Schweizer Politiker (SP) und Bundesrat seit dem 13. Dezember 2023 From Wikipedia, the free encyclopedia
Dr Beat Jans (* 12. Juli 1964) isch en Umwältwisseschaftler und en Politiker vo de Sozialdemokratische Partei (SP). Er isch zur Zyt dr Präsident vom Basler Regierigsroot und het vorher im Basler Groossrot und Nazionalroot politisiert.[1][2] Im September 2023 het er bekannt gäh, dass er als Noochfolger vom Alain Berset für e Bundesroot kandidiert[3][4][5] und im Dezämber 2023 isch er zum Bundesroot gwählt worde.[6]
.jpg)
Dr Beat Jans isch am 12. Juli 1964 in Basel als Sohn vom Anton Jans und dr Maria Jans (geb. Ober) uf d Wält cho. Ufgwachse isch er in Riehe. Sy Muetter isch nach em Zwäite Weltkrieg von Dütschland in d'Schwiz iigwandere.[7]
Sini Lehr als Puur het er im Joor 1985 abgschlosse. Drno het er e Wiiterbildig zum Agrotechniker am Technikum für Tropischi Landwirtschaft gmacht wo er im Joor 1987 abgschlosse het. Dr Abschluss als Umwältnatuurwisseschaftler vo dr ETH in Züri het er im 1994 beko.[8]
Dr Beat Jans het e Stell bi dr Helvetas aaträtte, wo är zwüsche 1987 und 1989 in Entwiggligsprojäkt in Paraguay und Haiti tätig gsi isch.[8] Vo 2000 bis 2010 isch er uff verschidene Positione bi dr Pro Natura tätig gsi, unter anderem als es Mitglied vo dr Gschäftsleitig.[8] Bi dr Pro Natura isch er anne 2010 denn zruggträte wo er sis Amt als Nationaalrot aarträte het.[9] Zwüsche 2010 und 2014 isch er bi dr ecos fürs Ressort Natur zueständig gsi.[8]
Dr Beat Jans isch dr SP anne 1998 biiträte und dr SP in Basel-Stadt zwüsche 2000 und 2005 au als Präsident voorgstande.[8] Syt em 2001 isch er für d'SP im Basler Groosse Root gsässe.[8] Nochdäm er im 2010 für de Paul Rechsteiner in Nazionalroot noochegruggt isch,[10] isch er aber no im Basler Groossroot bliibe[9] und erscht im 2011 zruggträte.[11] Im Nazionalroot isch er im 2011[12], 2015[13] und 2019[14] jewiils widrgwählt worde. Nochdäm klar worde isch dass d'Anita Fetz nümmi wot als Ständeröötin aaträtte,[15] het er kurz als ihre Noochfolger kandidiert, denn aber sinere Parteikollegin Eva Herzog dr Vortritt glo, demit d'SP mit ere Frau im Ständeroot ka vertrete syy.[16]
Im Dezämber 2015 isch er als Noochfolger vo de Jaqueline Fehr zum Vize-Präsidänt vo dr SP gwählt worde.[17] Vo däm Amt isch er im 2020 zruggträtte.[18]
Am 25 October 2020 isch er in dr Basler Regierigsrot gwählt worde,[19] und im November zu sim Presidänt.[20] D' Sarah Wyss isch für ihn in dr Nazionalroot noochegruggt.[21] Im Septämber 2023 het er bekannt gäh dass er für d'Noochfolg vom zruggträtende Bundesroot Alain Berset möcht kandidiere und[5] am 25 Novämber sind dr Beat Jans und dr Bündner Jon Pult beidi als die offizielle Kandidate vo dr SP bekanntgäh worde.[22] Am 13. Dezämber isch der Beat Jans im dritte Wahlgang zum Bundesroot gwählt worde.[6]
Dr Beat Jans isch sit em Juni 2004 mit dr Amerikanere Tracy Renee Glass g'hürote. [23] Sy hän zwei Töchtere.[23][24]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
