Lateraler Konsonant

Mit Lateral oder l-artigi Konsonante meint mer in de Phonetik e Artikulationsart, wo de Artikulationsstrom (also de Atem wo ussgstosse wird) aa de Syte vo de Zung usströömt. Es wird also mit de Mitte vo de Zung e Verschluss bildet, aber aa de Syte blybt e Öffnig wo d Luft cha usströöme. De Begriff chunt vum latiinische laterālis, wo „sytlich“ bedütet.

Artikulationsarte
Obstruente Plosive Frikativ Affrikat Sonorante Nasale Vokal Halbvokal Approximante Vibrante Taps un Flaps Liquida Laterale Rhotisch
Sekundärartikulation
Aspiration Labialisierig Palatalisierig Velarisierig Pharyngalisierig
Nüt-polmonischi Luut
Ejektive Ingressive Luut Klicks (Schnalzluut) Implosive

Zämme mit de r-artige Konsonante werde si in de Phonologi vilmol Liquida gnennt.

Im Alemannische gits numme ei Lateralluut, de alveolare laterale Approximant [l] wie in „Liebi“. Allophonisch chunt de Luut in bstimmti Dialäkt au velarisiert vor: [ɫ], vorallem in de Innerschwiiz. De velarisiert Lateral wird mangmool als „dunkels-l“ bezeichnet.

Nooch Artikulationsort unterscheidet mer die Lateral (die Uffzäälig isch nit vollständig):

IPA-Zeiche	artikulatorischi Beschrybig	Audiobyspil
[l]	de alveolari laterali Approximant
[ɭ]	de retroflexi laterali Approximant
[ʎ]	de palatali laterali Approximant
[ʟ]	de velari laterali Approximant
[ɫ]	de velarisierti alveolareri laterali Approximant
[ɬ]	de stimmlosi alveolari laterali Frikativ
[ɮ]	de stimmhafti alveolari laterali Frikativ
[ɺ]	de alveolari laterali Flap
[ǁ]	de laterali alveolari Schnalzluut