D Basler Verkehrs-Betriib (BVB) betriibe die lokale öffentliche Verkehrsmittel im Kanton Basel-Stadt (Tram und Bus). Si sin Mitgliid im Tarifverbund Nordwestschweiz (TNW). Am Tarifverbund sin au BLT, SBB, d Postauto, d Waldeburgerbahn und d Autobus AG Lieschtel.[1]
| Basler Verkehrs-Betriebe | |
|---|---|
 | |
| Basisinformatione | |
| Sitz vom Undernähme | Basel |
| Webpräsenz | http://www.bvb.ch |
| Umsatz | 103,11 Mio. CHF |
| Linie | |
| Tram | 8 |
| Bus | 12 |
| Sustige Linie | 1 Trolleybuslinie (bis 2008) |
| Zahl vo de Fahrzüüg | |
| Tram | 129+83 Ahänger |
| Sustigi Fahrzüüg | 71 Autobus 10 Oldtimerdrämli 10 Oldtimerdrämliahänger 1 Oldtimerbus 1 Oldtimertrolleybus 8 Trolleybus (bis 2008) |
| Statistik | |
| Fahrgest | Drämli 88,88 Mio. pro Johr Obus 6,80 Mio. pro Johr Bus 22,82 Mio. pro Johr |
| Fahrleistig | Drämli 12,04 Mio. km pro Johr Obus 0,48 Mio. km pro Johr Bus 3,75 Mio. km pro Johr |
| Haltstelle | 197 |
| Dialäkt: Baseldütsch |
Gschicht
- 1874 Erschts Projäkt für e "Rösslitram" z Basel.
- 11. Juli 1881: Eröffnig vom Tramomnibus. (Das isch e Stroossefuehrwärk gsi, wo vo Ross zoge worden isch.)
- 6. Mai 1895: Eröffnig vo de elektrische «Basler Strassenbahnen» (BStB), em erschte Tram in dr Schwiz, wo von ere staatliche Behörde betriibe worden isch. Die erschti Linie fiehrt vom Centralbahnhof übr die Mittleri Brugg bis zum alte Badische Bahnhof am Riechering (bim hüttige Mässgländ).
- 1897 Birsfälde bechunnt als erschti Vorortsgmeind e Tramverbindig mit dr Stadt.
- 1900 D Basler Tram fahre über d Landesgränze mit ere Linie nach Saint-Louis (Frankriich).
- 1905 Dr Streik vo de Trämmler, im Aaschluss dra kunnt dr Zämmeschluss vo de verschiidene Personalverein zum «Centralverein der Basler Strassenbahn-Angestellten » (dä Verein goht spöter im VPOD uf).
- 1914 Usbruch vom Erste Wältkrieg. Die gränzüberschriitende Tramlinie wärde bis am 30.9.1915 igschtellt.
- 1930 Die erschte zwei Autobuslinie wärde im Betriib übergä: (Kleihüünige–)Claraplatz–Hörnli und (Claraplatz–)Burgstrooss–Bettige.
- 1934 Mit dr Eröffnig vo dr Linie St. Johann Bahnhof– Dreirosebrugg–Muschtrmäss isch dr Tramnetzusbau abgschlosse.
- 1939 Usbruch vom Zweite Wältkrieg. Mehreri Abschnitt vom Tramnetz und ei Autobuslinie wärde stillglegt. Widrinbetriibnahm: 1946/47. In de Kriegsjoohr beschäftigt d BStB erstmols Fraue als Billeteuse.
- 1941 Wäge Brennstoffmangel wird d Autobuslinie Claraplatz–Hörnli uf Trolleybusbetriib umgstellt. Basel griegt mit däm sini erschti (und bis 1956 einzigi) Trolleybuslinie.
- 1946 E neus Organisationsgsetz bringt e umfassendi Reorganisation vom Untrnähme. Dr Grossi Root und dr neu geschaffeni Verwaltigsroot erhalte umfassendi Kompetänze. S Unternähme bekunnt dr neui Name «Basler Verkehrs- Betriebe» (BVB).
- 1947 Dr gröschti Unfall in dr Geschicht vo dr BVB am Aescheplatz forderet säx Menscheläbe.
- 1948 Die erschte vierachsige so genannte Grossruumwäge wärde in Betriib gnoh.
- 1955 D Automobilverbänd ergriffe s Referändum gegen e Kredit für neui Tramwäge. Der Abstimmigskampf, wo heftig gfüehrt wird, bildet dr Höhepunkt in ihrm Kampf gege s Tram: si wei s Tram us de Stroosse vo Basel verbanne. In dr Volksabstimmig wird dr Tram-Kredit mit 19'631 Jo zu 16'152 Näi abglähnt. Ei Spootfolg vo dere Niidrlag isch d Umstellig vo de Tramlinie Schützehuus– Johanniterbrugg–Badische Bahnhof uf Autobusbetriib im Johr 1966, bzw. Trolleybusbetriib ab 1968.
- 1957 Umstellig vo de Tramlinie Landesgränze – Saint-Louis uf Autobusbetriib (1961 wird d Linie nach Hüünige und 1967 au s Lörracher Tram uf Busbetriib umgstellt).
- 1961 D BVB stelle wider Fraue als Billeteuse ii.
- 1965 Dr Aafang vo dr Umstellig uf e Betriib ohni Billeteur. Dr erscht Billettautomat wird 1967 ufgstellt, sit 1970 verkehre alli Tram und Bus billeteurlos.
- 1969 Mit «Tram-Sit-ins» protestiere jungi Baslerinne und Basler gegen e Tariferhöhig. Die progressive Organisatione lanciere d Gratistram-Initiative. Sie wird 1972 mit 46 090 Nei zu 6 621 Jo verworfe.
- 1973 Die autofreie Sunntige bringe Höchschtfrequänze.
- 1975 Dr Tarifverbund mit dr Linie 10 vo dr BLT markiert dr Aafang vo dr Realisierig vom Tarifverbund Nordweschtschwiiz.
- 1979 D Taxi-Zentrale übernimmt mit Glaibus dr Betriib uf der Riechener Quartierbuslinie 35; wiiteri Glaibuslinie folge.
- 1979 Die letschte vo de alte zweiachsige Tramwage scheide us em planmässige Betriib us. E baar von ene stöhn aber hüt no für Nostalgiifahrte zur Verfiegig (z. B.: d Dante-Schuggi).
- 1980 Inbetriibnahm vo dr erste Computergstützte Betriibsleitschtell.
- 1984 BVB und BLT lanciere s «Umweltschutzabonnement ». Es griegt internationali Beachtig. D Frequänze stiige wägem günschtige Tarif innerhalb vo wenige Johr um meh als 25%.
- 1986 Ifiehrig vo de Vorortslinie vo Dornach und Rodersdorf in d Innestadt und Verbindig via Theaterboge zur durchgehende Linie 10.
- 1987 Wird dr Tarifverbund Nordwestschwiiz (TNW) realisiert, usser dr BVB und dr BLT sin au d SBB, d PTT (Post), d Waldeburgerbahn, d Autobus AG Lieschtl und dr Stadtbus Rhyyfälde dra beteiligt.
- 1987 D BVB stelle Frauen als Wagefüehrerinne ii.
- 1992 Inbetriibnahm vom erste hundertprozäntig niederflurige Glänktrolleybus vo dr Wält.
- 1994 Nach em Umbau vo dr Bankvereinkrüzig (Iibau vo zuesätzliche Gleisböge) wird d Linie 11 als letschti Vororts-Tramlinie zur Durchmässerlinie und vom Aescheplatz bis Saint-Louis Gränze verlengeret.
- 1995 D BVB fiire ihre hundertschte Geburtstag mit zahlriiche Verastaltige für Personal und Bevölkerig.
- 1996 Als Pilotprojäkt het d' BVB uf ihrne Liniä 36 und 37 ab em Januar en Ärdgasbus teschtet. Churz druf hän si im Ganze 12 Stugg vu dr Reihe Mercedes-Benz O 405 N2 CNG bschtellt. Si si bis im Auguscht 2008 in Betriib gsi.
- 1999 Dr Kundefründlichi, liicht merkbari 7 1/2-Minute- Taktfahrplan wird iigfiehrt. S neue, hällere Grien und s neue BVB-Logo halte Iizug.
- 2000 Uf alle Buslinie fahre klimatisierti Niedrflurbus.
- 2001 Im Zämmehang mit EuroVille ergän sich mehreri Veränderige am BVB/BLT-Linienetz und d Iifiehrig vo dr neue Flughaafelinie 30, die gohd vom Bahnhof us und schliesst au s Gebiet Universität/Spitäler direkt ii.
- 2002 Alli 28 neue, 43 m lange, klimatisierte Niderflurtram sin abgliiferet.
- 2004 Alli 28 neue (lueg unter 2002), klimatisierte (d Klimaalag goht nit, wenns dusse z heiss isch) Niderflurdrämmli mien wäge Sicherheitsmängel für e baar Wuche us em Verkehr zoge wärde. Unterdesse sin si provisorisch gflickt wider im Iisatz. Als Ersatz fir die kaputte Drämmli sin fünf Bärnertram uf Basel abe ko. Sidder sins aber nume no vier, wil eins bim Brand im Depot Wiiseplatz, im Johr 2004, verbrennt isch.
- 2006 D BVB wird e öffentlig-rechtlige Betriib
- 2008 D Drolleybüs wärde abgschafft.
- 2011 S Depo Wiiseblatz wird wider eröffnet.
- 2014 D Strecki vo Kleihünige nach Wiil am Rhii wird eröffnet. Jedes zweite 8er-Drämmli fahrt döt hi (15 Minute-Takt). Die eerschte zwei Bombardier Flexity wärde usgliiferet.
Weblink
Fuessnoote
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
