e Gmeind im Wallis From Wikipedia, the free encyclopedia
Leis (fp. [lɛ̃];, offiziell uf Französisch Lens) isch e Munizipalgmeind im Kanton Wallis im Bezirk Siders.
| Leis | |
|---|---|
 | |
| Basisdate | |
| Staat: | Schwiiz |
| Kanton: | Wallis (VS) |
| Bezirk: | Siders |
| BFS-Nr.: | 6240 |
| Poschtleitzahl: | 1978 |
| Koordinate: | 600660 / 125491 |
| Höchi: | 1'128 m ü. M. |
| Flächi: | 13.9 km² |
| Iiwohner: | 4406 (31. Dezämber 2022)[1] |
| Website: | www.lens.ch |
 Chelin, i der Gmeind Leis | |
| Charte | |
 | |
Leis liit am nördleche Bärghang über em Rhonetal chly underhalb vo der Stadt Siders. S Dorf sälber stoot uf emene Bärgsaddel über em steile Bärg, wo undedra Wälder wachse. Im Räbpiet unde am Bärg ligge d Dörfli Flanthey (746 m ü. M.) und Chélin (771 m), wo zu Leis ghöre. Wyter obe isch d Feriesidlig vo Crans-sur-Sierre en Deil vo Leis; dört het das Dorf früener Alpweide und Meiesäss gha, bevor die im 20. Johrhundert mit Hotäl, Wohnhüser und Gwärbgebäu überbout worde sind. Die grosse Turischtestadt uf em Bärg isch hüt d Weschthelfti vo däm wyt ume bekannte Ferieort, wo der ander Berych uf em Gmeindpiet vo Crans-Montana liit.
Über de Maiesäss vo Crans goot s Gmeindpiet vo Leis imene schmale Streife zwüsche de Alpe vo Crans-Montana und der weschtleche Nochbergmeind Icogne uf di grossi Alp am Mont Lachaux und au no bis uf d Höchi vo Bella Lui ufe (bis 2'542 m ü. M. – churz vor em Hauptgipfel).
Lens ischt zum eerschtu Mal gnennt choo im Jaar 1177 als de Lenz. S Piet vo Leis, wo di alti Pfarrchile vom ganze Leiserbärg mit Chermignon, Icogne und Montana gsi isch, het sid em 13. Johrhundert em Bischof vo Sitte ghört. Ane 1851 het der Grossrot vom Kanton Wallis us däne Viertel am Leiserbärg en modärni Gmeind gmacht, aber scho ane 1905 händ sech Icogne, Chermignon und Montana dervo abgschpalte und sind eigeti Gmeinde worde.
Quella: Bundesamt für Statistik 2005[2]
| Jaar | 1850 | 1860 | 1870 | 1880 | 1888 | 1900 | 1910 | 1920 |
| Iwoner | 688 | 1963 | 2096 | 2173 | 2251 | 2504 | 1111 | 1252 |
| Jaar | 1930 | 1941 | 1950 | 1960 | 1970 | 1980 | 1990 | 2000 |
| Iwoner | 1382 | 1634 | 1660 | 1743 | 2052 | 2412 | 3059 | 3357 |
Dr Üsländeraateil ischt 2010 bi 29,6 % glägu.[3]
79,7 % vannu Iwonru sint im Jaar 2000 remisch-katholischi gsii, 5,6 % evangelisch-reformierti.[3]
Dr Ggmeindspresident va Lens ischt dr David Bagnoud (Stant Oktober 2017).
Bi dr Volchszellig 2000 heint vannu 3357 Iwonru 3,8 % Titsch als Höiptspraach aagigää, 85,7 % Franzeesisch, 3,3 % Talienisch und 7,2 % anneri Spraache.[3]
Dr tradizionäll Tialäkt va Lens gcheert zum Frankoprovenzalisch.
D Pfarrchile isch em heilige Petrus gweiht. Vom Chilebou, wo der berüemt Walliser Boumeischter Ulrich Ruffiner 1537 gmacht het, isch no der Gloggedurm mid em Chor dernäbe erhalte. S Chileschiff isch vo 1843.
Uf em Hügel Le Châtelard stoot sid 1935 die risigi, 15 Meter höchi Chrischtchönig-Statue.
Z Leis het zytewys der Schriftsteller Charles Ferdinand Ramuz (1878–1947) gläbt.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
