Altlußheim

Altlußheim (sidfränkisch Altlosse) isch e Gmai im Rhy-Necker-Chrais z Bade-Wirttebärg. D Gmai het 6315 Iiwohner (Stand: 31. Dezember 2022). Si ghert zue dr Metropolregion Rhy-Necker.

Wappe	Dütschlandcharte
	49.2997222222228.5103
Basisdate
Bundesland:	Bade-Württebärg
Regierigsbezirk:	Charlsrue
Chreis:	Rhy-Necker-Chrais
Höchi:	103 m ü. NHN
Flächi:	16 km²
Iiwohner:	6315 (31. Dez. 2022)[1]
Bevölkerigsdichti:	396 Iiwohner je km²
Poschtleitzahle:	68800–68804
Vorwahl:	06205
Kfz-Chennzeiche:	HD
Gmeischlüssel:	08 2 26 003
Adress vo dr Gmeiverwaltig:	Rathausplatz 1 68804 Altlußheim
Webpräsenz:	www.altlussheim.de
Burgermeischter:	Uwe Grempels
Lag vo vo dr Gmei Altlußheim im Rhy-Necker-Chrais
Karte

Geografi

Altlußheim lyt am rächte Stade vum Rhy uf dr Niiderterrasse. Iber dr Baan goht dr Kriegbach, wu in Rhy mindet. Dr Baan bstoht us 45,6 % Landwirtschaftsflechi, 25,2 % Wald, 17,1 % Sidligsflechi un 12,1 % sunschtiger Flechi.^[2]

Nochbergmaine vu Altlußheim sin Neulußheim im Weschte, Reilingen im Oschte un Oberhausen-Rheinhausen im Side.

Gmaigliderig

Zue Altlußheim ghere s glychnamig Dorf, s Gheft Lußhof un d Wohnblätz An der St. Leonerstraße, An der Waghäuselerstraße, Gemeindewald un Rheintalbahn.^[3]

Gschicht

Altlußheim isch zum erschte Mol gnännt wore anne 946 as Luzheim, in ere Urkund, wu dr rhyfränkisch Herzog Konrad s Ort an Bischof Reginald I. vu Speyer gschänkt het.^[4] Dr Bischof Günther het Lußheim 1148 em neigrindete Zischterziänserchlooschter Maulbronn gschänkt.^[5] S Chlooschter Maulbronn het d Rächt uusgiebt un dr groß Zehnt iiberchuu, dr Aaspruch iber Schirmherrschaft iber s Ort het 1156 dr Chaiser Barbarossa gstellt,^[6] in dr Zyt vum Interregnum isch d Herrschaft wahrschyns wider an s Hochstift Speyer ibergange.

Im 14. Jorhundert isch s Chlooschter unter d Herrschaft vu dr Kurpfalz chuu, in dr Zyt druf het s Spannige un schließli Chrieg zwische Wirttebärg un dr Kurpflaz gee, noch em Siig vu Wirttebärg 1504 isch s Chlooschter Maulbronn un doodermit au Lußheim an Wirttebärg chuu.

Anne 1806 isch Lußheim dur dr Vertrag zwische Bade un Wirttebärg em Großherzogtum Bade zuegsproche wore.

Bis 1924 het d Gmai zum Amt Schwetzinge ghert, derno isch si zum Amtsbezirk Mannheim chuu, wu speter dr [[Landkreis Mannheim|Landchrais Mannem drus woren isch. Im Rame vu dr bade-wirttebärgische Chraisreform isch 1973 dr Landchrais Mannem ufglest wore un d Altlußheim isch zum neie Rhy-Necker-Chrais chuu.

Yywohnerentwicklig

Johr	1598	1777	1834	1875	1905	1939	1961	1967	1970	1991	1995	2000	2005	2010	2015	2020
Yywohner[7]	390	492	868	1340	2079	2611	4151	4641	4764	5297	5346	5092	5317	5239	5708	6202

Religion

Altlußheim isch draditionäll evangelisch bregt, noch em Zweete Wältchrieg isch dr Aadail vu dr Katholike nodisno aagstige.

Verwaltig

Altlußheim het e Verwaltigsgmainschaft veryybart mit dr Stadt Hockene un dr Gmaine Neulußheim ùn Reilingen

Burgermaischter

• Hartmut Beck: 2002 bis 2018
• Uwe Grempels: syt 2018

Kultur un Böuwärch

• Evangelischi St.-Nikolaus-Chilche (18. Jh.)
• Museum Autovision
• Schnuteputzers Friseurmuseum

• 
  Evangelischi Chilche
• 
  Altarruum
• 
  Orgele
• 
  Rhy bi Altlußheim
• 
  NSU-Oldtimer im Museum Autovision

Dialäkt

Dr Dialäkt vu Altlußheim ghert zum Sidfränkisch.

Literatur

• Staatl. Archivverwaltung Baden-Württemberg in Verbindung mit d. Städten u.d. Landkreisen Heidelberg u. Mannheim (Hrsg.): Die Stadt- und die Landkreise Heidelberg und Mannheim: Amtliche Kreisbeschreibung.
  • Band 1: Allgemeiner Teil. Karlsruhe 1966.
  • Band 3: Die Stadt Mannheim und die Gemeinden des Landkreises Mannheim. Karlsruhe 1970.
• Wolfgang Ockert: Ortssippenbuch Altlußheim. 1584–1920. Hrsg.: Gemeinde Altlußheim (= Badische Ortssippenbücher. Band 100). Verlag Regionalkultur, Ubstadt-Weiher 2002, ISBN 3-89735-218-4.
• Wilfried Schweinfurth: 1806–2006. Altlußheim – 200 Jahre badisch. Historische Dokumentation der Gemeinde im Jahr 1806. Hrsg.: Gemeinde Altlußheim. Verlag Regionalkultur, Ubstadt-Weiher 2006, ISBN 3-89735-480-2.

Weblink

 Commons: Altlußheim – Sammlig vo Multimediadateie

• Websyte vu Altlußheim
• Altlußheim uf LEO-BW

Fueßnote

1. Statistisches Landesamt Baden-Württemberg – Bevölkerung nach Nationalität und Geschlecht am 31. Dezember 2022 (CSV-Datei).
2. Statistisches Bundesamt: Bodenfläche nach Art der tatsächlichen Nutzung - Stichtag 31.12. - regionale Tiefe: Gemeinden, Samt-/Verbandsgemeinden (bis 2011)
3. Das Land Baden-Württemberg. Amtliche Beschreibung nach Kreisen und Gemeinden. Band V: Regierungsbezirk Karlsruhe. Kohlhammer, Stuttgart 1976, ISBN 3-17-002542-2, S. 371.
4. Urkunde über die Schenkung. In: Urkundenbuch zur Geschichte der Bischöfe zu Speyer. 1852, abgruefen am 10. September 2020.
5. Urkunde über die Schenkung. In: Wirtembergisches Urkundenbuch. Königliches Staatsarchiv, 1858, abgruefen am 10. September 2020.
6. Urkunde im Stiftsarchiv St. Paul, St. Blasien. In: Stiftsarchiv St. Paul, St. Blasien. 1156, abgruefen am 10. September 2020.
7. Kreisbeschreibung Band 3, S. 423: Ohni Neulußheim, wu bis 1818 zur Gmai ghert het.

Stedt un Gmaine im Rhy-Necker-Krais Altlußheim | Angelbachtal | Bammental | Brühl | Dielheim | Dossenheim | Eberbach | Edingen-Neckarhausen | Epfenbach | Eppelheim | Eschelbronn | Gaiberg | Heddesbach | Heddesheim | Heiligkreuzsteinach | Helmstadt-Bargen | Hemsbach | Hirschberg an der Bergstraße | Hockenheim | Ilvesheim | Ketsch | Ladenburg | Laudenbach | Leimen | Lobbach | Malsch | Mauer | Meckesheim | Mühlhausen | Neckarbischofsheim | Neckargemünd | Neidenstein | Neulußheim | Nußloch | Oftersheim | Plankstadt | Rauenberg | Reichartshausen | Reilingen | Sandhausen | Schönau | Schönbrunn | Schriesheim | Schwetzingen | Sinsheim | Spechbach | St. Leon-Rot | Waibstadt | Walldorf | Weinheim | Wiesenbach | Wiesloch | Wilhelmsfeld | Zuzenhausen

Normdate: GND: 4361393-7 | LCCN: n92021379 | VIAF: 123294313