From Wikipedia, the free encyclopedia
Fontaines (frankoprovenzalisch [a fɔ̃ˈtɑ̃na / a fɔ̃ˈtaːn]) isch es Dorf im Kanton Nöueburg.
| S NE im Lemma isch s offiziell Chürzel vom Kanton Nöueburg und wird bruucht, zum Verwächslige mit Yträäg vom Name Fontaines vermyde, wo öppis anders meined. |
| Fontaines | |
|---|---|
 | |
| Basisdatä | |
| Staat: | Schwiiz |
| Kanton: | Nöieburg (NE) |
| Bezirk: | |
| Gmeind | Val-de-Ruz |
| PLZ | 2046 |
| Koordinate: | 559175 / 210674 |
| Höchi: | 768 m ü. M. |
| Flächi: | 10,14 km² |
| Iiwohner: | 1111 (31. Dezämber 2012)[1] |
| Charte | |
| BEMERKUNG_KARTE= | |
Es ghört zu der Gmeind Val-de-Ruz.
D Gmeind Fontaines het s glychnamig Dorf im Dal un zwoo Exklaven in dr Bärg (Pass La Vue-des-Alpes, 1283 Meter über Meer), unter anderem e Dail vum Wyler Les Loges (1'240 m ü. M.) umfasst. S Dorf lyt underhalb vo der Ortschaft Cernier.
Dr Bann het 63,1 Prozänt landwirtschaftligi Flechi, 29 Prozänt Wald und acht Prozänt Sidligsflechi umfasst.
D Nochbergmaine vu Fontaines sin gsi: Boudevilliers, Les Hauts-Geneveys, Fontainemelon, Cernier, Engollon, Fenin-Vilars-Saules, Valangin un La Chaux-de-Fonds im Kanton Nöueburg un Renan im Kanton Bärn.
Fontaines isch zum erschte Mol gnännt wore anne 1228 as Fontanes.
Syt 1648 isch Nöueburg Firschtetum un ab 1707 dur Personalunion mit em Chenigrych Preuße verbunde gsii. Anne 1806 isch s Biet an Frankrych unter em Napoleon I. abdrätte wore. Im Zug vum Wiener Kongress isch s anne 1815 an d Schwyz chuu, doderby sin d Chenig vu Preuße aber bis zum Nöueburgerhandel 1857 au Firschte vu Nöueburg blibe.
D Gmeind Fontaines het zum 1. Jänner 2013 mit dr Gmaine Boudevilliers, Cernier, Chézard-Saint-Martin, Coffrane, Dombresson, Engollon, Fenin-Vilars-Saules, Fontainemelon, Les Geneveys-sur-Coffrane, Les Hauts-Geneveys, Montmollin, Le Pâquier, Savagnier un Villiers zue dr neie Gmai Val-de-Ruz fusioniert.
Quälle: Bundesamt für Statistik 2005[2]
| Johr | 1850 | 1860 | 1870 | 1880 | 1888 | 1900 | 1910 | 1920 |
| Yywohner | 435 | 523 | 572 | 601 | 640 | 634 | 543 | 569 |
| Johr | 1930 | 1941 | 1950 | 1960 | 1970 | 1980 | 1990 | 2000 |
| Yywohner | 484 | 373 | 403 | 477 | 562 | 562 | 732 | 912 |
Dr Uusländeraadail isch 2010 bi 0,8 % gläge.
71,8 Prozänt vo dr Yywooner sin evangelisch-reformiert, 9 % sin römisch-katholisch (Stand 2000).
Bi dr Nationalrootswahle 2011 het s des Ergebnis gee: BDP 0,5 %, CVP 3,0 %, FDP 44,9 %, Grüeni 5,6 %, PdA 1,3 %, SP 13,5 %, SVP 26,9 %.
Fontaines isch tradizionell es Puredorf gsi. Hüt het’s au es baar Uhreatelier und uf em Bärg läbt der Turismus.
Bi dr Volkszellig 2000 hän vu dr 912 Yywohner 99,2 % Franzesisch as Hauptsproch aagee un 0,8 % Dytsch.
Dr alt frankoprovenzalisch Patois isch wahrschyns Ändi 19./Aafangs 20. Jh. uusgstorbe. Ergebnis us dr Volkszellige vu 1990 un 2000, wu zum Dail Lyt Patois as Sproch aagchryzlet hän, gälte in dr Sprochwisseschaft as Artefakt un hän ihre Ursprung ender in statistische Fähler oder ass d Lyt unter „Patois“ ihr Regionalfranzesisch verstehn.[3][4]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
