es Dorf und en ehmolegi Gmeind im Kanton Neueburg From Wikipedia, the free encyclopedia
Boveresse isch es Dorf vo der Gmeind Val-de-Travers im Kanton Nöieburg.
Früener isch es en eigeni Gmeind gsi; ufe 1. Jänner 2009 het sech Boveresse mit Buttes, Couvet, Fleurier, Les Bayards, Môtiers, Noiraigue, Saint-Sulpice und Travers zämetoo und mit dene die nöi Gmeind Val-de-Travers pildet.
S Dorf mit öppe vierhundert Ywooner lyt im Tal Val de Travers im Nöieburger Jura. Es stoot uf der Nordsyte vom Fluss Areuse. Im alte Gmeindbann sind näbem Dorf au ufem flache Bärg Mont de Boveresse vierhundert Meter wyter obe es bar Puurehöör und Alpbetriib. Eine vo de Hügel ufem Bärg heisst Crêt des Allemands, das heisst uf düütsch «Bärg vo de Düütsche».
S Dorf isch anne 1266 s erschte Mol in ere Urkunde erwäänt. D Nameforscher erkläre, der Ortsname chömm vom middellatynische Wort “boveretum”, wo so vil wie «Chueweid» bedüütet, wi me chan nocheläse bim Wälschschwiizer Mundartwörterbuech, em GPSR, vo der Uni Nöieburg.[1]
Boveresse isch eini vo de Nöieburger Gmeinde gsi, wo im zwänzigschte Johrhundert bsunders vil Absinth gmacht worden isch.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
