Hockenheim

Hockenheim (sidfränkisch Hoggene) isch e Stadt im Rhy-Necker-Chrais z Bade-Wirttebärg. D Stadt het 21.745 Iiwohner (Stand: 31. Dezember 2022). Si ghert zue dr Metropolregion Rhy-Necker. Me chännt d Stadt international dur d Motorsport-Rännstrecki Hockenheimring.

Wappe	Dütschlandcharte
	49.3180555555568.5472222222222102
Basisdate
Bundesland:	Bade-Württebärg
Regierigsbezirk:	Charlsrue
Chreis:	Rhy-Necker-Chrais
Höchi:	102 m ü. NHN
Flächi:	34,8 km²
Iiwohner:	21.745 (31. Dez. 2022)[1]
Bevölkerigsdichti:	624 Iiwohner je km²
Poschtleitzahl:	68766
Vorwahl:	06205
Kfz-Chennzeiche:	HD
Gmeischlüssel:	08 2 26 032
Adress vo dr Gmeiverwaltig:	Rathausstraße 1 68766 Hockenheim
Webpräsenz:	www.hockenheim.de
Oberburgermeischter:	Marcus Zeitler (CDU)
Lag vo vo dr Gmei Hockenheim im Rhy-Necker-Chrais
Karte

Geografi

Hockenheim lyt am Kraichbach in dr Oberrhynische Diefebeni. Dr Baan goot vu dr Rhyyaue im Weschte bis uf d Niderrteraase im Oschte un bstoht us 46 % Landwirtschaftsflechi, 22 % Wald, 28,8 % Sidligsflechi un 3,2 % sunschtiger Flechi.^[2] Dr Hockenheimer Rhyyboge goht iber d Bään vu Ketsch, Hockenheim un Altlußheim un umfasst 30 Dailbiet mit insgsamt 656 Hektar, wu unter Naturschutz stehn.

Nochbergmaine vu Hockenheim sin Ketsch, Schwetzingen, Oftersheim, Leimen (nume d Exklave weschtli vu Sandhausen), Reilingen, Neulußheim un Altlußheim. Im Weschte bildet dr Rhyy d Gränze zue dr Stadt Speyer un dr Ortsgmai Otterstadt z Rhyyland-Bfalz.

Gmaigliderig

Zue Hockenheim ghere di glychnamig Stadt, d Ortschafte Bahnstation Talhaus un Wasserwerk, s Gheft Insultheimerhof un d Wohnblätz „Herrenteich, Ziegelei“ un „Ketschau, Ziegelei“. Uf em Baan lyt d Wieschtig Westeheim.^[3]

Gschicht

Hockenheim isch zum erschte Mol anne 769 im Lorscher Codex as Ochinheim gnännt wore.^[4] S Ort het zäme mit Reilingen zum Herrschaftsbezirk vu dr Burg Wersau ghert. Im 11. Jorhundert sin d Burg un d Ort an Bischof vu Speyer chuu, wu fir d Verwaltig e Minischterialegschlächt yygsetzt het. D Schenken vu Wersau hän s Lääche an d Bfalzgrofe bi Rhyy vercahuft, was 1286 dur dr Speyerer Bischof Friedrich vu Bolanden bstetigt woren isch. D Bfalzgrofe hän d Herrschaft an verschideni Adelsfamilie verbfändet. Bi dr bfälzische Landesdailig 1410 isch Hockenheim an Bfalz-Mosbach chuu un speter an Bfalz-Veldenz. Anne 1460 het dr Speyerer Bischof s Bfand nomol yyglset, het s aber zwai Johr speter Hockenheim an d Kurbflaz mieße abdrätte. Dert het s Ort zue dr Kirchheimer Zent ghert.

Wu d Kurbfalz anne 1803 im Rame vum Rychsdeputationshauptschluss säkularisiert woren isch, isch Hockenheim an s Kurfirschtedum Bade chuu, ab 1806 an s Großherzogtum Bade. Im Badische het Hockenheim zum Amt Schwetzingen ghert. Anne 1924 isch s Bezirksamt Schwetzingen em Bezirksamt Mannheim aagschlosse wore, wu 1939 dr Landchrais Mannheim drus woren isch.

Im Rame vu dr bade-wirttebärgische Chraisreform isch 1973 dr Landchrais Mannheim ufglest wore un Hockenheim isch zum neie Rhy-Necker-Chrais chuu.

Yywohnerentwicklig

Johr Yywohnerzahle 1786[5] 1.088 1809[5] 1.389 1825[5] 1.724 1839[5] 2.560 1849[5] 3.102 1858[5] 3.217 1. Dezämber 1871[6] 3.753 1875[5] 4.176 1. Dezämber 1880[7] 4.400 1. Dezämber 1890[7] 4.966 1. Dezämber 1900[7] 5.795 1. Dezämber 1910[7] 7.094 16. Juni 1925[7] 8.751 16. Juni 1933[7] 9.662 17. Mai 1939[7] 10.000

Johr Yywohnerzahle Dezämber 1945[7] 9.899 13. Septämber 1950[7] 12.183 6. Juni 1961[7] 13.213 31. Dezämber 1968[6] 15.017 27. Mai 1970[7] 15.542 31. Dezämber 1975[6] 16.890 31. Dezämber 1980[6] 15.997 25. Mai 1987[7] 16.112 31. Dezämber 1990[6] 17.015 31. Dezämber 1995[6] 18.774 31. Dezämber 2000[6] 20.155 31. Dezämber 2005[6] 20.787 31. Dezämber 2010[6] 21.118 31. Dezämber 2015[6] 21.130 31. Dezämber 2020 21.539

Verwaltig

Mit Altlußheim, Neulußheim un Reilingen het Hockenheim e Verwaltigsgmainschaft veryybart. Syt em 1. Jänner 2001 isch Hockenheim ee Großi Chraisstadt.

Dr Oberburgermaischter isch dr Marcus Zeitler.

Schultusse, Vegt, Burgermaischter un Oberburgermaischter vu Hockenheim:

Schultusse 1444: Hans Rußheimer 1467: Jost Legelin 1480 und 1494: Hans Henlein 1561: Bastian Enders 1593: Nicklaß Würth 1610: Georg Conrad Wolbert 1613: Hans Georg Sparr 1682: Johann Georg Remiß 1700: Johannes Gesell 1706: Johannes Mentzel 1711–1742: Johann Georg Engelhorn 1742–1745: Christoph Kutscher 1745–1753: Johann Hermann Schröder 1755: Johann Peter Schrank bis 1762: Philip Emsberger 1762–1774: Arnold Weber 1774–1797: Heinrich Seyler 1797–1815: Isaac Hoffmann (ab 1810 Vogt)

Burgermaischter/Oberburgermaischter 1815–1832: Johann Sigismund Piazolo (ab 1832 Burgermaischter) 1832–1837: Martin Seßler 1837–1844: Kammer 1844–1849: Kosel 1849–1854: Georg Philipp Schrank 1854–1857: Philipp David Schwab 1857–1865: Jakob Neuberger 1866–1869: Bernhard Eisinger 1869–1883: Georg Kammer 1883–1904: Ludwig Zahn 1904–1919: Martin Schütz 1919–1922: Max Lang 1923–1927: Wilhelm Rinklef 1928–1933: Philipp Klein 1933–1945: Arthur Neuschäfer 1945: Ludwig Grein (kommissarisch) 1945: Friedrich Speckert (kommissarisch) 1945–1958: Franz Hund (bis 1948 kommissarisch) 1958–1978: Kurt Buchter 1978–2004: Gustav Schrank (ab 2001 Oberburgermaischter) 2004–2019: Dieter Gummer (SPD) syt 2019: Marcus Zeitler (CDU)

Partnergmaine:

• Frankreich Commercy, Frankrych, syt 1970
• Deutschland Hohenstein-Ernstthal in Sachsen, syt 1990
• Vereinigte Staaten Mooresville, North Carolina, USA, syt 2002

Kultur un Böuwärch

• Evangelischi Stadtchilche (1905-1907)
• Alti Evangelischi Chilche, hite Lutherhuus (1757)
• Katholischi Chilche St. Georg (1911, Jugendstil)
• Alti Katholischi Chilche St. Christophorus (Chordurm vu 1490, Klassizistische Saalböu 1817–1819, hite Gmaindshuus)
• Evangelisch-methodistischi Christus-Chilche (1958/1959)
• Neuapostolischi Chilche (2002)
• Wasserdurm (1910, Jugendstil)
• Gaschthuus zum Güldene Engel (Fachwärchuus vu 1690)
• Alte Jidische Fridhof

• 
  Evangelischi Chilche
• 
  St. Georg
• 
  St. Christophorus
• 
  Lutherhuus
• 
  Rothuus
• 
  Güldene Engel
• 
  Alte Jidische Fridhof
• 
  Hockenheimring

Dialäkt

Dr Dialäkt vu Hockenheim ghert zum Sidfränkisch.

Literatur

• Ernst Brauch: Das Hockenheimer Heimatbuch: Aus zwölf Jahrhunderten Geschichte Hockenheims. Selbstverlag des Verfassers, Hockenheim 1933.
• Ernst Brauch: Hockenheim – Stadt im Auf- und Umbruch. Selbstverlag des Verfassers, Hockenheim 1965.
• Kurt Buchter: Hockenheim in Raum und Zeit – Tiefere Einsichten eines Kommunalpolitikers. K.F. Schimper-Verlag, Schwetzingen 1995, ISBN 3-87742-096-6
• Kurt Buchter: Der Raum Hockenheim an der Jahrtausendwende – Geschichte und Geschichten – Menschen und Mundart. LABAN Kunst-Buch-Editionen, 2000, ISBN 3-934644-02-3
• Franz A. Bankuti: Hockenheim – Eine Stadt zeigt Profil. K.F. Schimper-Verlag, Schwetzingen 1991, ISBN 3-87742-061-3
• Otmar A. Geiger: Hoggemer Geschichte(n) – Ein Beitrag zur Heimatgeschichte. Selbstverlag des Verfassers, Hockenheim 1987.
• Otmar A. Geiger: Liebes altes Hockenheim – Eine Bilderreise in vergangene Zeiten – Von 1890 bis 1945. Diesbach Medien, Weinheim 2003, ISBN 3-936468-16-8
• Wilhelm Kayser: Hoggene – die Hauptstadt vun de Welt. Druckerei Kruse, Philippsburg.
• Stadtverwaltung Hockenheim (Hrsg.): Hockenheim – Stadt zwischen gestern und morgen – Dokumentation der Stadt Hockenheim anläßlich ihres 1200jährigen Bestehens. Schwetzinger Verlagsdruckerei und Druckerei Paul Weinmann, Schwetzingen/Hockenheim 1969.
• Arbeitskreis Jüdische Geschichte (Hrsg.): Jüdisches Leben in Hockenheim – Ein Teil unserer Stadtgeschichte. Druckerei Vetter, Hockenheim 1998.
• Verkehrsverein Hockenheim (Hrsg.): Hockenheim in alten Ansichten. Europäische Bibliothek, Zaltbommel (Niederlande) 1982, ISBN 90-288-2045-0.
• Verkehrsverein Hockenheim (Hrsg.): Hockenheim. Weinmann GmbH, Hockenheim 1983.
• Gustav Schrank: Meines Lebens Kreise – Erinnerungen. Eigenverlag des Verfassers, Hockenheim 2011, ISBN 978-3-00-036627-7 .
• Hans Huth: Die Kunstdenkmäler des Landkreises Mannheim: Ohne Stadt Schwetzingen. München 1967.
• Staatl. Archivverwaltung Baden-Württemberg in Verbindung mit d. Städten u.d. Landkreisen Heidelberg u. Mannheim (Hrsg.): Die Stadt- und die Landkreise Heidelberg und Mannheim: Amtliche Kreisbeschreibung.
  • Bd. 1: Allgemeiner Teil. Karlsruhe 1966.
  • Bd. 3: Die Stadt Mannheim und die Gemeinden des Landkreises Mannheim. Karlsruhe 1970.
• Alfred Rupp: Hockenheim : in unvergessenen Bildern. Sutton, Erfurt 2009, ISBN 978-3-86680-488-3

Weblink

 Commons: Hockenheim – Sammlig vo Multimediadateie

• Websytde vu Hockenheim
• Hockenheim uf LEO-BW
• Hockenheim Altgemeinde uf LEO-BW