Dr Goldigi Bund vom 5. Oktober 1586 isch e konfessionells Bündnis vo dr siibe katholische Ort vo dr Alten Eidgenosseschaft gsi: Luzärn, Uri, Schwyz, Underwalde, Zug, Freiburg und Soledurn. Si Name het er vo de goldige Afangsbuechstabe vom Vertrag. D Bündnispartner hai sich versproche, bim alte Glaube z bliibe, und hai sich gegesiitigi Hilf bi Gfohr versproche. Si hai sich au verpflichtet, e möglige Abfall vom ene Vertragspartner vom katholische Glaube z verhindere. Churz druf hai die katholischen Ort am 12. Mai 1587 au no en Allianz mit Spanie gschlosse.
Dr Bund het d Vormachtstellig in dr Eidgenosseschaft vo de katholischen Ort, wo si militärisch 1531 im Zweite Kappelerchrieg erkämpft hai, undermuurt.
Noch dr Ufnahm vo Appezäll Innerrhode und em katholische Deil vo Glarus in dr Goldig Bund isch dr Carlo Borromeo, wo as päpstlige Visitator vo dr Schwiiz dört d Gegereformation agfüehrt het, zum Patron vom Bund erklärt und dr Bund au dr Borromäisch Bund gnennt worde.
- Handbuch der Schweizer Geschichte. Band 1. Verlag Berichthaus, Zürich 1972, ISBN 3-85572-002-9, S.604
- Rudolf Bolzern: Goldener Bund. In: Historisches Lexikon vo dr Schwiiz.
 |
Dä Artikel basiert uff ere fräie Übersetzig vu dere Version vum Artikel „Goldener_Bund“ vu de dütsche Wikipedia. E Liste vu de Autore un Versione isch do z finde. |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
