Grasland. Wäg em arg flache Terrain un dr hoche Niderschleg vu 4 bis 12 m pro Johr het sich s grescht Iberschwämmigsbiet vu dr Insle mit 4,5 Millione Hektar bildet. Fir e baar Kilometer bildet er d Gränze zum Weschtdail vu dr Insle, zue Wescht-Papua (friejer „Irian Jaya“ gnännt), wu zue Indonesie ghert. Schließli mindet dr Fly mit eme rund 55 km braite Ästuar in dr Golf vu Papua (au Papuagolf gnännt).
Im Flussdelta lige vil chlaini, sumpfigi Insle, wu mit Mangrove bstande sin. Zue däne Insle ghere unter anderem:
|
|
|
Di greschte Zuefliss vum Fly sin dr Strickland un dr Ok Tedi, wu beedi dur Abwässer vum Gold- bzw. Chupferbärgböu blaschtet sin.
S Biet isch mit 1 bis 2 Persone pro Quadratkilometer arg dinn bsidlet.
Dr erscht Europäer, wu d Mindig vum Fluss entdeckt het, isch dr Francis P. Blackwood anne 1842 gsii. Är het dr Fluss no syym Schiff, dr Korvette HMS Fly, gnännt.
1875 bis 1877 isch dr Fly uf mehrere biologische Expeditione vum Italiener Luigi Maria d'Albertis befahre wore. Mit dr Dampfbarkasse Neva isch er iber 900 km stromufezues in dr Oberlauf vum Fly un vum Ok Tedi chuu.
Dr Fly isch mit rund 110 Fischarte, wu jedi sibt Art dervu endemisch isch, zämme mit em Kikori dr arteryychscht Fluss vu Neiginea. Arte, wu bishär nume us em Fly Flusssyschtem bekannt sin:
|
|
 |
Dä Artikel basiert uff ere fräie Übersetzig vu dere Version vum Artikel „Fly“ vu de dütsche Wikipedia. E Liste vu de Autore un Versione isch do z finde. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
