From Wikipedia, the free encyclopedia
Buus (hochdytsch glichlutend) isch e politischi Gmeind im Bezirk Sissech vom Kanton Basel-Landschaft in dr Schwiiz.
| Buus | |
|---|---|
 | |
| Basisdate | |
| Staat: | Schwiiz |
| Kanton: | Basel-Landschaft (BL) |
| Bezirk: | Sissach |
| BFS-Nr.: | 2844 |
| Poschtleitzahl: | 4463 |
| Koordinate: | 632094 / 261716 |
| Höchi: | 445 m ü. M. |
| Flächi: | 8.85 km² |
| Iiwohner: | 1116 (31. Dezämber 2022)[1] |
| Website: | www.buus.ch |
 Buus | |
| Charte | |
 | |
| Dialäkt: Baseldytsch |
Buus isch mit sine knapp nün Quadratkilometer Flechi die drittgreschti Gmeind im Bezirk Sissech. Sii liggt uff 445 m ü. M. ganz im Oschte vom Kanton im ene Sitetal vom Fricktal zoberscht im ene Talbode, wo mehreri anderi glaini Täli münde. Vom übrige Baselbiet - usser Maisprch isch Buus durch Hügelzüg trennt. Witeri Nochbergmeinde näbe Maisprch sin Wintersinge, Rickebach, Ormalinge, Hemmike und die aargauische Gmeinde Zeinige und Zuzge.
S Wappe vo 1945 zeigt e rote Räbstäcke mit eme Wyystock mit blaue Trübel uff eme schwarze Bode vor wyssem Hintergrund. S Wappe stoot fyr dr bys hyt kultivierti Räbbau, wo vor allem Glaiproduzänte uff enere Flechi vo total 8 Hektare betriibe düen.
Archäologischi Fünd hän zeigt, dass d Gegend um Buus bereits zer Bronzezyt bsidlet gsi isch. Me nimmt a, dass dr Ort im Mittelalter zem Kloschter Beromünster ghört hett und denn iber d Grafe vo Länzburg, dene vo dr Frohburg, vo Habsburg-Laufeburg schliesslig a d Thiersteiner ibergange isch. 1461 isch Buus a d Stadt Basel verkauft worde und iber 300 Joor vo de Basler Landvögt regiert worde.
Vom ursprynglige Name vo Buus, "Bus", leitet sich dr Familiename Buser ab. Dr Name Bus isch allerdings nid z dytte.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
