From Wikipedia, the free encyclopedia
Saint-Louis ìsch a Stàdt ìm Arrondissement Mulhouse (Kanton Saint-Louis) ìm Owerelsàss (Haut-Rhin), nawa dr schwitzer Stàdt Bàsel. Saint-Louis ìsch aui gànz nohch vu da schwitzer un ditscha Granza. Dia Gegend nennt ma "Drèiecklànd". D Stàdt hat 22.835 Iwohner (1. Januar 2020).
| Saint-Louis | |
 Rothüs vu Saint-Louis | |
| Verwàltung | |
|---|---|
| Land |  Frànkrich |
| Region |  Grand Est |
| Département | Haut-Rhin (68) |
| Arrondissement | Mulhouse |
| Kànton | Saint-Louis |
| Kommünàlverbànd | Saint-Louis Agglomération |
| Àmtliga Nàma | Saint-Louis |
| Maire | Pascale Schmidiger (2014-2020)[1] |
| Code Insee | 68297 |
| Poschtlaitzàhl | 68300 |
| Iiwohner | |
| Iiwohner | 22.698 |
| Flech | 16,85 km2 |
| Bevelkerungsdicht | Expression-Fähler: Nit erkannt Satzzeiche „,“ Iiw./km2 |
| Làg | |
| Koordinate | 47° 35′ 07″ N, 7° 33′ 54″ E |
| Heche | 254 m |
  Saint-Louis Saint-Louis (Frànkrich) | |
| Website | |
| http://www.saint-louis.fr | |
| Dialäkt: Mìlhüüserisch |
D Iwohner vu Saint-Louis heißa "Ludoviciens", uf Frànzeesch.
Uffem Gebìet vu Saint-Louis lìegt dr groß Flughàfa vu Bàsel-Milhüsa-Friiburg.
Saint-Louis lìegt ìm Owerrhii-Tàl, gega Bàsel, wo dàs Tàl àfàngt.
Saint-Louis ìsch 3,5 Kilometer-witt vu Bàsel, ìn dr Schwiz, 4 Kilometer-witt vu Wiil àm Rhii, ìm Ditschlànd, 25 Kilometer-witt vu Milhüsa, ìm Frànkrìch. 7 Kilometer südäschtlig vu Saint-Louis fànga d erschta Bìckel vum Jura à.
Drèi kleina Flìss, wo vu dana Jura-Bìckel harkumma, gehn d Stàdt dura: dr Lertzbach, dr Augraben un dr Denschengraben. Dr Rhii ìsch gànz nohch: a bìtsi mehr às 1 Kilometer entfarnt.
Àm 26. Novamber 1684 ìsch d Stàdt grìnda worra, vum Keenig Ludwig XIV., mìt sim Nàma. Àlso ìsch's offiziell a sehr junga Stàdt; àwer scho làng han Menscha do glabt. Ma hàt Gräwer vu 1500 vor J-C gfunda, un aui a gàllischer Schàtz vu 80 vor J-C.
Ìn dr Reemischa Zit hàt's a Ort gaa wo Arialbinum gheißa hàt, do han salamols drèi ehmàliga Reemerstroßa àgfànga. Saint-Louis ìsch gànz nohch vum dam Ort.
Ìn da XI. un XII. Johrhunderta hàt's àm Plàtz vu Saint-Louis a Därfla gaa: "Birsen".
Àm 4. Oktower 1529 ìsch s Kloschter vu Mìchelfalda uffem reemischa Site "Magnus Campus" grìnda worra; 's ìsch s ältschta Gebäi vu dr Region.
Noh dr Frànzeescha Revolution hàt d Stàdt vu dr Grìndung vum Nàtionàla Zoll profitiart, ànna 1791; do ìsch Saint-Louis a Zollàmt worra. Àm 22 Oktower 1793 sìn Saint-Louis un Mìchelfalda autonoma Städter worra, un han sìch vereinigt unterm Nàma "Bourglibre"; da Nàma ìsch blìewa vu 1793 bis 1814.
Vu 1871, unterm Ditscha Kaiserriich, hàt Saint-Louis großa Entwìcklunga kennt; a Ìnduschtriella Entwìcklung, mìt Stoff-, Zigàra-, Chemischa- un verschìedena Fàwrìka; un aui a tecknischa modernisiarung vu dr Stàdt, mìt dr Ìnschtàllation vum Gàs, vu dr Elektri, vum Telegàf un Telefon, vu Wàsserleitunga. Ìn dara Zit ìsch a Tràmway z Saint-Louis erschuna.
Ànna 1953 ìsch d Gemeinda Burgfalda àn Saint-Louis derzüe kumma un ànna 1958 ìsch d Ortschàft Nèiwag (uf Hochditsch: Neuweg, uf Frànzeesch: La Chaussée) vu Blotza uf Saint-Louis kumma.
D Maire vun Saint-Louis ìsch d Pascale Schmidiger. Saint-Louis ghert zem Kommünàlverbànd Saint-Louis Agglomération.
| Johr | 1962 | 1968 | 1975 | 1982 | 1990 | 1999 | 2007 | 2012 |
| Iiwohner | 9122 | 12378 | 14845 | 18007 | 19547 | 19973 | 19995 | 19990 |
 |
 |
Àm 25. Oktower 1840 ìsch d Zug-Linia zwìscha Saint-Louis un Milhüsa igwèiht worra. Ànna 1844 ìsch d Linia bis uf Bàsel erwittert worra.
Ànna 1945 ìsch dr Ditsch-Frànzeesch Forschung-Ìnschtitut vu Saint-Louis (ISL) grìnda worra. Do schàffa ungfahr 400 Persona, ìn dr Sìcherheits- un Verteidigungsforschung.
Àm 17. Juni 1970 ìsch dr Flughàfa vu Bàsel-Milhüsa-Friiburg igwèiht worra; ar lìegt uffem Boda vu dr Stàdt Saint-Louis.
Àm 22. Juli 2000 hàt d Sprirtuosa-Fàwrìk Fernet-Branca gschlossa. Ìn sim ehmàliga Gebäi ìsch jetzt zitterm 15. Juni 2004 a Kunschtmuseum, dr "Espace d’Art Contemporain Fernet Branca" (uf Frànzeesch).
Saint-Louis lìegt direkt àn dr schwitzer Granza, so ìsch's pràktisch a Vorort vu Bàsel. Vìel Iwohner vu Saint-Louis gehn ìn dr Großrüüm vu Bàsel ge schàffa, zum Beispiel ìn da Chemie-Firma. Dr elsassischer Dialekt vu Saint-Louis gliicht vìel àm Bàselditscha, dàs hìlft aui ìn da Granzìwerganger.
Dr elsassisch Dialekt vun Saint-Louis ghert zem Hochàlemànnisch.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
